ဟေ​ရှာ​ယ 18 - မြန်​မာ့​စံ​မီ​သမ္မာ​ကျမ်

ကုရှပြည်အတွက်မိန့်ဆိုတော်မူသောစကား

¹ အီသီယိုးပီးယား​မြစ်​များ​တစ်ဖက်​ရှိ တောင်ပံ​သံ​တဝီဝီမြည်​သော​ပြည်​သည် အမင်္ဂလာ​ရှိ​၏​။

² ထို​ပြည်​သည် ပင်လယ်​လမ်း​ဖြင့်​လည်းကောင်း​၊ ရေပြင်​ပေါ်တွင် ကျူရိုး​လှေ​များ​ဖြင့်​လည်းကောင်း သံတမန်​တို့​ကို စေလွှတ်​သော​ပြည်​ဖြစ်​၏​။ အို လျင်မြန်​သော​စေတမန်​တို့​၊ အရပ်ရှည်​၍​အသားအရေ​ချောမွတ်​သော​လူမျိုး​၊ အနီး​အဝေး​ရှိ​လူ​တို့​ကြောက်ရွံ့​ရ​သော​လူမျိုး​၊ မြစ်​များ​ဖြာထွက်​သော​ပြည်​၌​နေ​သည့် ခွန်အားကြီး​၍ နိုင်ထက်စီးနင်း​ပြု​တတ်​သော​လူမျိုး​ထံသို့ သွား​ကြ​လော့​။

³ လောကသား​အပေါင်း​တို့​၊ မြေကြီးသား​အပေါင်း​တို့​၊ တောင်​များ​ပေါ်တွင် အချက်ပြအလံ​ကို​လွှင့်ထူ​သောအခါ သင်​တို့​ကြည့်​ကြ​လော့​။ တံပိုး​ကို​မှုတ်​သောအခါ သင်​တို့ နားထောင်​ကြ​လော့​။

⁴ ထာဝရဘုရား​က “​ငါ​သည် တောက်ပ​သော​နေ​အပူရှိန်​ကဲ့သို့​၊ ပူပြင်း​သော​ရိတ်သိမ်း​ချိန်​၌ ကျ​သော​နှင်း​ထု​ကဲ့သို့ ငါ​ကိန်းဝပ်​ရာ​အရပ်​မှ တိတ်ဆိတ်​စွာ ငါ​ကြည့်ရှု​မည်​”​ဟု ငါ့​အား ထိုသို့​မိန့်​တော်မူ​၏​။

⁵ စပျစ်ပင်​သည် အပွင့်​ပွင့်​ပြီး အပွင့်​မှ ရင့်မှည့်​သော​စပျစ်သီး​သီး​လာ​၍ ဆွတ်ခူး​ချိန်​မရောက်မီမှာ​ပင် အညွန့်​များ​ကို တံစဉ်​ဖြင့်​ဖြတ်​၍ အခက်အလက်​များ​ကို​လည်း ခုတ်ဖြတ်​ဖယ်ရှား​ပစ်​မည်​။

⁶ သူ​တို့​အားလုံး​ကို တောင်​ပေါ်မှာ​နေ​သော အသားစားငှက်​၊ မြေကြီး​ပေါ်မှာ​နေ​သော တိရစ္ဆာန်​တို့​အတွက် စွန့်ပစ်​ထား​မည်​။ အသားစားငှက်​တို့​သည် နွေကာလ​တစ်လျှောက်လုံး​၊ မြေကြီး​တိရစ္ဆာန်​အပေါင်း​တို့​သည် ဆောင်းကာလ​တစ်လျှောက်လုံး အသေကောင်​ကို စား​ကြ​လိမ့်မည်​။

⁷ ထို​အချိန်​တွင် အရပ်ရှည်​၍​အသားအရေ​ချောမွတ်​သော​လူမျိုး​၊ အနီး​အဝေး​ရှိ​လူ​တို့​ကြောက်ရွံ့​ရ​သော​လူမျိုး​၊ မြစ်​များ​ဖြာထွက်​သော​ပြည်​၌​နေ​သည့် ခွန်အားကြီး​၍ နိုင်ထက်စီးနင်း​ပြု​တတ်​သော​လူမျိုး​သည် ကောင်းကင်​ဗိုလ်ခြေ​အရှင်​ထာဝရဘုရား​အတွက် လက်ဆောင်ပဏ္ဏာ​ကို ကောင်းကင်​ဗိုလ်ခြေ​အရှင်​ထာဝရဘုရား​၏​နာမ​တော်​တည်​ရာ ဇိအုန်​တောင်​သို့ ယူဆောင်​လာ​ကြ​လိမ့်မည်​။