Blasi Sturka 10 - DAWAN BÎLA AISKA

Noa luhpia nani kiamka nani ba

¹ Naha nani sika Noa luhpia nani kiamka ba: Sem, Cam, Jafet ba, lisamra tara luan ba ningkara witin nani ai luhpia baikan ba wina ai kiamka nani takan ba.

² Jafet luhpia nani ba: Gómer, Magog, Madai, Javán, Tubal, Mésec bara Tirás,

³ Gómer luhpia nani ba: Asquenaz, Rifat bara Togarmá.

⁴ Javán luhpia nani ba: Ilaidsa, Tarsis, Quitim bara Rodanim.

⁵ Naha nani sika Jafet kiamka nani takan ba, bara witin nani kabu un tasbaya ra iwan, taika kumi wina takan kiamka nani, bara baha tânka kat sin ai nisanka nani takan bara ai tasbaya kat iwan ai bîla kat sin aisin.

⁶ Cam luhpia nani ba: Cus, Misraim, Fut, Kenan.

⁷ Bara Cus luhpia nani ba: Sebá, Havilá, Sabtá, Raamá bara Sabtecá. Raamá luhpia nani ba: Sebá wihki Dedán wal.

⁸ Bara Cus ba sika Nimrod aisika, witin na pas waitna karnakira tasba ra bal takan.

⁹ Nimrod na Dawan kupia lâka ba mita daiwan âikra, antin waitnika aihwa pali takan. Bara baha wina aisinka kum takan: “Nimrod wal baku, Dawan kupia lâka mita antin tatakra tara kum kan ba.”

¹⁰ Witin ai kingka tasbaya tara nani bukan ba: Babel, Érec, Acad bara Calné. Baha nani sut lika Sinar tasbaya ra sa.

¹¹ Baha Sinar tasbaya wina Asur ra taki wan bara witin sin tawan tara wala nani paskan. Ninibi, Rehobot-ir bara Quélah tawanka ba sin.

¹² Bara Ninibi, Quélah wal bilka ra Resen tawanka tara ba bâra sa.

¹³ Misraim kiamka nani takan ba: Lud uplika nani, anameo nani, lehabita nani, naftuhíta nani,

¹⁴ petruseo nani, casluhíta nani bara caftorita nani sin; baha nani kiamka wina filisteo nani ba bal takan.

¹⁵ Kenan luhpia nani: Sidón ba ai tawahkia kan, muihnika Het sin.

¹⁶ Kenan kiamka nani ba: Jebús uplika nani, amorreo nani, gergeseo nani,

¹⁷ heveo nani, araceo nani, sineo nani

¹⁸ Arvad uplika nani, semareo nani bara Hamat uplika nani sut sin, baha nani wina Kenan kiamka nani sahwi ailal takan ba. Ningkara, witin nani turwi aihka aihka dakwi taki iwan.

¹⁹ Witin nani ai tasbaya piarkika ba, Sidón wina waupasa tani ra Guerar kat, baha lika Gaza lamara, baha wina lalma tani ra Sodoma, Gomora, Adma ban Seboím bâk lui Lesa lama kat.

²⁰ Naha nani sika Cam luhpia nani, kiamka kumi wina takan ba, ai tasbaya nani kat iwan, ai nisanka bîla kat aisin.

²¹ Jafet muihnika almukka Sem ba sin, ai luhpia nani brin. Éber kiamka nani sut ba Sem luhpia nani kiamka wina takan.

²² Sem luhpia nani ba: Elam, Asur, Arfaxad, Lud bara Aram.

²³ Aram luhpia nani ba: Us, Hul, Guéter bara Mas.

²⁴ Arfaxad luhpia Sélah, Sélah luhpia Éber.

²⁵ Bara Éber ai luhpia waitna wâl sakan: kumi ba nina Péleg mâkata, kan witin ai yua nani ra tasba ra upla nani ba aihka dakwi taki iwi kan bamna, bara Péleg muihnika nina ba lika Joctán mâkan.

²⁶ Bara Joctán ai kiamka sakan: Almodad, Sélef, Hasar-mávet, Jérah,

²⁷ Hadoram, Uzal, Diclá,

²⁸ Obal, Abimael, Sebá,

²⁹ Ofir, Havilá bara Jobab, naha nani sut ba Joctán kiamka baman.

³⁰ Witin nani iwi kan tasbaya nani ba Mesá wina ban Sefar kat auya ba bilka ra kan, unta tara, il nani tasbaya lalma tani ra.

³¹ Baha nani sika, Sem luhpia nani taika kum wina takan nani ba. Kiamka kumi bani ba ai nisanka kat, ai bîla aisi ba kat, bara ai tasbaya kat iwan.

³² Baha uplika nani sut ba sika Noa luhpia nani, ai kiamka nani wina bara ai taya nani ailal takan ba; baha nani wina nisan nani ailal tasba ra bal takan. Lisamra tara luan ba ningkara tasba aiska ra yakaban, bara nisan sâtka ailal ba takan.