Job 42 - DAWAN BÎLA AISKA

Job

¹ Job Dawan ra pana aisi, win:

² Yang kaikisna man lika diara sut ba daukaia sip sma, diara âpu sa man daukaia sip apia sma ba.

³ ¿Yang na yamna, man sinskam lâka ba bahki kulkaia, baku yang sinskaski lâka ba mamrikaia sna? Yang aisi katna ba lika, diara nani tânka briras sna ba dukiara sika, diara nani aihkakira pali sa, sip sin tânka briaia apia sna ba.

⁴ Man ai wiram: “Man ra aisaisna na aman wals, naha makabanka nani na ansika aik.”

⁵ Naha piua kat mai kakaira sna walisna ba wina baman, sakuna nanara naikra pali ni mai kaikisna.

⁶ Baha mita dîa sna ba wina kupi lakisna, tasba yuya bara yamhpus ra iwisna ba wina.

Gâd mita Job ra kli yuyaka nani yabisa

⁷ Dawan mita Job ra naha diara nani win ba ningkara, Elifaz ra win: “Yang uya pali lawisna man ra bara pâmnika wâl ba ra sin, kan man nani lika yang dukira diara kasak ba aisaras kapram, yang duki dadaukra Job daukan ba baku.

⁸ Bamna nanara bîp bul 7 bara sîp wainhka 7 sin brih was duki dadaukra Job kaikaia, bara man nani dukiamra aiska angkaia sakripaiska dauks. Naipakan Job man nani dukiamra ai pura sunbia, bara yang ai pura sunra ba yamni walamna, bara man nani ra saura kumi sin mai munamna apia, kasak pali man nani klala briaia aitani sma yang dukira kasak aisi banhras kapram sakuna, naipakan Job daukan ba baku.”

⁹ Elifaz, Bildad bara Sofar, witin nani wan bara Dawan dîa win ba kat daukan, bara Job pura sunra ba Dawan walan.

¹⁰ Job ai pânika nani dukiara ai pura sunan ba ningkara, Gâd mita ai dukia nani kan ba kli yan kainara kata ba baku, kainara bri kan ba wal kau aima wâl prais.

¹¹ Bamna ai muihni nani, ai lakrika nani bara ai pânika nani sut mita kaikaia wan, patitara kakaira nani kan ba sin, sut asla witin nani pata tara kumi daukan ai watla ra, bara witin nani sut Job dukiara uya pali sari taki banhwan bara uya maisa nihkan Dawan mita baku pali klala yan ba dukiara, kumi bani mita lalah yan bara gul mihtadingka sin yan.

¹² Gâd bui Job ra ai yamnika ailal yaban kan kau siknis takras kan ba kainara, sakuna nanara kau ai yamnika tara yan: Sîp nani 14,000 brin, kiamil 6,000, tasba baikaia bîp ba 1,000 bara biriku mairin 1,000.

¹³ Baku sin luhpa waitna nani 14 bara luhpa mairin yumhpa brin.

¹⁴ Luhpia mairin almuk ba nina Jemimá, wâlka ba nina Quesiá, yumhpika ba nina Queren-hapuc.

¹⁵ Job luhpia mairin nani pain kan ba baku wala âpu kan tasba ra, ai aisika Job mita yuya nani yan ai lakrika nani wal baku.

¹⁶ Naha ningkara Job raya kan 140 mani, piua yari brin ai luhpia nani, ai mula nani, ai snawa nani bara ai kiamka walhwal ba kaikaia.

¹⁷ Bara Job ba pruan yua nani ailal brin ba ningkara.