Sins Lâka 9 - DAWAN BÎLA AISKA

Sins lâka wih taniska lâka wal prakan ba

¹ Sins lâka ba mita ai watla mâkan; playka nani 7 wal skahki daukan sa.

² Witin ai daiwra nani ikan lilia daukaia dukiara; wain aihwa ridi dauki, ai tibilka ra mangkan.

³ Bara ai albika mairin nani ba blikan tawan purara uli winaia:

⁴ “¡Nâra bal, sins tânka aitani briras wahmika nani!” Taniskira nani ra ai bîla aisinka ba blikan wan:

⁵ “Bal, man nani, plun brisna na wina pis; bara wain ridi daukri na wina sin diaia.

⁶ Man nani tanis lâka ba swis, bara raya kama; upla sinskira nani baku man nani tauki bas.”

⁷ Trabil babukra bara rugkira ra lawi dauks waihla kaikaia bara saura munaia baman man brima.

⁸ Lawaska kakikra ra kupia kraukma, man misbara kaikaia lâka ni brima; sinskira ra kupia krauks, bara witin latwan mai kaikbia.

⁹ Sinskira ra diara yas, bara witin kau sinskira takbia; upla pain ra diara smalks, bara witin kau aiska sinskira takbia.

¹⁰ Dawan ra kulkaia ba wina, sins lâka ba takisa; holikira pali ra kakaira takaia ba lika, sins briaia lâka sa.

¹¹ Tingki manis sins lâka ra, yuam nani kau ailal maikbia, bara rayakam manka nani sin kau pura praki maikbia.

¹² Man sinskira kama kaka, yamnika nani ba man pali wînam hilpka brima; bara man trabil babukra sma kaka, baha sin man yakan wînam ra baha pâtka nani ba wapni daukma.

¹³ Sinskas lâka ba mairin upla nina aisasara baku sa, pûlkira bara diara tânka briras.

¹⁴ Bara witin ai watla durka bilara iwisa, iwaika kum purara, tawan tara ba kau pura tani ra;

¹⁵ bara baku yabal ra wawapra tauki uplika nani ra winisa; ai yabalka yamni bâk auya ba mita:

¹⁶ “¡Nâra bal, diara tânka kaikras wahmika nani!” Taniskira nani ra wiaia blîks:

¹⁷ “Implikan laya nani ba diaia kau auhni sa; plun yukuwi pin ba, kau auhni sa.”

¹⁸ Sakuna witin nani tânka briras sa ai paiwan uplika nani ba, nanara dista kum baman sa, prura kingka tasbaya ra.