1 Kronikas 26 - DAWAN BÎLA AISKA

Dur aihwawakra nani bara wark wala lalka nani

¹ Dur aihwawakra nani, ai piua nani kat aihwakaia ba sir muni yaban bara naku takaskan: Coré uplika nani wina Meselemías, Coré luhpia, witin ba Ebiasaf luhpia kata.

² Meselemías luhpia nani ba: Almukka ba Sakaraya; ningka ba Jediael; yumhpika ba Zebadías; walhwalka ba Jatniel;

³ matsipka ba Elam; matlalkahbika ba Johanán, bara matlalkahbi pura kumika ba Eliehoenai.

⁴ Obed-edom luhpia nani ba: almukka ba Semaías; ningka ba Jozabad; yumhpika ba Joah; walhwalka ba Sacar; matsipka ba Natanael;

⁵ matlalkahbika ba Amiel; matlalkahbi pura kumika ba Isacar, bara matlalkahbi pura wâlka ba Peultai. Kan Dawan bui Obed-edom ra uya yamni munan kata luhpa waitna ailal yaban ba wal.

⁶ Semaías, Obed-edom luhpia ba, luhpa waitna wâl bri kan, witin nani bui ai taya nani tâ bri kan, witin nani ba tara kulkan waitnika nani kata.

⁷ Bamna Semaías luhpia nani ba naha nani kata: Otní, Rafael, Obed, Elzabad, Elihú bara Samaquías, witin nani sut ba waitna nani kulkanka tara bri kan ba.

⁸ Naha nani sut na lika Obed-edom kiamka nani kata, bara ai lupia nani bara ai muihni nani sin kulkanka bri kan; witin nani ai warkka nani ba bui mariki kata, Obed-edom kiamka nani ba asla 62 kata.

⁹ Meselemías luhpia nani bara muihnika nani asla sut ba ra 18 upla nani kata, sut lika tara kulkan waitnika nani kan.

¹⁰ Hosá luhpia nani, Merarí kiamka nani ba: Simri, lalka mangkan kata ba; witin ba tawahkia lika apia kan, sakuna ai aisika bui lalka kabia wisi mangkan;

¹¹ Hilquías ba luhpia wâlka ba; yumhpika ba Tebalías; walhwalka ba Sakaraya. Hosá luhpia nani bara muihnika nani sut asla ba ra 13 kata.

¹² Naha nani sika ai piua kat dur aihwakaia warkka bri kan ba. Witin nani ra, baku sin lalka tara bara pânika nani ra sut lika, wal baku piua nani ba yan kata tempel warkka daukaia ba.

¹³ Dur bani ba dukiara tânka pliki kaikan ani taika wina ba pas dur ba aihwakbia, bamna bahara diman kata tara bara sirpi nani ba sut.

¹⁴ Lalma tani durka ba lika, Selemías mihta ra mangkan kan, yahbra tani ba lika luhpia waitna Sakaraya mihta ra mangkan, witin ba waitna ai âuya mâira bara kupia krakraukra kum kata.

¹⁵ Waupasa tani ba Obed-edom mihta ra mangkan kata, bara ai luhpia nani mihta ra mangkan ba lika dîa dîa plun nani tempel ra ba main kaikaia.

¹⁶ Muna tani ba Hosá mihta ra mangkan kata, baha tani ra sika Saléquet durka bâra ba, uli waia yabalka ra. Wark nani bani ba baku baiki saki brih banhwan kata:

¹⁷ Yu bani lalma tani durka ra âialkra ba matlalkahbi bâra kan, yahbra tani ra walhwal bara waupasa tani ra walhwal, bara plun bâra pliska bani ra lika wâl.

¹⁸ King watla yârka ra, muna tani ra walhwal kan, bara utla yârka kutbanka bilara lika wâl.

¹⁹ Dur aihwawakra nani warkka ba baku baiki daukan kata, Coré bara Merarí wal kiamka nani tilara.

²⁰ Libait wala nani ba lika tempel lalahka ba main kaiki kan, mana luha yan dukia nani suni swin ba sin.

²¹ Ladán luhpia nani Guersón bara Jehiel wina kan ba lika,

²² Jehiel luhpia nani bara ai muihni nani Zetam bara Joel wal luhpia nani ra prias watla lalahka nani ba main kaikaia mihta ra mangkan.

²³ Bamna Amram, Ishar, Hebrón bara Uziel kiamka nani ba,

²⁴ Guersón bara Moses wal kiamka nani ba, Sebuel pali ba sika lalah nani ba pura kakaira kan ba.

²⁵ Eliézer taika wina ai muihni nani kata Rehabías, Eliézer luhpia ba; Aiseya, Rehabías luhpia ba; Joram, Aiseya luhpia ba; Zicrí, Joram luhpia ba; bara Selomit, Zicrí luhpia ba.

²⁶ Selomit ai muihni nani aikuki lika pura kaiki kata, diara nani Debit bui utla dawanka nani, war lalka tara nani sut bui Dawan ra sunu lâka ra yan ba.

²⁷ Baha dukia nani ba war aiklabi wina brin kan, bara baha dukia nani ba tempel watla ba yamni briaia dukiara swin kan.

²⁸ Baku sin Dawan prapitka, Samuil bui yamni munan dukia nani ba sin bâra kata, witin ba Quis luhpia Saúl, Ner luhpia Abner, bara Seruiá lupia Joab sin kata. Diara bani yamni munan dukia nani ba lika Selomit ai muihni nani wal mihta ra kata.

²⁹ Ishar kiamka nani wina, Israel tawanka dukiara plis wala nani ra ai warkka alki bri kan ba, wihta bara war lalka nani baku, baha nani sika Quenanías bara ai luhpia nani kira.

³⁰ Hebrón uplika nani tila wina, Hasabías ai muihni nani aikuki, baha nani waitna wina karna nani kan asla 1,700 banhwi kan, witin nani Israel pura kaiki kan Dawan warkka nani sut ra, baku sin king dukia nani ba aihwaki kan.

³¹ Debit ba mani yawanaiska wâl king aimaki kan piua ra, Hebrón pamalika nani tila kat tânka pliki kaikanka nani daukan, bara nu takan baha nani tilara waitna nani tara kulkanka bri nani bâra kan ba, Jazer Galaad ra.

³² Ai muihni nani aikuki, waitna nani kulkanka tara bri kan ba, asla lika 2,700 utla lalka nani bâra kata. King Debit bui sakan Ruben, Gad bara Manasés kiamka nani bakriki ba tâura aimakbia dukiara, Dawan warkka daukaia ra, baku sin king warkka nani daukaia.