Gênesis 36 - Bíblia

Esaú Klopicha Piranapni

¹ Esaú klopicha, edom-nerune piranni xye.

² Esaú hanunrotna suxone Canaã tshijne hajene. Ada tshinkaluro Elom tshinkaluru hitita-neru whene hhanunrota hiyrun-koxa Oolibama tshinkaluro Aná whene heveu-neru Zibeão tshinkaluru mekahyo hhanunrota.

³ Hiyrun-koxa Basemate tshinkaluro Ismael whene, Nebaiote tshinkaluru mole hhanunrotatka.

⁴ Waneya Ada tshinkaluro Elifaz tmatkajyatkalu Esaú. Basemate tshinkaluro Reuel tmatkajyatkalu Esaú.

⁵ Oolibama tshinkaluro Jeús, Jalão, Corá tmatkajyalu. Nyi pejnu Esaú whenene Canaã tshijne matuxikatshine.

⁶ Waneya Esaú hanikatkana hhanunrone, hiwhenene jejine ranikatka, hiwhenene ranikatka, ptowruneka rimwalene ranikatka, hiprane boi-ne ranikatka, hiprane ptowruneka ranikatka hiyrun-koxa rejnunkate ptowruka rukchikleru Canaã tshijneya ranikatka. Pa tshijne nwaka, howuk-tshijne nwaka hyatka Jacó mwiywakanu tshijne nwaka.

⁷ Wane rixa klu tshinanu wale tshijne hi hakotatkalu hpohirewnalena rimwakajyawakna. Wale tshiji rapokachaxyawakna hi poyahotatkana hipranna.

⁸ Hiyáhoni Esaú, Edom tshinkaluru himriji Seir tshinikowaka hwatka.

⁹ Esaú, edom-nerune himriji Seir tshinikowaka hwatshine hiyakotatshri klopicha piranapni xye.

¹⁰ Nyi Esaú whenene piranni. Elifaz tshinkaluru Ada tshinkaluro Esaú hnunro whene, Reuel Basemate tshinkaluro Esaú hnunro whene.

¹¹ Elifaz whenene piranapni. Temã, Omar, Zefô, Gaetã, Quenaz.

¹² Esaú whene Elifaz tshinkaluru hepi suxo rimwa, sato Timna tshinkaluro. Satu whene tmatkajyatkalu Elifaz, Amaleque hiwakatletatshri. Esaú hnunro Ada tshinkaluro whene klopicha piranni xye.

¹³ Reuel tshinkaluru whenene piranapni xye: Naate, Zerá, Samá, Mizá tshinkaluru. Nyi pejnu Basemate tshinkaluro Esaú hnunro mekahinni.

¹⁴ Oolibama tshinkaluro, Esaú hnunro Aná whene Zibeão tshinkaluru mekahyo whenene tmatkajyatkalu Esaú piranapni xye: Jeús, Jalão, Corá hiwakatletatshine.

¹⁵ Esaú klopicha tserutatshine piranapni xye: Elifaz tshinkaluru Esaú whene tsrujru whenene pejnu hinerkaka chefe-tene Temã, Omar, Zefô, Quenaz,

¹⁶ Corá, Gaetã, Amaleque hiwakatletatshine. Wla pejnuna Elifaz tshinkaluru, edom-neru Ada tshinkaluro mekahine klopicha piranni.

¹⁷ Esaú klopicha chefe-tene, hiwhene Reuel tshinkaluru whenene wla pejnuna: Naate, Zerá, Samá, Mizá hiwakatletatshine. Nyi pejnu Esaú klopicha chefe-tene Basemate tshinkaluro, Esaú hnunro mekahine pejnu.

¹⁸ Oolibama tshinkaluro Esaú hnunro whenene piranapni. Jeús, Jalão, Corá hiwakatletatshine Esaú hnunro Oolibama tshinkaluro Aná tshinkaluro whene whenenni Esaú klopicha chefe-tene pejnuni.

¹⁹ Nyi pejnu Esaú edom-nerune klopichane. Wla pejnu Esaú klopicha chefe-tene.

Seir Tshinkaluru Klopichane Piranapni

²⁰ Nyi pejnuna Seir tshinkaluru whenene horeu-neru piranapni wale tshijne hwakanatatshine. Lotã, Sobal, Zibeão, Aná,

²¹ Disom, Ézer, Disã hiwakatletatshine. Nyi pejnuna Seir tshinkaluru whenene hereu-nerune chefe-tene Edom tshinikowaka tshijne hwatshine.

²² Wla pejnuna Lotã tshinkaluru whenene: Hori, Hemã hiwakatletatshine. Timna tshinkaluro Lotã tshinkaluru molni suxo.

²³ Wla pejnuna Sobal tshinkaluru whenene: Alvã, Manaate, Ebal, Sefô, Onã hiwakatletatshine.

²⁴ Wla pejnuna Zibeão tshinkaluru whenene: Aiá, Aná hiwakatletatshine. Aná tshinkaluru waleni hakopha hamehalu hikchikatshri popriwakaya ruru Zibeão prane jumento-ne ranikakanata campo-ya mitshi.

²⁵ Wla pejnuna Aná tshinkaluru whenene: Disom, Oolibama hiwakatletatshine. Oolibama tshinkaluro Aná tshinkaluru whenekananu.

²⁶ Wla pejnuna Disom tshinkaluru whenene: Hendã, Esbã, Itrã, Querã hiwakatletatshine.

²⁷ Wla pejnu koxna Ézer tshinkaluru whenene: Bilã, Zaavã, Acã hiwakatletatshine.

²⁸ Wla pejnuna Disã tshinkaluru whenene: Uz, Arã hiwakatletatshine.

²⁹ Wla pejnuna horeu-nerune chefe-tene: Lotã, Sobal, Zibeão, Aná,

³⁰ Disom, Ézer, Disã hiwakatletatshine. Nyi pejnuna hereu-nerune hinerune ptohikaka chefe-tene, Seir tshinikowaka hwatshine.

Edom-Nerune Chefe-tene Hiyrun-koxa Hpohirewlena Piranapni

³¹ Israel-nerune pohirene hi hakanhawa wla pejnu pohirune pohirewatatkana Edom tshijneya,

³² Belá tshinkaluru Beor tshinkaluru whene pohirewatatka Edom tshijneya. Htsru poktshite hiwakni Dinabá.

³³ Waneya rupninixka Belá-ni, Jobabe tshinkaluru Zerá tshinkaluru Bozra tshinikowaka hajeru whene pohirewata wale-ni kachrijru.

³⁴ Waneya rupnininatka Jobabe-ni Husã tshinkaluru Temani tshijne hajeru whene pohirewatatka Jobabe-ni kachrijru.

³⁵ Waneya Husã-ni hipnininatnaka Hadade tshinkaluru, Bedade tshinkaluru whene midiani-tanni Moabe tshijne hajenni rallitatka waneya hpohirewnatka Husã-ni kachrijru. Htsru poktshite hiwakni Avite.

³⁶ Waneya Hadade hipnininatka Samlá tshinkaluru Masreca hajeru pohirewatatka Hadade-ni kachrijru.

³⁷ Waneya Samlá-ni hipnininatka Saul, Reobote tshinikowaka Eufrates wennestsi tshijne hajeru pohirewnatka waleni kachrijru.

³⁸ Waneya Saul-ni hipnininatka Baal-Hanã tshinkaluru, Acbor tshinkaluru whene pohirewnatka Saul-ni kachrijru.

³⁹ Waneya Baal-Hanã tshinkaluru, Acbor whene hipnanatka. Hadade tshinkaluru pohirewatatka waleni kachrijru. Hadade tshinkaluru htsru poktshite hiwakni Paú. Wale hnunro hiwakni Meetabel, Matrede tshinkaluro whene, Mezaabe tshinkaluro mekahyo.

⁴⁰ Esaú klopicha chefe-tenekaka hinerune xkehkakayna, htshijneyna piranapni. Xyeni wannakaka hiwaka Timna, Alva, Jetete,

⁴¹ Oolibama, Elá, Pinom,

⁴² Quenaz, Temã, Mibzar,

⁴³ Magdiel, Irã hiwakatletatshine. Nyikak-pejnu edom-nerune chefe-tenekaka. Nyikaka hwiywaka tshijne hpokowaxyatkana. Edom-nerune Esaú klopichane.