Gênesis 5 - Bíblia

Adão Klopicha Piranapni

¹ Xye papewomta yonha Adão klopicha piranyehni. Hoyakalu yinuwaka kamhalexinixkalu jeji piranakni xye. Hoyakalu waleko yáholu hkamhiylu.

² Ruyakotna jeji, suxo. Kihlewaka htshinanwakatna. Hoyakalu mitshi Adão hiwakatlu ruyakotkoklunu hohnetka.

³ Riwekatka Adão cento e trinta mhale waneya hwuhenetlu hiwhene wale pixka potuko rixa, Adão yáholu potuko. Wale hiwakni Sete.

⁴ Waneya wane pnute riwekatka Adão hiyrunu oitocentos mhale. Wane pchinika Adão wuhenetna hiwhenene jejine, suxon-koxa.

⁵ Ptowru potniko riwejinri mhalni Adão novecentos e trinta mhale. Waneya rupnanatka.

⁶ Sete tshinkaluru hiwekatka cento e cinco mhale waneya hwuhenetlu Enos.

⁷ Waneya Enos tshinkaluru matuxini pnutepa Sete tshinkaluru hiwekatka oitocentos e sete mhale; hwuhenetna hiwhenene jejine, suxon-koxa.

⁸ Ptowru potniko riwejinri hohne Sete tshinkaluru novecentos e doze mhale waneya rupnanatka.

⁹ Riwekatka Enos tshinkaluru noventa mhale waneya hwuhenetlu Cainã tshinkaluru.

¹⁰ Waneya wane pnute Cainã wuhenewaxinixka riwekatka Enos oitocentos e quinze mhale. Hwuhenetna hiwhenene jejine, suxon-koxa.

¹¹ Ptowru potniko riwejinri hohne Enos novecentos e cinco mhale waneya rupnanatka.

¹² Riwekatka Cainã setenta mhale waneya hwuhenetlu Maalaleel tshinkaluru.

¹³ Waneya wane pnute Maalaleel wuhenewaxinixka riwekatka Cainã oitocentos e quarenta mhale. Hwuhenetna hiwhenene jejine, suxon-koxa.

¹⁴ Ptowru potniko riwejinri hohne Cainã novecentos e dez mhale. Waneya rupnanatka.

¹⁵ Riwekatka Maalaleel sessenta e cinco mhale waneya hwuhenetlu Jerede tshinkaluru.

¹⁶ Waneya wane pnute Jerede wuhenewaxinixka riwekatka Maalaleel oitocentos e trinta mhale. Hwuhenetna hiwhenene jejine suxone koxa.

¹⁷ Ptowru potniko riwejinri hohne Maalaleel oitocentos e noventa e cinco mhale waneya rupnanatka.

¹⁸ Riwekatka Jerede cento e sessenta e dois mhale waneya hwuhenetlu Enoque tshinkaluru.

¹⁹ Waneya wane pnute Enoque wuhenewaxinixka riwekatka Jerede oitocentos mhale. Hwuhenetna hiwhenene jejine, suxon-koxa.

²⁰ Ptowru potniko riwejinri hohne Jerede novecentos e sessenta e dois mhale waneya rupnanatka.

²¹ Riwekatka Enoque sessenta e cinco mhale waneya hwuhenetlu Metusalém tshinkaluru.

²² Enoque Hoyakaluyma yana. Waneya wane pnute Metusalém matuxinixka Enoque hiwekatka trezentos mhale. Hwuhenetna hiwhenene jejine, suxon-koxa.

²³ Ptowru potniko riwejinri hohne Enoque trezentos e sessenta e cinco mhale.

²⁴ Hoyakalu riyana Enoque waneyatka ramhatka klu tshinanu Hoyakalu haniklu waleymatkalu.

²⁵ Riwekatka Metusalém cento e oitenta e sete mhale waneya hwuhenetlu Lameque tshinkaluru.

²⁶ Waneya wane pnute Lameque matuxinixka riwekatka Metusalém setecentos e oitenta e dois mhale. Metusalém wuhenetna hiwhenene jejine, suxon-koxa.

²⁷ Ptowru potniko riwejinri hohne Metusalém novecentos e sessenta e nove mhale waneya rupnanatka.

²⁸ Riwekatka Lameque cento e oitenta e dois mhale waneya hwuhenetlu satu hiwhene.

²⁹ Rutakhiwakatlu Noé, wla htshinru: — Xyekni hapnanuhchinikankakanwu wkamrure tshinanu hiyrunu wimyokaka hamanre rapnankakanu, xye tshijiya Tsru Hixikatshriwa Hoyakalu hektuwaka tshinyawaka tshijneni.

³⁰ Waneya wane pnute Noé matuxinixka riwekatka Lameque quinhentos e noventa e cinco mhale. Lameque wuhenetna hiwhenene jejine, suxon-koxa.

³¹ Ptowru potniko riwejinri hohne setecentos e setenta e sete mhale waneya rupnanatka.

³² Quinhentos mhaletkalu Noé waneya hwuhenetna Sem, Cão, Jafé tshinkaluru.