1 Kronikas 25 - DAWAN BÎLA AISKA

Miusik uplika nani bara aiwawanra nani

¹ Bamna Debit bara prias watla ra wark lalka nani ba bui Asaf, Hemán bara Jedutún kat luhpia nani wahbi sakan, bara witin nani sika prapit kabia wisi arp, drum, plit sirpi nani pruki kira ni, naha waitnika nani sika baha warkka dukiara sakan kan ba.

² Asaf luhpia nani wina: Jacur, Josep, Netanías bara Asarela. Witin nani ra tâ bri kan ba lika aisika Asaf kata, bara witin sika dahra aisinka nani param saki wi kata, king adarka ba kat.

³ Jedutún luhpia matlalkahbi nani ba: Guedalías, Serí, Aiseya, Simí, Hasabías bara Matatías. Witin nani tâ bri kan ba lika aisika Jedutún, witin bui dahra aisi smalki wi kan, arp kangbia ni Dawan ra tingki wih mayunaia dukiara.

⁴ Hemán luhpia nani ba: Buquías, Matanías, Uziel, Sebuel, Jeremot, Hananías, Hananí, Eliatá, Guidalti, Romamti-ézer, Josbecasa, Malotí, Hotir bara Mahaziot.

⁵ Naha nani sut na lika Hemán luhpia nani kata, Dawan dukia nani ba tilara diara kaiki king ra maisa paki kan ba, ai karnika ba pura bukaia dukiara. Bara Dawan bui Hemán ra luhpa waitna 14 yaban, bara luhpa mairin sin yumhpa yan kata.

⁶ Naha nani sut lilia binka dauki kan ai aisika bui tâ bri kan bamna, Dawan watla ra plit nani, drum, gitar nani bara lunglung tara nani kangbi kan. Asaf, Jedutún bara Hemán sin king lâ mangkan ba kat daukaia kata.

⁷ Lilia daukaia dakni nani ba bara muihnika wala nani sin pat ridi daukan kan ba aiwanaia dukiara, asla sut lika 288 nani kata.

⁸ Ai piua nani ba baiki saki bri banhwata, kau tara wina sirpika ra, kau pain lan wina lan taki daknika kat.

^9-31 Lat ba lulki kaikan bara naku ra takaskan kata, kumi wina yawanaiska pura walhwal ba kat: Josep Guedalías Zacur Isrí Netanías Buquías Aiseya Matanías Simí Azarel Hasabías Subael Matatías Jeremot Hananías Josbecasa Hananí Malotí Eliatá Hotir Guidalti Mahaziot Romamti-ézer. Kumi bani ai muihni bara ai luhpia kat ba ra 12 upla nani banhwi kata.