1 Kronikas 8 - DAWAN BÎLA AISKA

Benjamín kiamka nani ba

¹ Benjamín luhpia tawahkia ba nina Bela mâki kan; luhpia wâlka ba lika Asbel, yumhpika ba Ahrah,

² walhwalka ba Nohá, bara matsipka ba lika Rafá.

³ Bela luhpia nani ba naha nani kan: Adar, Guerá, Abihud,

⁴ Abisúa, Naamán, Ahóah,

⁵ Guerá, Sefufán bara Hiram.

⁶ Ehud luhpia nani, Gueba ra iwi kan ba, baha nani pamali lalka aimaki kan nani ba, ba wina baha nani Manáhat ra brih wan ba,

⁷ Naamán, Ahías bara Guerá, Uzá bara Ahihud wal aisika bui naha nani ba brih wan.

⁸ Saharaim lika Moab tasbaya ra luhpa wala nani baikan, ai maya nani Husim bara Baará wal swin ba ningkara.

⁹ Ai maya wala brin ba wal luhpa nani sakan ba, witinka lika nina Hodes mâki kan ba: Jobab, Sibiá, Mesá, Malcam,

¹⁰ Jeús, Saquías bara Mirmá. Naha luhpia nani ba taika nani lalka aimakan.

¹¹ Ai maya Husim wal luhpia nani sakan ba Abitub bara Elpáal.

¹² Elpáal luhpia nani ba lika Éber, Misam bara Sémed, witin sika Onó bara Lod tawanka nani paskan ba bara tawan sirpi nani ba sin;

¹³ Beriá bara Sema, pamali nani lalka kan ba bara Aialón ra iwi banhwi kan, baha nani mita sika Gat ra kainara iwi kan uplika nani ra kangbi sakan ba;

¹⁴ bara ai muihni nani Sasac bara Jeroham ra sin.

¹⁵ Zebadías, Arad, Adar,

¹⁶ Micael, Ispá bara Johá kat, naha nani na Beriá luhpia nani kan.

¹⁷ Zebadías, Mesulam, Hizquí, Éber,

¹⁸ Ismerai, Izlías bara Jobab kat ba, Elpáal luhpia nani kan.

¹⁹ Jaquim, Zicrí, Zabdí,

²⁰ Elienai, Siletai, Eliel,

²¹ Adaías, Beraías bara Simrat, naha nani na Simí luhpia nani kan.

²² Ispán, Éber, Eliel,

²³ Abdón, Zicrí, Hanán,

²⁴ Hananías, Elam, Anatotías,

²⁵ Ifdaías bara Peniel, naha nani sika Sasac luhpia nani kan.

²⁶ Samserai, Seharías, Atalía,

²⁷ Jaresías, Ilayas bara Zicrí, naha nani sika Jeroham luhpia nani.

²⁸ Naha nani sika kiamka bani taika nani sut lalka pali kan ba, bara Jerusalem ra iwi banhwi kan ba.

Saúl taika nani ba

²⁹ Gabaón tasbaya ra Jehiel ba iwi kan, Gabaón aisika. Maya mairin nina ba Maacá mâki kan.

³⁰ Ai luhpia nani ba lika, tawahkia ba Abdón, Sur, Quis, Baal, Ner, Nadab,

³¹ Guedor, Ahió, Zéquer

³² bara Miclot, Simí aisika kan ba. Naha nani sin ai muihni nani nina bliki kan ba ra, witin nani aikuki Jerusalem ra iwi kata.

³³ Ner ba Quis aisika kan, Quis ba Saúl aisika, bara Saúl ba Janatan, Malquisúa, Abinadab bara Es-baal nani aisika kata.

³⁴ Janatan luhpia ba Merib-baal kata, Merib-baal ba Micaías aisika kata.

³⁵ Micaías luhpia nani ba lika Pitón, Mélec, Tarea bara Ahaz sin.

³⁶ Ahaz ba Joiadá aisika kata, bara Joiadá ba Alémet aisika kan, baku sin Azmávet bara Zimrí aisika; Zimrí lika Mosá aisika kan,

³⁷ bara Mosá ba Biná aisika kan, Biná ba Rafá aisika kan, Rafá ba Elasá aisika kan, Elasá ba Asel aisika kan.

³⁸ Asel luhpia nani ba matlalkahbi kata, nina nani ba lika: Azricam, Bocrú, Ismael, Searías, Abdías bara Hanán. Naha nani ba Asel luhpia nani kan.

³⁹ Ai muihni Ésec luhpia nani ba lika, almukka ba Ulam, ningkara ba, Jehús, bara Elifélet lika yumhpika ba.

⁴⁰ Ulam luhpia nani ba war uplika kupia karnira nani kan, trisba lulkaia mapara âuya mâira pali kata, luhpia ailal pali brin, mulika nani sin ailal takan kata, asla sut ba ra 150 kan, witin nani sut ba lika Benjamín kiamka nani kata.