2 King Nani 21 - DAWAN BÎLA AISKA

Manasés Juda ra king aimakan ba

¹ Manasés ba 12 mani bri kan king aimakan piua ra, bara Jerusalem ra 55 mani king aimakan. Ai yaptika nina ba lika Hepsiba mâki kan.

² Sakuna witin saura daukan Dawan mawanra, kan nisan wala nani saura daukan ba Israel luhpia nani mawanra bara Dawan mita kangbi sakata ba baku witin daukata:

³ idan nani gâdka bahki watla nani ai aisika Ezequías mita sauhki tikan kata ba kli paskan; Baal altarka kata ba paskan, Aserá lilka sin kli daukan, Israel kingka Ahab daukan kata ba baku; baha sut purkara slilma nani kasbrika purara nani ra ba ra mayuni prias daukan.

⁴ Baha sut purkara sin, Dawan tempelka ra altarka nani paskan, baha dukiara sika Dawan aisin witin ai nina ba Jerusalem ra bâra kabia baha pliska ra.

⁵ Bara altar wala nani paskan, Dawan tempelka watla kutbanka painkira wâl ba ra, bahara witin nani slilma nani kasbrika purara ba, baha mayunanka ra.

⁶ Baha purkara, ai luhpia waitna nani pauta ra angkan sakripais daukaia wisi, bara pirit bahki nani ra, smaya kakaira nani ra, pirit saura warkka dauki bara sukia lâka nani sin bukan. Saura pali Dawan nakra ra daukan, baha sât saurka nani dauki kan ba mita Dawan kupia sauhki kan.

⁷ Baku sin Aserá lilka paski Dawan tempelka ra mangkan, baha kainara Dawan mita Debit bara Salaman ai luhpia wal ra wisata ba: “Naha Jerusalem tempelka watla ba bâk saki briri sa, Israel kiamka nani tila ba wina, yang iwaia waitla ban kaia ra bâra kabia.

⁸ Bamna kli aima wala ra Israel luhpia nani ba kangbi sakamna apia, baha tasbaya ai damika nani ra yâri ba wina, witin nani dîa yang adarka yârika ba dauki kabia kaka, baha sin dîa lâka albiki Moses yan ba daukisa kaka.”

⁹ Sakuna witin nani kumi sin walras kan. Ban sakuna, Manasés mita upla nani ra yan saurka lâka nani ba daukan, Dawan mita sauhki tikan, Israel luhpia nani luhpika mawan kat.

¹⁰ Baku bamna, Dawan mita aisan ai prapitka nani bâk, bara win:

¹¹ “Manasés Juda kingka ba saurka nani ailal daukan bamna, bara sin witin ba kau saurka daukan amorreo nani kaina piua ra daukan ba wal, baku Juda ra saurka yaban daukan lilka bahki ba wal,

¹² yang, Dawan, Israel Gâdka ba, param marikisni: Yang sauhki tikanka tara blikaisna Jerusalem wihki Juda ba wal purara, bara naha na walbia bara ai kiama nani sut latwan takbia ya walbia ba.

¹³ Jerusalem ba sim Sameria wal dîa daukri ba baku daukamni, Ahab kiamka nani ba lika âpu daukamni, plit sikbi diki klin dauki makupi swi ba baku.

¹⁴ Bara upliki nani tâka takaskan ba, lulki swimna bara ai waihla nani mihta ra mangkamna, bara diara nani bri ba sut ai mihta dakbia.

¹⁵ Kan yang naikra ra diara saura daukan ba mita, bara kupi sin sauhkan, ai damika nani Idsip wina takan yua ba wina naiwa yua kat sin.”

¹⁶ Baha purkara Manasés Juda ra saura daukan, baha daukan ba Dawan yamni kaikras kan, upla uya tâlia laikan Jerusalem ra, bara banhki takan tâ kum wina tâ wala kat.

¹⁷ Diara nani Manasés daukan yaba sturka bara saura daukan ba sin sut, Juda kingka nani wauhkataya ra ulbi mangkan sa.

¹⁸ Witin pruan ba ra king watla latka ra bikan, Uzá latka ra. Baha ningkara ai luhpia waitna Amón ba king aimakan.

Amón Juda ra king aimakan ba

¹⁹ Amón ba king aimakan piua ra 22 mani bri kan, bara mani wâl Jerusalem ra king aimakan. Ai yaptika nina ba Mesulémet mâki kan, witin ba Hasor luhpia mairin kan, Jotbá wina.

²⁰ Sakuna witin ba Dawan mawanra diara manis saura daukan, dîa ai aisika Manasés daukan ba baku,

²¹ kan sim aisika ai warkka saura nani daukan ba, baha aidulka nani ra ai aisika mayuni dukia daukan.

²² Bara baku Dawan ai damika nani Gâdka kan ba lika lulki swin, bara Dawan win ba kat sin wataukras kan.

²³ Bara Amón war wihtka ba mapara bûi, king ba watla kat dimi ikan.

²⁴ Sakuna baha tawanka uplika nani mita baha nani king Amón mapara bûi ikan nani kan ba sut ra iki tikan. Bara tawan uplika nani ba mita Josías luhpia waitna kata ba king mangkan, witin ai watlika ra.

²⁵ Diara nani sut Amón daukan tâka ba, Israel kingka nani wauhkataya ra ulban sa.

²⁶ Bara witin ba bikan Uzá latka ra. Ningkara witin ai watlika ra ai luhpia waitna Josías king aimakan.