1 Kronikas 7 - DAWAN BÎLA AISKA

Isacar kiamka nani ba

¹ Isacar luhpia nani ba walhwal kan: Tolá, Puvá, Jasub bara Simrón.

² Tolá luhpia nani ba naha nani kan: Uzí, Refaías, Jeriel, Jahmai, Ibsam bara Samuil, witinka nani na Tolá taika lalka nani bara war uplika kupia karnira nani kan. Debit piua ra, ai kiamka nani ba kulkan kan ba ra 22,600 kata.

³ Uzí luhpia ba Israhías kan. Israhías luhpia nani ba naha nani kan; Micael, Abdías, Joel bara Isías. Lalka nani ba asla matsip kan.

⁴ Mairin nani bara luhpa sin ailal bri banhwi kan bamna, ai taika nani tilara ai kiamka bani ba asla taki war aiklabaia sip nani ba wahbi sakan, sut ba ra 36,000 waitna nani asla daukan kata.

⁵ Isacar kiamka nani sut kulki kaikan ba ra taika nani ba sin sut kulki kaikan ba ra, kaikan sa waitna nani baman 87,000, sut ba kupia karna war aiklaklabra nani.

Benjamín kiamka nani ba

⁶ Benjamín luhpia nani ba yumhpa kan: Bela, Béquer bara Jediael.

⁷ Bela luhpia nani ba matsip kan: Esbón, Uzí, Uziel, Jerimot bara Irí, baha nani sut ba lika ai taya nani lalka war aiklabi uplika kupia karnira nani kan, bara ai kiamka nani kulkan ba ra 22,034 upla nani kata.

⁸ Béquer luhpia nani ba naha nani kata: Zemirá, Joás, Eliézer, Elioenai, Omrí, Jerimot, Abías, Anatot bara Alémet. Naha nani sut lika Béquer luhpia nani kata,

⁹ bara kiamka nani kulki kaikan ba ai taya nani kat lalka nani kan ba, 20,200 waitna kupia karnira nani kan.

¹⁰ Jediael luhpia ba Bilhán kata. Bilhán luhpia nani ba naha nani kan: Jeús, Benjamín, Ehud, Quenaaná, Zetán, Tarsis bara Ahisáhar.

¹¹ Naha nani sut lika Jediael kiamka nani kan, ai taya lalka nani kan bara war waitnika kupia karnira nani sin kan. Baha ba asla kulkan ba ra 17,200 waitna nani bâra kan.

¹² Ir luhpia nani ba naha nani kan: Sufam bara Hufam. Aher luhpia ba Husim kata.

Neftalí kiamka nani ba

¹³ Neftalí luhpia nani ba naha nani kan: Jahseel, Guní, Jéser bara Salum. Naha nani sika Bilhá kiamka nani ba.

Manasés kiamka nani ba

¹⁴ Manasés ai mairka Siria wina ba wal luhpa nani sakan ba naha nani kan: Asriel bara Maquir, witinka na Galaad aisika kan ba.

¹⁵ Maquir ba Maacá wal ai maya takan, witin ba Hufam bara Sufam nani tila wina mairka ba. Maquir luhpia wala ba nina Selofhad mâki kan, witin lika luhpa mairin nani baman baikan kata.

¹⁶ Maacá, Maquir mairka ba, luhpa waitna kumi baikan, nina ba Peres mâkan kata. Peres muihnika ba nina Seres mâkan bara ai luhpia nani nina ba naku mâkan: Ulam bara Réquem.

¹⁷ Ulam luhpa kum baikan nina Bedán mâkan. Naha nani sika Galaad luhpia nani kan ba, witinka ba Galaad luhpia, witinka ba Manasés luhpia ba.

¹⁸ Maquir lakrika ba Hamoléquet ba, witin ba sika Is-hod, Abiézer bara Mahlá yaptika kan ba.

¹⁹ Semidá luhpia nani ba naha nani kan: Ahián, Siquem, Liquehí bara Aniam.

Efraín kiamka nani ba

^20-21 Efraín luhpia nani ai lainka kat ba naha nani kata: Sútelah, Béred, Táhat, Eliadá, Táhat, Zabad, Sútelah. Éser bara Elad ra, Efraín luhpia wala nani ba, Gat tasbaya ra iwi kan uplika nani mita ikan, ai bîpka nani implikaia tauki kan ba tâwan.

²² Ai aisika Efraín ba, baha nani sarka brin piua wihka, bara ai taya nani aidrubi balan maisa nihkaia.

²³ Ningkara ai maya wal prawan, bara mairka ba kwihra takan bara luhpa waitna kum baikan nina ba Beriá mâkata, kan ai watla ra pât bâra kan ba mita.

²⁴ Seerá, Beriá luhpia mairin ba, Bet-horón paskan tawanka ba mâya tani wina bara pura tani Bet-horón, baku sin Uzén-seerá.

^25-27 Beriá kiamka nani ai lainka kat naha nani kan: Réfah, Résef, Télah, Tahán, Ladán, Amihud, Elisamá, Nun bara Jasua.

²⁸ Ai tasbaya nani bara iwaia pliska nani bri kan ba Betel kata; lalma tani ra, Naarán; muna tani ra Guézer; bara Siquem, Ayah kat; baha nani kumi bani tawanka sirpi nani ba sut aikuki yan.

²⁹ Manasés kiamka nani ai mihta ra bri kan ba Bet-seán, Taanac, Meguido bara Dor, kumi bani ai tawanka sirpi nani ba wal. Naha pliska nani ra Israel luhpia nani, Josep kiamka nani ba iwi kan.

Aser kiamka nani ba

³⁰ Aser luhpia nani ba naha nani kan: Imná, Isvá, Isví, Beriá bara Sérah, baha nani sut lakrika mairin kan ba.

³¹ Beriá luhpia nani ba naha nani kan: Héber bara Malquiel, Birzávit aisika.

³² Héber ba Jaflet, Sémer, Hotam, bara Suhá aisika kan, Suhá lika sut lakrika kata.

³³ Jaflet luhpia nani ba naha nani kan: Pasac, Bimhal bara Asvat.

³⁴ Sémer luhpia nani ba lika Rohgá Jehubá bara Aram.

³⁵ Ai muihnika Hotam luhpia nani ba naha nani kan: Sofah, Imná, Seles bara Amal.

³⁶ Sofah luhpia nani ba lika Súah, Harnéfer, Súal, Berí, Imrá,

³⁷ Béser, Hod, Samá, Silsá, Itrán bara Beerá.

³⁸ Jéter luhpia nani ba lika Jefuné, Pispá bara Ará.

³⁹ Ulá luhpia nani ba lika Árah, Haniel bara Risiá.

⁴⁰ Naha nani sut lika Aser kiamka nani kan. Witin nani ba ai taya nani bani lalka kan, war waitna kau yamni kupia karnira nani kan, bara waitna nani kau kulkanka lâka bri kan, Taika bani kulki kaikanka ra, kulki sakan sa asla 26,000 waitna nani, war waitnika aitani banhwi ba.