Lawana Nani 3 - DAWAN BÎLA AISKA

LAWANA 3 Dawan wina hilpka makabi ba pura sunra

Debit ai luhpia Absalón wina plapi kan taim ai pura sunan.

¹ Dawan, waihli nani ba uya takan sa, manis nani ba, yang maipara buan sa.

² ¡Manis nani yang daihra aisi banhwi ba: “Gâd, witin ba swaki sâkbia apia!”

³ Sakuna, Dawan, man, yang kaini kahbaika sma, man sika yang praina sma, man sika yang kupi kli bukisma ba.

⁴ Yang bîli baikra karna ni Dawan ra hilp makabi winri, bara witin bâk sakan ilka ba wina ai aisan.

⁵ Yang mahka aitniki bara yapisni, bara sin kli buisni, Dawan tâi baikisa bamna.

⁶ Upla tausin nani tnaiya kir ai kutbi bri ba, maipara aiklabaia dukiara, yang baha nani sibrinka briras sna.

⁷ ¡Dawan, bus! ¡Swaki ai sâks, yang Gâdki! Yang waihli nani ba mawan kat man prukma; ¡watawikira nani napa nani man krikma!

⁸ Dawan, man sika swaki sakisma ba; bamna yamnikam, uplikam nani ra yas.