Kulki Kaikanka 29 - DAWAN BÎLA AISKATrumpit nani liliaka daukaia yua ba (Lib 23.23-25) 1 “Kati 7 pas yua ba, man nani aidrubanka holikira kum daukma. Baha yua ba man nani wark wala daukpara, trumpit nani ba puhbi upla sut ra maisa paks. 2 Daiwan aiska angki kîa yamni Dawan ra yabi ba baku, bîp wainhka lupia kum, sîp wainhka kum bara mani kumi bri sîp lupia 7 mani kumi bri ba taya sauhkan kumi sin âpu ba. 3 Baha plawar 6 paun bribia, bara batana laya laiki akbia prisantka yabaia ba, baha sika bîp wainhka kumi angkaia dukiara plawar paun walhwal briaia, sîp wainhka sin kum angkaia dukiara, 4 sîp kumi angkaia ba plawar paun wâl bribia, 5 saurka swih tikaia mana, guts wainhka lupia kum aiska angki yabia, 6 baha purkara, kati bani daiwan aiska angki bara yu bani daiwan aiska angki ba, plawar plun mâ sâtka nani, bara wain sin, baha sakripais nani Dawan win ba baku daukbia. Baha ba kîa pain angki Dawan kiawali ba kulkanka yaia dukiara kabia. Pâtka ban swih tikaia yua ra diara yabaia ba (Lib 23.26-32) 7 “Kati 7 yua matawalsip ra, man nani sut aidrubi balma, baha yua man nani kaiki, plun piras sunu takaia yua, baha yua wark wala kumi sin daukras kama. 8 Daiwan aiska angki kîa pain dauki Dawan ra yaia bamna, bîp wainhka kum, sîp wainhka kum bara sîp lupia mani kumi bri ba 7 iki angkbia, daiwra nani ba taya sauhkan âpu kabia. 9 Plawar 6 paun bara batana laya laiki akbi prisantka yabaia ba, baha sika bîp wainhka kumi angkaia dukiara, plawar paun walhwal briaia, sîp wainhka kumi angkaia dukiara, 10 bara sîp lupia kumi angkaia ba plawar paun wâl briaia. 11 Saurka daukan ba mana guts lupia kum aiska angki yabia, kli baha purkara sin saurka ban swih tikaia, yu bani dauki ba daukbia, barli mâ nani bara wain prisantka ba sin. Utla papakni nani mâkan liliaka (Lib 23.33-44) 12 “Kati 7 yua 15 aimakuya ba sin, aidrubi banhma sunu takaia. Baha yua man nani wark wala daukma apia, wik kum lilia daukma, Dawan ra mayuni yamni munaia warkka baman dauki kama. 13 Pas yua ba kîa pain dauki Dawan ra yabaia bîp wainhka 13 aiska angkaia, sîp wainhka wâl, bara mani kumi alkan sîp ba 14 angkaia, taya sauhkan âpu ba. 14 Plawar 6 paun bara batana laya laiki akbia prisantka yabaia ba, baha sika bîp wainhka kumi angkaia dukiara, plawar paun walhwal briaia, sîp wainhka kumi angkaia dukiara, 15 bara sîp lupia kumi angkaia ba plawar paun wâl briaia. 16 Baha sut purara, guts sin kumi aiska angkaia saurka daukan ba mana yabia, pat sakripais yu bani barli mâ wal daukan prisantka ba bara wain ba sin yabia. 17 “Yua wâlka ra kli bîp wainhka 12, sîp wainhka wâl, sîp lupia mani kumi alkan taya sauhkan âpu ba 14 angkbia. 18 Baha purkara, barli mâ sâtka nani ba bara wain sin yabia, bîp wainhka nani an kulkan ba, sîp wainhka nani bara sîp lupia mani kum bri nani an kulkan ba kat, dîa Gâd lâ mangki win ba kat daukbia. 19 Baku sin guts lupia kum aiska angki yabia, saurka ba mana pat sakripais yu bani dauki ba, purara plun mâ nani prisantka bara wain ba sin yabia. 20 “Bara yu yumhpika ra bîp wainhka 11 angkbia, sîp wainhka wâl bara sîp lupia mani kumi bri ba 14 angkbia, taya sauhkan âpu ba. 21 Baha purkara kli plawar, barli mâ nani, wain sin bri sal yabia, bîp wainhka nani an kulkanka ba kat, sîp wainhka nani bara sîp lupia nani kulkanka ba kat, Gâd bui dîa win ba kat daukan. 22 Saurka daukan mana guts wainhka lupia kum aiska angki yabia, bara yu bani daiwan aiska angki yabaia ba, plawar, barli mâ nani ba bara wain sin yabia. 23 “Yu walhwalka ra, bîp wainhka matawalsip angkaia, sîp wainhka wâl bara sîp mani kumi alkan ba sin 14 angkaia, taya sauhkan âpu ba. 24 Bara sin plawar, barli mâ nani ba, wain sin yan kabia, bîp wainhka nani an kulkan ba, sîp wainhka nani an kulkan ba sin, bara sîp lupia nani an kulkan ba praiska kat, Gâd bui dîa win ba kat daukbia. 25 Saurka mana guts lupia kumi aiska angki yabia, plawar bara plun mâ nani ba, daiwan aiska angki yaia dukiara, wain sin yaban kabia. 26 “Yu matsipka ba daukaia bîp wainhka 9 angkaia, sîp wainhka ba wâl bara mani kumi alkan sîp lupia nani 4 angkaia, taya sauhkan âpu ba. 27 Baha purara plawar, barli mâ nani, wain sin yaban kabia, bîp wainhka nani an kulkan ba, sîp wainhka an kulkan ba, sîp lupia nani sin an kulkan ba praiska kat, Gâd lâ mangki win ba kat daukbia. 28 Baku sin saurka daukan mana guts wainhka lupia kumi yabia, yu bani sakripais nani angki ba sin, barli mâ nani bara wain sin yabia. 29 “Yu matlalkahbi ra daukaia ba, bîp wainhka 8 angkaia, sîp wainhka wâl bara mani kumi alkan sîp lupia ba 14 angkaia. 30 Baha purkara barli mâ nani, wain sin yabia, bîp lupia nani an kulkan ba praiska kat, sîp wainhka nani bara sîp lupia nani sin an kulkan ba praiska kat. Gâd lâ mangki win ba kat daukbia. 31 Baku sin saurka mana guts wainhka lupia kum aiska angki yama, baha purkara yu bani daiwan aiska angki yaia, barli mâ nani bara wain sin kabia. 32 “Yu matlalkahbi pura kumika ba daukbia, bîp wainhka 7, sîp wainhka wâl, mani kumi alkan sîpka ba 14 angkaia, sîpka ba taya sauhkan âpu kabia. 33 Baha purkara, diara wala nani ba sin, barli mâ nani bara wain sin yabia, bîp nani an kulkan ba, sîp wainhka nani ba, bara sîp lupia nani sin an kulkan ba praiska kat, Gâd lâ mangkan ba kat daukbia. 34 Saurka mana guts wainhka lupia kum aiska angki yama, baha purkara yu bani sakripais angki ba, barli mâ nani bara wain sin yabia. 35 “Yu matlalkahbi pura wâlka ba, sunu takaia yua dauki banhma. Baha yua ra, wark sâtka wala kumi sin dauki banhma apia. 36 Bîp wainhka kum aiska angki kîa pain Dawan ra dauki yama, sîp wainhka kum bara mani kum sîp ba 7 taya sauhkan âpu ba sin angki yama. 37 Baha purkara barli mâ nani bara wain sin yan kabia, bîp bara sîp wainhka nani ba angkaia dukiara, bara sîp lupia nani ba angkaia dukiara sin, Gâd lâ mangkan ba kat daukbia. 38 Saurka mana guts wainhka lupia kumi aiska angki yabia, yu bani sakripaiska angki yabi ba, barli mâ nani bara wain sin baha purara. 39 “Daiwan aiska angki Dawan ra yabaia ba, baha purkara kupia aiska diara yaia lâ daukan, baha daiwan aiska angki kaia ba, barli mâ nani bara wain sin; apia kaka wal kli uplika taki lâka nani daukaia, naha lâka nani sika Dawan daukan ba, upla nani ba baku daukbia.” 40 Bara Dawan dîa lâ mangki yan ba, Moses bui Israel luhpia nani ra maisa pakan. |
© 2010 Bible Society in Nicaragua
Bible Society in Nicaragua