1 Kronikas 2 - DAWAN BÎLA AISKA

Israel luhpia nani ba

¹ Naha sika Israel luhpia nani ba naha nani kata: Ruben, Simian, Libai, Juda, Isacar, Zabulón,

² Dan, Josep, Benjamín, Neftalí, Gad bara Aser.

Juda kiamka nani ba

³ Juda luhpia nani ba naha nani kata: Er, Onán bara Selá. Naha yumhpa na yaptika ba Súa, witin ba Kenan wina kata. Sakuna Er, Juda luhpia waitna tawahkia ba, saura pali kan ba tâwan, Dawan bui rayaka ba sakan.

⁴ Tamar, Juda mulika yapti ba, naha wina luhpa wâl baikan: Fares bara Zérah. Juda luhpia nani asla lika matsip kata.

⁵ Fares luhpia nani ba Hesrón bara Hamul kata.

⁶ Naha nani sika Zérah luhpia nani ba: Zimrí, Etán, Hemán, Calcol bara Dardá, asla sut lika matsip.

⁷ Carmí luhpia ba lika Acar, witin sika Israel purara pât saura brih balan ba, Dawan bui diara nani sut ba sauhki tikan kabia win ba brin tâka mita.

⁸ Etán luhpia ba sika Azarías.

⁹ Hesrón luhpia nani ba sika: Jerahmeel, Ram bara Quelubai.

¹⁰ Ram ba Aminadab aisika kata, bara Aminadab ba Nahasón aisika kan, witin sika Juda kiamka nani lalka kan.

¹¹ Nahasón ba Salmá aisika kan, bara Salmá ba Booz aisika kata.

¹² Booz ba Obed aisika kata, Obed ba Jesé aisika kata,

¹³ Jesé ba Eliab aisika kata, baha sika ai luhpia pas ba; Abinadab aisika, baha lika wâlka ba; Simá aisika, baha lika yumhpika ba;

¹⁴ Natanael aisika, baha lika walhwalka ba; Radai aisika, baha lika matsipka ba;

¹⁵ Ósem aisika, baha lika matlalkahbika ba, bara Debit aisika, baha lika matlalkahbi pura kumika ba.

¹⁶ Naha nani sika lakrika nani ba: Seruiá bara Abigail. Seruiá luhpia nani ba asla yumhpa kan: Abisai, Joab bara Asael.

¹⁷ Abigail luhpia kum baikan nina ba Amasá, ai aisika ba Jéter, Ismael kiamka wina kan.

¹⁸ Caleb, Hesrón luhpia ba, witin ai maya Azubá, wal ai luhpia waitna kum baikan ba nina Jeriot mâkan. Ai luhpia wala nani ba sika: Jéser, Sobab bara Ardón.

¹⁹ Azubá pruan ningkara, Caleb ba Efrata wal marit takan, bara baha wina Hur baikan.

²⁰ Hur ba Urí aisiki kata, bara Urí ba Besalel aisika kan.

²¹ Hesrón 60 mani bri kan piua ra, Maquir luhpia mairin wal marit takan, Galaad aisika kan ba; bara baha mairka ba wina luhpa kum baikan ba nina Segub mâkan.

²² Bara Segub ba Jaír aisika kata, witin sika Galaad tasbaya ra tawan 23 bri kan.

²³ Sakuna Guesur bara Aram wal bui Jaír kiampka nani kan ba dakbi brin, bara Quenat ra iwi kan nani ba sin sut, bara tawan 60 nani kata. Naha nani sut lika Maquir kiamka nani, Galaad aisika kan ba.

²⁴ Hesrón pruan ningkara, Caleb Efrata wal marit takan, ai aisa Hesrón maya kan ba wal; bara witin ba wal luhpa waitna kum baikan, nina ba Ashur mâkan, witin ba sika Tecoa aisika kan ba.

²⁵ Hesrón luhpia tawahkia wina Jerahmeel luhpia nani ba: tawahkia ba Ram, wala ba Buná, Oren, Ósem bara Ahías.

²⁶ Jerahmeel ba ai maya wala brin, ba nina Atará, witin ba Onam yaptika kata.

²⁷ Jerahmeel luhpia waitna tawahkia Ram luhpia nani ba: Maas, Jamín bara Équer.

²⁸ Onam luhpia nani ba Samai bara Jadá kata. Bara Samai luhpia nani ba sika Nadab bara Abisur.

²⁹ Abisur maya nina ba Abihail, witin sika Ahbán bara Molid wal yaptika kan.

³⁰ Nadab luhpia nani ba Séled bara Apaim kata. Séled ba luhpias ban pruan.

³¹ Apaim ba Isí aisika kata. Isí ba Sesán aisika kata, bara Sesán ba Ahlai aisika kan.

³² Samai muihnika Jadá luhpia nani ba sika: Jéter bara Janatan. Jéter ba pruan luhpa kumi sin sakras.

³³ Janatan luhpia nani ba Pélet bara Zazá kata. Naha nani sika Jerahmeel kiamka nani ba.

³⁴ Sesán ba luhpa waitna nani baikras kan: luhpa mairin nani baman baikata. Sakuna witin alba waitna kumi bri kan Idsip wina, ai nina Jarhá.

³⁵ Bara Jarhá witin ai luhpia mairin nani ba wina kum wal marit sakan, bara witin nani ai luhpia waitna kumi sakan nina ba Atai.

³⁶ Bara Atai ba Natán aisika kan, Natán ba Zabad aisika kan,

³⁷ Zabad ba Eflal aisika kan, Eflal ba Obed aisika kan,

³⁸ Obed ba Jehú aisika kan, Jehú ba Azarías aisika kan,

³⁹ Azarías ba Heles aisika kan, Heles ba Elasá aisika kan,

⁴⁰ Elasá ba Sismai aisika kan, Sismai ba Salum aisika kan,

⁴¹ Salum ba Jecamías aisika kan, bara Jecamías ba Elisamá aisika kan.

⁴² Caleb muihnika ba Jerahmeel, Jerahmeel luhpia nani ba: almukka ba nina Mesá, witin sika Zif aisika; luhpia Maresá ba Hebrón aisika.

⁴³ Hebrón luhpia nani ba naha nani kata: Coré, Tapúah, Réquem bara Sema.

⁴⁴ Sema ba Ráham aisika kan, witin ba Jorcoam aisika kan ba; bara Réquem ba Samai aisika kan.

⁴⁵ Samai ba Maón aisika kan bara Maón ba Bet-sur aisika kata.

⁴⁶ Caleb lilika Efá ba, Harán yaptika kan, Mosá bara Gázez wal sin. Bamna Harán ba Gázez aisika kan.

⁴⁷ Jahdai luhpia nani ba naha nani kata: Réguem, Jotam, Guesán, Pélet, Efá bara Sáaf.

⁴⁸ Caleb lilika wala nina Maacá, bara Maacá ba sika Séber bara Tirhaná wal yaptika kan.

⁴⁹ Baku sin Sáaf aisika kata, Madmaná bara Sevá wal aisika, bara sin Macbená bara Guibeá aisika kan. Caleb ba luhpa mairin kum sin baikan, nina ba Acsa.

⁵⁰ Bara naha nani sika Caleb kiamka nani kan ba. Hur luhpia nani, Efrata luhpia tawahkia kan ba, Sobal, witin na Quiriat-jearim aisika kan;

⁵¹ Salmá, Betlehem aisika; bara Haref, witin lika Bet-gader aisika.

⁵² Sobal luhpia nani ba, witin lika Quiriat-jearim aisika kata ba, Reaías, Manáhat uplika nani bakriki prais ba

⁵³ bara Quiriat-jearim taika nani ba: itrita nani, Fut uplika nani, sumatita nani bara misraíta nani; baha kiamka wina sika soratita nani bara Estaol uplika nani ba.

⁵⁴ Salmá luhpia nani ba sika Betlehem, Netofá uplika nani, Atrot-bet-joab, Manáhat uplika nani bakrikika ba, Sorá uplika nani,

⁵⁵ bara Jabés ra soferita nani iwi kan ba, baha sika tirateo nani, Simat uplika nani bara sucateo nani. Naha nani sika quenita nani Hamat wina balan kan ba, Bet-recab aisika ba.