1 Kronikas 6 - DAWAN BÎLA AISKA

Libai luhpia nani prîs nani kan ba nina nani

¹ Libai luhpia nani ba lika: Guersón, Quehat bara Merarí.

² Quehat luhpia nani ba lika: Amram, Ishar, Hebrón bara Uziel.

³ Amram luhpia nani ba lika: Eran, Moses bara Meri. Eran luhpia nani ba: Nadab, Abihú, Eleazar bara Itamar.

⁴ Eleazar Finees aisika kata, Finees ba Abisúa aisika kata,

⁵ Abisúa ba Buquí aisika kata, bara Buquí ba Uzí aisika kata,

⁶ Uzí ba Zeraías aisika kata, Zeraías ba Meraiot aisika kata,

⁷ Meraiot ba Amarías aisika kata, Amarías ba Ahitub aisika kata,

⁸ Ahitub ba Sadoc aisika kata, Sadoc ba Ahimaas aisika kata,

⁹ Ahimaas ba Azarías aisika kata, Azarías ba Johanán aisika kata,

¹⁰ Johanán ba Azarías aisika kata; Salaman tempel watla tara mâkan bara prîs aimaki kata Jerusalem ra.

¹¹ Azarías ba Amarías aisika kata, Amarías ba Ahitub aisika kata,

¹² Ahitub ba Sadoc aisika kata, Sadoc ba Salum aisika kata,

¹³ Salum ba Hilquías aisika kata, Hilquías ba Azarías aisika kata,

¹⁴ Azarías ba Seraías aisika kata, Seraías ba Josadac aisika kata.

¹⁵ Josadac ba priski brih wan kata, Nabucodonosor bui, Juda, Jerusalem wal alki priski brih wan piua ra.

Libai kiamka nani ba

¹⁶ Libai luhpia nani ba naha nani kata: Guersón, Quehat bara Merarí.

¹⁷ Guersón luhpia nani ba naha nani kata: Libní bara Simí.

¹⁸ Quehat luhpia nani ba naha nani kata: Amram, Ishar, Hebrón bara Uziel.

¹⁹ Merarí luhpia nani ba lika Mahli bara Musí. Naha nani sika Libai luhpia nani ba.

^20-21 Guersón kiamka nani ai lainka kat ba naha nani kata: Libní, Jáhat, Zimá, Joah, Idó, Zérah bara Jeatrai.

^22-24 Quehat kiamka nani ai lainka kat ba naha nani kata: Aminadab, Coré, Asir, Elcaná, Ebiasaf, Asir, Táhat, Uriel, Ozías bara Saúl.

^25-27 Elcaná luhpia nani ba naha nani kata: Amasai bara Ahimot, bara Ahimot kiamka nani ai lainka kat ba lika naha nani kata: Elcaná, Sofai, Náhat, Eliab, Jeroham bara Elcaná.

²⁸ Samuil luhpia nani wina tawahkia ba lika Vasní, bara Abías.

^29-30 Merarí kiamka nani ai lainka kat ba naha nani kata: Mahli, Libní, Simí, Uzá, Simí, Haguías bara Asaías.

Tempel ra aiwawanra nani Debit bui wahbi sakan ba

³¹ Debit bui naha uplika nani na tempel ra lawana aiwani kabia wisi wahbi sakan, Gâd lâka auhbaia watla ba bri si tempel watla ra dingkan yua ba wina.

³² Dawan wal aisaia tintka watla ra witin nani aiwani kan, Salaman Jerusalem ra Dawan watla mâkan yua ba kat, bara ningkara Dawan watla ra witin nani ai natka ba kat ban aiwani kan.

³³ Ai luhpia nani aikuki bâra kan ba lika naha nani kata: Quehat kiamka nani wina, aiwawanra Hemán ba, baha ba Joel luhpia kan, witinka na Samuil luhpia kan,

³⁴ witinka na Elcaná luhpia kan, witinka na Jeroham luhpia kan, witinka na Eliel luhpia kan, witinka na Tóah luhpia kan,

³⁵ witinka na Suf luhpia kan, witinka na Elcaná luhpia kan, witinka na Máhat luhpia kan, witinka na Amasai luhpia kan,

³⁶ witinka na Elcaná luhpia kan, witinka na Joel luhpia kan, witinka na Azarías luhpia kan, witinka na Sofonías luhpia kan,

³⁷ witinka na Táhat luhpia kan, witinka na Asir luhpia kan, witinka na Ebiasaf luhpia kan, witinka na Coré luhpia kan,

³⁸ witinka na Ishar luhpia kan, witinka na Quehat luhpia kan, witinka na Libai luhpia kan, bara witinka na lika Israel luhpia kata.

³⁹ Hemán aihkika tani ra ai taya Asaf ba swin, witinka na Berequías luhpia kan, witinka na Simá luhpia kan,

⁴⁰ witinka na Micael luhpia kan, witinka na Baaseías luhpia kan, witinka na Malquías luhpia kan,

⁴¹ witinka na Etní luhpia kan, witinka na Zérah luhpia kan, witinka na Adaías luhpia kan,

⁴² witinka na Etán luhpia kan, witinka na Zimá luhpia kan, witinka na Simí luhpia kan,

⁴³ witinka na Jáhat luhpia kan, witinka na Guersón luhpia kan, bara witinka na lika Libai luhpia kan.

⁴⁴ Hemán smihka tani ra ai taya Merarí baikan nani ba bri si swin: Etán, witinka na Quisí luhpia kan, witinka na Abdí luhpia kan, witinka na Maluc luhpia kan,

⁴⁵ witinka na Hasabías luhpia kan, witinka na Amasías luhpia kan, witinka na Hilquías luhpia kan,

⁴⁶ witinka na Amsí luhpia kan, witinka na Baní luhpia kan, witinka na Sémer luhpia kan,

⁴⁷ witinka na Mahli luhpia kan, witinka na Musí luhpia kan, witinka na Merarí luhpia kan, bara witinka na lika Libai luhpia kan.

⁴⁸ Ai taya wala nani Libai kiamka nani ba lika Dawan tempelka watla ra dîa dîa warkka daukaia kan ba, witin nani brin daukaia.

⁴⁹ Eran ai kiamka nani aikuki lika, aiska angkaia pliska ra kîa yamni angki kan bara holi pali pliska ra wark dauki kan, Israel luhpia nani saurka swih tikaia ba dukiara, Dawan napakan Moses dîa lâ mangkan ba kat.

Eran kiamka nani ba

^50-53 Naha nani sika Eran kiamka nani ai lainka kat ba: Eleazar, Finees, Abisúa, Buquí, Uzí, Zeraías, Meraiot, Amarías, Ahitub, Sadoc bara Ahimaas.

Libait nani tawanka nani ba

⁵⁴ Naha nani sika Eran kiamka nani iwi kan pliska nani ba, bara tasbaya markka lainka nani ba sin. Quehat uplika nani ra lat lulki yan ba wal

⁵⁵ Juda tasbaya ra Hebrón brin, daiwan sahwaia tasbaya nani wal.

⁵⁶ Jefuné luhpia Caleb ra yan, tawan twiya ba bara tawan sirpi nani lamara ba sin.

⁵⁷ Eran kiamka nani ra yan Hebrón, yukuwaia tawanka ba; baha purkara Libná tawanka sirpi nani, Jatir, Estemoa,

^58-59 Hilén, Debir, Asán bara Bet-semes, baha pliska nani sut lika twi tasbaika nani kata.

⁶⁰ Baku sin Benjamín kiamka wina sin tawan nani yan, twi tasbaika nani: Gueba, Alémet bara Anatot. Bamna Eran kiamka nani ra tawan nani yan ba sut asla lika 13 kata.

⁶¹ Quehat kiamka nani ra tawan matawalsip yan, Manasés kiamka bakriki ba wina,

⁶² bara Guersón kiamka nani ra dîa kulkan ba kat, Isacar kiamka nani ra, baku sin Aser bara Neftalí kiamka ra tawan 13 yabi banhwan, bara Manasés kiamka wina sin, baha lika Basán ra takaski banhwan kata.

⁶³ Merarí kiamka nani ra, ai kiamka nani kulkan praiska ba kat, tawan 12 yan, Ruben, Gad bara Zabulón kiamka ba wina.

⁶⁴ Naha tawanka nani, baku sin twi tasbaya nani Israel luhpia nani bui Libai kiamka nani ra yan.

⁶⁵ Juda, Simian bara Benjamín kiamka nani wina tawan nani yabaia pat aisin ba kat yan, lat lulki kaikan wina dîa briaia kan ba kat.

⁶⁶ Quehat uplika nani, dîa kulkan praiska ba kat yan Efraín kiamka bui.

⁶⁷ Yukuwaia tawanka Siquem ra ba sin yan, baha ba Efraín ilka nani ra sa, twiya tasbaya pliska ba kira, Guézer ba sin,

^68-69 Jocmeam, Bet-horón, Aialón bara Gat-rimón, baha sut lika twi tasbaya nani.

⁷⁰ Quehat kiamka kau takaskan kan nani ra Manasés kiamka bakriki ba bui yan, Aner bara Bileam tawanka nani bara daiwan sahwaia tasbaya nani ba kira.

⁷¹ Guersón kiamka nani ra lika, ai kiamka nani numbika ba kat, yabi banhwan Golán tawanka ba, baha lika Basán ra sa, bara Astarot tawanka ba sin, baha lika Manasés kiamka bakriki ba dukia kan ba, daiwan sahwaia tasbaya nani ba kira.

^72-73 Baku sin yabi banhwan, Isacar kiamka nani ba wina, Quedes Daberat, Ramot bara Anem, kumi bani daiwan sahwaia tasbaya nani ba kira.

^74-75 Aser kiamka nani wina yan Masal, Abdón, Hucoc bara Rehob, kumi bani daiwan sahwaia tasbaya nani ba kira.

⁷⁶ Neftalí kiamka wina yan ba lika Quedes Galili ra ba, Hamón bara Quiriataim, kumi bani daiwan sahwaia tasbaya ba kira.

⁷⁷ Merarí kiamka kau takaskan nani ra yan ba lika: Zabulón kiamka wina, Rimón bara Tabor, kumi bani daiwan sahwaia tasbaya ba kira;

^78-79 Ruben kiamka wina yan ba lika, Jordan lalma tani ra bara Jeriko mawan kat, Béser, baha lika upla iwras tasbaya ra ba, Jahas, Cademot bara Mefáat sin, kumi bani daiwan sahwaia tasbaya ba kira;

^80-81 Gad kiamka ba wina lika, Ramot Galaad tasbaya ra ba, Mahanaim, Hesbón bara Jazer, kumi bani daiwan sahwaia tasbaya ba sut kira.