Sins Lâka 5 - DAWAN BÎLA AISKA

Sturi damni aisi mairka lamara sin wapara

¹ Luhpi, sinski lâka aisinka kat kiamam lihni bas; yang diara tânka lukisna ba kat, kiamam pri tniki wals.

² Baku lika tânka brima nahki âuya mâira kaia ba, bara sip kabia sins tânka pliki wal aisaia.

³ Kan upla mairka un nani aisi ba nasma damnika baku sa, ai bîla baikra ba oliv batanka wal kau swapni sa.

⁴ Kuna baha ningkara, witin tahpla pali takuya, sord ai malika wâl bri ba baku mala sa.

⁵ Witin wal taukaia ba prura ra wan bri wisa; witin wapanka nani ba wan bri auya raiti bîla kat.

⁶ Mairka ba rayaka yabalka ba kulkras pali sa; ai dahra sin walras sa anira ai mina lulki ba.

⁷ Baku bamna, luhpi, yang ra wals, bara bîli smalkanka nani wina tnaya ra tawpara.

⁸ Upla wala mairka lama wina laihura taks; ai watla durka lamara sin wapara.

⁹ Baku mika tiwbia apia mankam ailal yua ba, tringsar bara kupias nani mihta ra.

¹⁰ Tringsar kumi sin karnikam ni wark daukram mâ nani ba wal aibanhbia apia.

¹¹ Kau ni mapara, ini yauhma lâs piua ra, man wînam tara ba tawa tawa danh taki auya ba ra.

¹² Bara wima: “¡Nahki sip kapri smalkanka ba saura wiaia! ¡Nahki sip kapri bahki kulkaia kupia kraukanka nani ra!

¹³ ¡Walan ai daukras kan smasmalkriki nani ra, kiaima pri tniki walras kapri, dîa ai smalki nani ra,

¹⁴ bara kau wiria kan, asla takanka aiska mawanra, yang pât saura kat dimi waia!”

¹⁵ Man lamya watla kârma wina, lî taki ba ni dirankam ba dasks.

¹⁶ Man lamya kârma wina lî plapi ba laikpara; bahki yabal nani ra laiki taukpara.

¹⁷ Man lamyawanhta ba man dukiam sa, ¡yarka man baman dukiam kabia; upla tringsar nani, man wal asla dukiam bripara!

¹⁸ ¡Lamya kârma man dukiam ba, yamni pali kabia! Wahma kapram mairka kan ba wal, liliam bris.

¹⁹ ¡Snapuka mairin latwanka aihka painkira ba, man wal lihki ban kama! ¡Piua bani ra ai latwanka ni mai sruki ban kabia!

²⁰ ¿Dîa kan luhpi upla maya wal aiblakwi kaia? ¿Dîa kan mairin tringsar klahkla ra klahbi aimakaia?

²¹ Dawan ba kaikisa upla daukanka ba; witin ai nakra wina, mina lulkanka kum sni tiwras.

²² Upla watawi ba, witin pali ai watawanka nani mita klauna bliki alkisa; witin ra prak alkan kabia, ai saurka mita sin kiwa ni baku.

²³ Witin ai wîna ra smalkras kan ba tâka mita prubia; witin ai taniska lâka ba mita ban tanis tiwbia.