ယောဘဝတ္ထု 20 - မြန်​မာ့​စံ​မီ​သမ္မာ​ကျမ်

ဇောဖာ ပြောသောစကား

¹ ထိုအခါ နေမတ်​အမျိုးသား ဇောဖာ​က

² “​တုံ့ပြန်ပြောဆို​လို​သော​စိတ် ပြင်းပြ​လွန်း​သဖြင့် ငါ့​စိတ်​မငြိမ်မသက်​ဖြစ်​နေ​၏​။

³ ငါ့​အား ပြစ်တင်ရှုတ်ချ​သော​စကား​ကို ကြား​ရ​၏​။ ထို့ကြောင့် ငါ​နားလည်​သလို ငါ​ပြန်ပြော​မည်​။

⁴ ရှေးယခင် မြေကြီး​ပေါ်တွင် လူ​ဟူ၍​စဖြစ်လာ​စဉ်​ကတည်းက

⁵ ဆိုးယုတ်​သော​သူ​တို့​ရွှင်လန်း​ရ​သော​အချိန်​မှာ ခဏသာ​ဖြစ်​၏​။ ဘုရားတရားမဲ့​သော​သူ​တို့​ဝမ်းမြောက်​ရ​သော​အချိန်​သည်​လည်း တဒင်္ဂသာ ဖြစ်​သည်​ကို သင်​သိ​သည်​မ​ဟုတ်​လော​။

⁶ သူ​သည် မိုး​ထိအောင်​ဘဝင်မြင့်​၍ သူ့​ခေါင်း​သည် မိုးတိမ်​နှင့်​ထိ​လျှင်ပင်

⁷ သူ​သည် မိမိ​မစင်​ကဲ့သို့ ပျက်စီး​ပျောက်ကွယ်​သွား​ရ​လိမ့်မည်​။ သူ့​ကို​မြင်​ဖူး​သော​သူ​တို့​က ‘​သူ​ဘယ်ရောက်​သွား​သနည်း​’​ဟု မေး​ကြ​လိမ့်မည်​။

⁸ သူ​သည် အိပ်မက်​ကဲ့သို့ ပျောက်ပျက်​သွား​၍ သူ့​ကို တွေ့​ရ​တော့​မည်​မ​ဟုတ်​။ ညအချိန်​မြင်​ရ​သော​စိတ်အာရုံ​ကဲ့သို့ ထွက်ပြေး​သွား​လိမ့်မည်​။

⁹ သူ့​ကို မြင်​ဖူး​ခဲ့​သူ​တို့​သည် သူ့​ကို နောက်ထပ်​မြင်​ရ​တော့​မည်​မ​ဟုတ်​။ သူ့​နေရာ​ကို​လည်း မြင်​ရ​တော့​မည်​မ​ဟုတ်​။

¹⁰ သူ့​သားသမီး​တို့​သည် ဆင်းရဲသား​တို့​၏​အလို​ကို​လိုက်​ရ​လိမ့်မည်​။ သူ​၌​ရှိ​သော​စည်းစိမ်ဥစ္စာ​များ​ကို​လည်း သူ့​လက်​ဖြင့် ပြန်ပေး​ရ​လိမ့်မည်​။

¹¹ သူ့​အရိုး​တို့​သည် နုပျိုသန်စွမ်း​သော်လည်း သူ​နှင့်အတူ မြေမှုန့်​ထဲ၌ လဲလျောင်း​ရ​လိမ့်မည်​။

¹² မကောင်းမှု​သည် သူ့​ခံတွင်း​အဖို့ ချိုမြိန်​သဖြင့် လျှာ​အောက်​တွင် ဝှက်​ထား​မည်​ဆိုလျှင်​၊

¹³ ထွေးထုတ်​ဖို့​နှမြော​သဖြင့် ခံတွင်း​၌​သာ ငုံ​ထား​မည်​ဆိုလျှင်

¹⁴ ထို​အစာ​တို့​သည် ဝမ်း​ထဲတွင် မြွေဟောက်​အဆိပ်​အဖြစ်​သို့ ပြောင်းသွား​လိမ့်မည်​။

¹⁵ သူ​ဝါးမျို​ထား​သော​ဥစ္စာပစ္စည်း​တို့​ကို ပြန်​အန်ထုတ်​ရ​လိမ့်မည်​။ ဘုရားသခင်​သည် ထို​အရာ​တို့​ကို သူ့​ဝမ်း​ထဲမှ ထုတ်ပစ်​တော်မူ​မည်​။

¹⁶ သူ​သည် မြွေဟောက်​အဆိပ်​ကို စုပ်ယူ​လိမ့်မည်​။ မြွေပွေး​၏​လျှာ​သည် သူ့​ကို သတ်​လိမ့်မည်​။

¹⁷ နို့​နှင့်​ပျားရည်​စီး​သော စမ်းချောင်း​များ​၊ မြစ်​များ​ကို သူ​တွေ့မြင်​ရ​လိမ့်မည်​မ​ဟုတ်​။

¹⁸ ပင်ပန်း​စွာ​ရှာဖွေ​ထား​သော​အရာ​များ​ကို​လည်း မ​စား​ရ​ဘဲ စွန့်လွှတ်​ရ​လိမ့်မည်​။ ကုန်သွယ်​၍​ရ​သော​အမြတ်​ကို​လည်း ခံစား​ခွင့်​ရ​မည်​မ​ဟုတ်​။

¹⁹ အကြောင်းမူကား သူ​သည် ဆင်းရဲသား​တို့​ကို ညှဉ်းဆဲ​စွန့်ပစ်​ထား​ပြီး ကိုယ်တိုင်​မ​ဆောက်​သော​အိမ်​ကို​လည်း လုယူ​လေ​ပြီ​။

²⁰ ထို့ကြောင့် သူ့​စိတ်​သည် ငြိမ်းချမ်းမှု​ကို​မ​သိ​နိုင်​။ သူ​၏​တပ်မက်စိတ်​သည် သူ့​ကို​လွတ်မြောက်ခွင့်​မ​ပေး​။

²¹ သူ​ဝါးမျိုစရာ တစ်စုံတစ်ရာ​ကျန်​မည်​မ​ဟုတ်​။ သူ့​စည်းစိမ်​များ​လည်း တည်မြဲ​မည်​မ​ဟုတ်​။

²² သူ​သည် ကြွယ်ဝ​ချမ်းသာ​လျက်​နေ​စဉ်​မှာပင် ဒုက္ခရောက်​ရ​လိမ့်မည်​။ ဆင်းရဲဒုက္ခ​သည်​လည်း သူ့​ထံသို့ အစုလိုက်​အပြုံလိုက်​ရောက်လာ​လိမ့်မည်​။

²³ သူ​ဝမ်း​ပြည့်​အောင်​စား​နေ​စဉ်မှာပင် ကိုယ်တော်​သည် အမျက်​တော်​မီး​ကို​လွှတ်​၍ သူ့​အပေါ် ရွာကျ​စေ​တော်မူ​လိမ့်မည်​။

²⁴ သူ​သည် သံ​လက်နက်​ဘေး​မှ ထွက်ပြေး​တိမ်းရှောင်​နိုင်​သော်လည်း ကြေးဝါ​မြား​သည် သူ့​ကို ထိုးဖောက်​လိမ့်မည်​။

²⁵ ကျော​တွင်​စိုက်ဝင်​နေ​သော​မြား​ကို​ဆွဲနုတ်​သောအခါ သည်းခြေ​၌​စူး​နေ​သော မြားဦး​သည်​လည်း ထွက်လာ​၍ သူ​သည် ကြောက်ရွံ့ထိတ်လန့်​လျက်​နေ​ရ​လိမ့်မည်​။

²⁶ အမှောင်ထုကြီး​သည် သူ​၏​စည်းစိမ်ဘဏ္ဍာ​ကို ချောင်းမြောင်း​နေ​၏​။ မ​မွှေး​ရ​သော​မီး​သည် သူ့​ကို​ဝါးမျို​၍ သူ့​တဲ​၌​ကြွင်းကျန်​သော​သူ​တို့​ကို​လည်း လောင်ကျွမ်း​လိမ့်မည်​။

²⁷ မိုးကောင်းကင်​သည် သူ့​အပြစ်​များ​ကို ဖော်ထုတ်​ပြီး မြေကြီး​သည် သူ့​ကို​ဆန့်ကျင်​ထကြွ​လိမ့်မည်​။

²⁸ သူ့​အိမ်​၌​ရှိ​သော​ဥစ္စာ​တို့​သည် သိမ်းသွား​ခြင်း ခံရ​လိမ့်မည်​။ အမျက်​တော်​နေ့ရက်​တွင် သုတ်သင်ပယ်ရှင်း​ခြင်း ခံရ​လိမ့်မည်​။

²⁹ ဤသည်ကား ဆိုးယုတ်​သော​သူ​အဖို့ ဘုရားသခင်​ထံမှ ဝေစု​ဖြစ်​၏​။ သူ့​အဖို့ ဘုရားသခင်​သတ်မှတ်​ထား​သော​အမွေ​လည်း ဖြစ်​၏​”​ဟု ဆို​လေ​၏​။