Sins Lâka 15 - DAWAN BÎLA AISKA

¹ Swapni ni upla tawa aisaia ba ai kupia baikanka ba daskisa, sakuna sarka paski bîla nani lika kau kupia baikisa.

² Upla sinskira nani aisanka wina, sins lâka ba urhwi takisa, sakuna sinskas nani bîla aisanka wina, tanis lâka tânka nani ba takisa.

³ Tasba bani ra, Dawan nakra bâra sa; saura nani, yamni nani sut purara aihwaki kaikisa.

⁴ Latwan luki wan twisa tawa aisi ba, raya kaia dusa sa, kuna warha aisi kaka, upla spiritka sauhkisa.

⁵ Upla taniskira ba, ai aisika bui witin ra smalkan ba bahki kulkisa; ya wali alki bri ba, sins lâka ba marikisa.

⁶ Kasakkira ba watla ra, yuyaka ailal kukan sa, kuna upla watawikira dukia ailal ba, maihsas pali sa, bara sin trabil man sa.

⁷ Sinskira nani bîla aisinka wina sins lâka yakabisa, sinskas ba, ai lukanka wal, dîa sut ba mapara man daukisa.

⁸ Upla watawikira nani, daiwan iki angki sakripais dauki ba, Dawan mita saura pali kaikisa; sakuna wapnikira nani pura sunra ba, witin ai lilika sa.

⁹ Upla watawikira daukanka ba, Dawan mita saura pali kaikisa, sakuna witin kasak lâka ra iwi uplika ra, witin latwan kaikisa.

¹⁰ Yabal pain ba swi uplika ra, witin karna pali smalkisa; bara kupia kraukanka yabi ba waihla nani ba ban pruisa.

¹¹ Prura bara raiti sin Dawan nakra ra bâra sa kaka upla lukanka nani ba kan, pura lui kaikisa.

¹² Lawaska kakikra lika ai kupia krauki uplika ra latwan kaikras; witin ba upla sinskira nani wal sin prawras sa.

¹³ Wan kupia liliaka mita wan mawan lilia sakisa; kupia lukra siknis ba, mawan ba, sari sa.

¹⁴ Wan kupia tânka brih luki ba, sins lâka plikisa, sakuna taniskira nani bîla lika ai taniska lâka ba ai pata baku brih pîsa.

¹⁵ Ya mapara sari lâka ra sma ba, yu bani ba saura sa; ya mapara ai âuyapah bri ba, liliaka kum piua bani ra kabia.

¹⁶ Kanra yamni sa diara wiria man briaia, Dawan sibrinka ba wal, pain apia sa wan dukia kukan ailal briaia, bara baha kira wan kupia turban man kaia.

¹⁷ Kanra yamni sa, dus mâ nani man piaia, latwan lâka bâra kaka, wihki bîp wîna piaia misbara bâra sa kaka.

¹⁸ Kupia baiwrira waitnika lika, unsaban bukisa; ya kupia swapni ba, unsaban ba lamni daukisa.

¹⁹ Upla sringwaskira nakra ra yabal bîla ba kiaya man sa; sakuna wapnikira nani yabalka bîla ba lika, yabal tara pain pali sa.

²⁰ Luhpia waitna sinskira ba, ai aisika kupia lilia sakisa, sakuna luhpia taniskira ba, ai yaptika ra bahki kulkisa.

²¹ Tanis lâka lika, sins yamni luha uplika liliaka sa; sakuna diara tânka brih luki uplika, ai wapnika ba wapni daukisa.

²² Wan kupia ra luki paskanka nani ba, kupia kraukanka âpu warkka nani sut ba kriwisa, sakuna bukan kaia sip sa lâ tânka manis wan smalkuya ba ra.

²³ Pana aisaia bîla pali ba walaia lilia wan sakisa, sakuna nahki prais kau lilia sa baha piua pali kat walaia.

²⁴ Tânkira muni uplika mapara, raya kaia yabalka bîla ba, pura tani auya; bara pri sakisa sinskira nani ra, raiti bilara iwi waia ba wina.

²⁵ Dawan bui prautkira nani watla ba sauhki tikbia. Kuna piarka tasbaya piarkika ba dutki bapbia.

²⁶ Upla saurakira luki paskan tânka nani ba, Dawan mita saura pali kaikisa, sakuna ai uplika sunukira bîla tâski âpu aisi ba lika, yamni kaikisa.

²⁷ Upla gridikira lika, witin ai watla bilara trabil bukisa, sakuna taiban lâka mana briaia waihla ba lika, raya kabia.

²⁸ Upla kasakkira ba, nahki upla ra pana aisaia ba luki kaiki aisisa, sakuna upla watawikira nani ba, ai bîla wina diara saura nani saki yakabisa.

²⁹ Dawan lika upla watawikira nani wina laihura sa, kuna witin kasakkira nani pura sunra ba walisa.

³⁰ Wan nakra nani ingnika mita wan kupia lilia sakisa, bara bîla dahra yamni walan ba mita, wan karnika raya wankisa.

³¹ Rayaka ba wapni daukaia, lawi bara wali ba, sinskira nani tilara ai pliska kum bribia.

³² Diara wan smalkan ba sip kulkras uplika, witin ai rayaka ba bahki man kulkisa, sakuna wan kupia kraukanka wali ba lika, sins yamni alki bribia.

³³ Dawan ba kulkanka yabaia ba lika, sins lâka tânka wan smalkisa; kulkanka tara briaia kaka, tâura bawan lâka bri kaia sa.