Ululahu Kronikols 4 - Buka Blahi Ka Cheke Holo

Vikegna mae Juda

¹ Igre nanghadi keha vikegna mae Juda re: Mae Peres, mae Hesron, mae Kami, mae Hua, nei mae Sobal.

² Mae Sobal gne neke kmagna mae Rehaea, eghuteuna mae Rehaea gne neke kmagna mae Jahat, eghuteuna mae Jahat gne neke kmadi mae Ahumaea ghe mae Lahad. Vike igre au ka namono Sora.

^3-4 Mae Hua gne neke kulu karha ka mae Kaleb ghe mae Efrat. Iheire teke karha mei ka vikegna mana igre teke fufunu gna namono Betlehem. Mae Hua gne neke au thilo thugna nalhaꞌu, mae Etam, mae Peniel, nei mae Esa. Mae Etam gne neke au thilo thugna nalhaꞌu. Nanghadi thilo mae igre neke mae Jesrel, mae Isma, nei mae Idbas. Mana jaola neke au kaisei thugna gaꞌase, nanghagna na Haselelponi. Mae Peniel gne mae teke fufunu gna namono Gedoa, eghuteuna mae Esa mae teke fufunu gna namono Husa.

⁵ Mae Asua, mae ihei teke fufunu gna namono Tekoa igne, mana neke au phei khetogna, Hela ghe Nara.

⁶ Fati mae nalhaꞌu igre neke karha ka Nara: Mae Ahusam, mae Hefa, mae Temeni, nei mae Hahastari.

⁷ Eghuteuna Hela ne au fati thugna nalhaꞌu, mae Seret, mae Soha, mae Etnan,

⁸ nei mae Kos. Mae Kos gne neke kmadi mae Anub ghe mae Hasobeba. Mae Kos jaola neke kuꞌedi vikegna mae Aharel, eghuteuna mae Aharel gne neke thugna mae Harum.

⁹ Kaisei mae nanghagna na mae Jabes, gaoghathogna Jabes teu igne, kabru eghu. Eghuteuna nangha igne neke fangangha idogna na ka teke kabru kate karhagna mana na. Naiknore ghatho tahuni mana ke uludi thabusigna manare.

¹⁰ Kaisei fata mae Jabes neke tarai eghu ka nodi God maedi Israel, “God, fablahi ghau nei tusu mei ka iara kmana vido glose. Iara tore nigho iagho mala au balugu iara, thosei snakreni kaisei hoholo mala thoke ghau iara mala theome haimini iara kaisei khabru.” Aonu God ne tusu ranghini mana gobigna lepo teke toredi mana igre.

¹¹ Mae Kelub thabusigna mae Suha igne, mana au kaisei thugna nalhaꞌu. Nanghagna na, mae Mehia. Mae Mehia gne kmagna mae Eston.

¹² Eghuteuna mae Eston gne au thilo thugna nalhaꞌu. Nanghadi thilo mae igre, mae Betrafa, mae Pasea, nei mae Tehina. Mae Tehina gne neke fufunu namono Nahas. Eghuteuna iheire teke karha mei ka vikedi mare igre, mare au ka namono Reka.

¹³ Mae Kenas neke au phei thugna nalhaꞌu, mae Otniel ghe mae Seraea. Mae Otniel ne au phei thugna nalhaꞌu. Nanghadi phei mae igre, mae Hatat ghe mae Meonotae.

¹⁴ Mae Meonotae gne kmagna Ofra. Eghuteuna mae Seraea gne kmagna mae Joab. Mae Joab gne neke fufunu namono biꞌo Ge-Harasim. Igne au ka glogu aheva te au nogna naikno mana te lasedi fara te edi thua nafnata glepore.

¹⁵ Mae Kelab thugna mae Jefune igne, mana au thilo thugna nalhaꞌu. Nanghadi thilo mae igre, mae Iru, mae Ela, nei mae Nam. Eghuteuna mae Ela gne kmagna mae Kenas.

¹⁶ Mae Jehalelel gne mana au fati thugna nalhaꞌu. Nanghadire, mae Sif, mae Sifa, mae Tiria, nei mae Asarel.

^17-18 Mae Esra gne mana au fati thugna nalhaꞌu. Nanghadire mae Jeta, mae Mered, mae Efe, nei mae Jalon. Mae Mered neke tolaghi ka Bitaea thugna gaꞌase king gna Ijep. Repa neke au kaisei thudi gaꞌase, nanghagna na Miriam. Eghuteuna repa jaola neke au phei thudi nalhaꞌu, nanghadire mae Samae ghe mae Isba. Mae Isba gne teke fufunu gna namono Estemoa. Mae Mered jaola neke tolaghi ka kaisei gaꞌase ka vikegna mae Juda, eghuteuna repa neke au thilo thudi nalhaꞌu. Nanghadi thilo mae igre, mae Jered, mae Heba, nei mae Jekutiel. Mae Jered neke fufunu namono Gedoa. Mae Heba neke fufunu namono Soko. Eghuteuna mae Jekutiel neke fufunu namono Sanoa.

¹⁹ Mae Hodaea neke tolaghi ka greghagna mae Nam. Eghuteuna naikno te karha mei ka vikegna gaꞌase te tolaghi mae Hodaea igre naiknodi Garam ka namono Keila, eghuteuna naiknodi Maka ka namono Estemoa.

²⁰ Mae Simon au fati thugna nalhaꞌu. Nanghadi mae igre: Mae Amnon, mae Rina, mae Ben-Hanan, nei mae Tilon. Mae Isi neke au phei thugna nalhaꞌu. Nanghadi mae igre: Mae Sohet ghe mae Ben-Sohet.

²¹ Mae Sela thugna mae Juda igne, vikegna mana re igre: Mae Era mae ihei teke fufunu gna namono Leka. Eghuteuna mae Lada mae ihei teke fufunu gna namono Maresa. Eghuteuna iheire te au ka namono Bet-Asbea te lase edi famane pohe vegha.

^22-23 Mae Jokim gne jaola thugna mae Sela. Mana au baludi naikno te au ka namono Koseba. Mae Joas ghe mae Saraf igre thugna mae Sela, eghuteuna phiamare neke hata khetodi ka namono Moab neke pulo mei Betlehem. Iheire teke karha mei ka vikedi mare igre tangomana te horo suspen ka glose, nei loku ranghini king. Mae igre neke au ka phei namono Netaem ghe Gedera. Vido thoutonu igne neke rioriso mare tifa.

Vikegna mae Simion

²⁴ Mae Simion gne neke au glima thugna nalhaꞌu: Mae Nemuel, mae Jamin, mae Jarib, mae Sera, nei mae Saol.

²⁵ Mae Saol gne neke kmagna mae Salum, eghuteuna mae Salum gne neke kmagna mae Mibsam, eghuteuna mae Mibsam gne neke kmagna mae Misma,

²⁶ eghuteuna mae Misma gne neke kmagna mae Hamuel, eghuteuna mae Hamuel gne neke kmagna mae Sakua, eghuteuna mae Sakua gne neke kmagna mae Simei.

²⁷ Aonu mae Simei gne ne au nabotho namno thugna nalhaꞌu, nei namno thugna gaꞌase, nu thabusigna manare ne theome kmana thudi. Aonu vikegna mae Simion igne ne theome vuragha jateula vikegna mae Juda neu.

^28-31 Funu tifeiro te mei posa ka narane gna king Devet igre, vikegna mae Simion te au ka namono Bereseba, Molada, Hasa-Sual, Biha, Esem, Tolad, Betuel, Homa, Siklag, Bet-Makabot, Hasa-Susim, Bet-Biri, nei Saraem.

³² Eghuteuna kehare jaola ne au ka glima namono igre: Etam, Aen, Rimon, Token, nei Asan.

³³ Eghuteuna kehare jaola ne au ka namono ikodi te au rhegna namono biꞌo Balat. Igre nodi namono vikegna mae Simion leghuni nodi susurei thedi na.

^34-38 Igre nanghadi mae biꞌo ka vikegna mae Simion re: Mae Mesobab, mae Jamlek, mae Josa thugna mae Amasaea, mae Joel, nei mae Jehu. Mae Jehu gne neke thugna mae Josibaea mae ihei teke thugna mae Seraea gragna mae Asiel. Eghuteuna mae Elioenae, mae Jakoba, mae Jesohaea, mae Asaea, mae Adiel, mae Jesimiel, mae Benaea, nei mae Sisa. Mae Sisa gne neke thugna mae Sif, gragna mae Alon, eghuteuna mae Alon gne neke thugna mae Jedaea, eghuteuna mae Jedaea gne neke thugna mae Simri, eghuteuna mae Simri gne neke thugna mae Semaea. Naugna kate haghe te kmana fara tharaknadi mare igre na,

³⁹ mare tei ne hiro vido ke maghati rhegna glogu Gedoa. Eghuteuna mare hata ne tei nodi sipu re ka vido igne.

⁴⁰ Mare tei ne deni kaisei famane namono aheva te au kmana buburu tagna, nei kaisei vido keli mala poru te muana fara. Tifa na namono igne neke nodi vikegna mae Ham thugna mae Noa.

⁴¹ Nu ka narane te king mae Hesekaea Juda igre, hatimare mae biꞌore tei ka nohi rhegna Gedoa igne ne goigoni nodi suga vikedi mae Ham ghe mae Meumu te au ka nohi tuana. Mare ne aknu falehe naiknore ne horo nodi suga jare naugna jare na ne au kmana gano maladi nodi sipu re.

⁴² Ke leghugna igne, fati thugna nalhaꞌu mae Isi igre: mae Pelataea, mae Nearaea, mae Refaea, nei mae Usiel teu igre ne batudi glima gobi mae ka vikegna mae Simion igre ne tei magra ka kantri Idom ke maghati.

⁴³ Eghuteuna mae igre ne aknu falehe naikno te gnafa ka vikegna mae Amalek teke au teku ka vido igne. Aonu funu ka narane tuana, vikedi fati mae igre ne au sukha jare.