1 Kronikas 9 - DAWAN BÎLA AISKA

¹ Israel kiamka nani ba naku Israel kingka nani wauhkataya ra ulbi mangkan kata. Sakuna Juda uplika nani saurka daukan ba tâwan, Babilon ra blikan wan.

Babilon wina kli tawi balan nani ba

² Pas upla nani ai pliska brin nani ba lika Israel luhpia nani prîs nani, Libait nani, tempel ra wark dadaukra nani ba sin.

³ Jerusalem ra takaski banhwan nani ba lika Juda, Benjamín, Efraín bara Manasés kat kiamka nani.

⁴ Juda kiamka nani wina: Utai, Amihud luhpia, Omrí luhpia kan ba, Imrí luhpia kan ba, Baní luhpia kan ba, Fares kiamka nani wina, Juda luhpia ba.

⁵ Siloní uplika nani: Asaías, luhpia nani tawahkia ba.

⁶ Zérah kiamka nani wina: Jeuel ai taika nani sut, asla ba ra 690 upla nani kan.

⁷ Benjamín kiamka nani wina: Salú, Mesulam luhpia ba, Hodavías luhpia, Senúa luhpia kan ba;

⁸ Ibneías, Jeroham luhpia; Elá, Uzí luhpia, Micrí luhpia kan ba; Mesulam, Sefatías luhpia, Reuel luhpia kan ba, Ibnías luhpia kan ba.

⁹ Ai taya nani baha wina ai muihni nani asla sut ba, 956 upla nani kata. Naha waitnika nani sut ba lika, ai taya nani pamali ra asla taki iwi ba lalka nani kata.

¹⁰ Prîs nani ba wina: Jedaías, Joiarib, Jaquín,

¹¹ Azarías, Hilquías, Mesulam luhpia kan ba, Sadoc luhpia kan ba, Meraiot luhpia kan ba, Ahitub luhpia kan ba, witinka lika Dawan watla ra tâ aimaki kan ba;

¹² Adaías, Jeroham luhpia, Pashur luhpia kan ba, Malquías luhpia kan ba; Masai, Adiel luhpia, Jahzera luhpia kan ba, Mesulam luhpia kan ba, Mesilemit luhpia kan ba, Imer luhpia kan ba;

¹³ bara ai taya nani ba asla sut, baha lika 1,760 kan, witin nani ba taika bani lalka nani kan; naha waitnika nani na aitani ridi banhwi kan Dawan warkka daukaia.

¹⁴ Libait nani ba wina: Semaías, Hasub luhpia, Azricam luhpia kan ba, Hasabías luhpia kan ba, Merarí pamalika tila wina;

¹⁵ Bacbacar, Heres, Galal bara Matanías, Micaías luhpia ba, witin lika Zicrí luhpia, Asaf luhpia kan ba;

¹⁶ Abdías, Semaías luhpia, Galal luhpia kan ba, Jedutún luhpia kan ba; Berequías, Asá luhpia, Elcaná luhpia kan ba, naha sika Netofá tawanka sirpi nani ra iwan ba.

¹⁷ Dur aihwawakra nani ba: Salum, Acub, Talmón, Ahimán. Salum, witin nani muihnika ba, witin nani lalka kata,

¹⁸ bara Libai luhpia nani daknika tilara, naha piua kat sin baha nani ba dur aihwawakra nani sa, baha lika king durka nani lalma tani ra ba.

¹⁹ Salum, Coré luhpia, Ebiasaf luhpia kan ba, Coré luhpia kan ba, bara ai muihni nani Coré uplika nani ba, holi pliska ra dimi waia durka ba main kaiki kan, kainara ai almukka nani Dawan pliska main kaiki kan baku.

²⁰ Baha kainara, Finees, Eleazar luhpia ba, kaina piua ra witin nani tâ uplika kan. ¡Dawan ba witin wal kabia si!

²¹ Sakaraya, Meselemías luhpia, baha lika Dawan wal aisaia tintka watla ba durka aihwawakra kan.

²² Dur aihwawakra nani ba wahbi sakan kan sut ba ra 212 waitna nani kan, tawan ra upla bâra iwi ba nina mangki bri ba tânka kat. Debit bara prapit Samuil wal bui sika naha warkka ra mangkan ba, kan witin nani ra kasak lukaia uplika nani kan bamna.

²³ Baku sika naha nani ai luhpia nani aikuki, ai piua kat Dawan watla durka ba aihwaki main kaiki kan, tânka ba lika, Dawan wal aisaia pliska holi ba.

²⁴ Dur aihwaki kaiki nani ba lika tâ walhwal sut ra kan: lalma, muna, yahbra bara waupasa tani ba.

²⁵ Bara ai muihni nani tawan sirpi ra nani kan ba, yu 7 aidrubi bali kan witin nani wal kaia dukiara.

²⁶ Sakuna dur nani aihwaki ba lalka walhwal ba lika Libait nani kan, witin nani lika piua bani ban aihwaki kan dur nani tâ walhwal ra, bara Dawan lalahka watla nani ba sin.

²⁷ Naha nani lika Dawan tempelka tnaya ra ai watla dauki iwi banhwi kan, witin nani ba aihwawakra kaiki kan ba mita, bara titan bani sin dur nani ba kwâkaia kan ba mita.

²⁸ Naha nani tila ba ai mihta ra bri kan Dawan warkka daukaia dukia nani, baha nani ba pliska ra bri si dingki kan, bara sin saki kan, kulki sin kaiki kata.

²⁹ Wala nani ba lika wark daukaia dukia wala sunukira nani ba ai mihta ra bri kan; baha purkara, plawar, wain, bara batana laya, diara angkaia dukia nani kîa yamni nani ba sin.

³⁰ Prîs nani kum kum bui isint kîa ba ridi dauki kan,

³¹ bara Libait kum nina Matatías, Salum luhpia tawahkia ba, witin Coré uplika nani kata, witin lika piua bani plawar ni diara tanhta daukaika kan.

³² Ai taya nani tilara Quehat luhpia nani ba bâk sakan kan, brit holikira ba daukaia, baha ba ris yua nani ra ai lainka ra kahbi swi kan.

³³ Baku sin aiwawanra nani bâra kan, Libait nani tilara lalka kan ba, witin nani ba takaski kan Dawan watla bilara, rum kum ra; wark wala nani daukras pali kan, witin nani ba kakna bara tihmia baha warkka ra ban kan ba mita.

³⁴ Naha nani sika Libait nani taika nani lalka kan ba, ai kiamka nani ba kat, Jerusalem ra witin nani takaski kan ba.

Saúl taika nani ba

³⁵ Gabaón tawanka ra Jehiel iwi kan, witin lika Gabaón aisika. Ai maya mairin nina ba Maacá kata.

³⁶ Ai luhpia nani ba lika tawahkia ba, Abdón; Sur, Quis, Baal, Ner, Nadab,

³⁷ Guedor, Ahió, Sakaraya bara Miclot,

³⁸ witin lika Simam aisika kan ba. Naha nani sin ai muihni nani nina bliki kata, witin nani aikuki Jerusalem ra iwi kata.

³⁹ Ner ba Quis aisika kata, Quis ba Saúl aisika kata bara Saúl ba Janatan aisika kan, baku sin Malquisúa, Abinadab bara Es-baal aisika.

⁴⁰ Janatan luhpia ba Merib-baal kata, witin ba Micaías aisika kata.

⁴¹ Micaías luhpia nani ba naha nani kata: Pitón, Mélec, Tarea bara Ahaz.

⁴² Ahaz ba Jará aisika kata, bara Jará ba Alémet aisika kan, baku sin Azmávet bara Zimrí aisika; Zimrí ba Mosá aisika kan,

⁴³ bara Mosá ba Biná aisika kan, Biná ba Refaías aisika kan, Refaías ba Elasá aisika kan, Elasá ba Asel aisika kan.

⁴⁴ Asel luhpia nani ba matlalkahbi kata, bara nina nani ba lika Azricam, Bocrú, Ismael, Searías, Abdías bara Hanán. Naha nani ba Asel luhpia nani kan.