John 7 - Neh Nase Tsi Shokȣatakȣen 1880 (4 Gospels by Joseph Onasakenrat)

Tsiatak-aton nateioteriȣasonterakȣen tsinikaiaton Roiatatokenti San.

¹ Galile ok teshastekafaskȣe ne Iesos, aseken iah tohoianorasehakȣe ne Iesos no Judé niiaonsare, neh tsi ronȣaiatisakskȣe ne Sitaeronon nahonȣario.

² Onen are thoha iaonsakaheȣe tsini onentanoronse ne Sitaeronon Ratinatonkȣa ȣentanoronson.

³ Nok ne tehontennontere ȣahonȣenhase: Sasatenti ne kentho nok Judé niionsase, aontiesenhake ahontkatto oni nehne ne sentiokȣa tsini saiotense-roten.

⁴ Iah seʼsʼ ȣahi teiakotasetonhaties tsi iakoiotaties niienre ȣakeriȣakȣariaion. Tsi eh nisierha, satotasi ki tsinonkati nonkȣene.

⁵ Aseken akȣekon natehontennontere iah tethonȣe-takȣenne.

⁶ Iesos tontasakaȣenhase: Areko teio nakennisora; ok tanon tiotkon nise tisoȣatesenniio.

⁷ Iah toietshiȣens nonkȣeokon, nok tanon ionksȣens, neh tsi khoriȣasȣase tsini ieȣeiennakson.

⁸ Ȣasene nise nonȣa nekenh ȣentanoron; iah nii sekon nonȣa eh tiiake ne kenh ȣentanoron, aseken areko tiieiohe nakennisera.

⁹ Neok ne ȣasakorori neh nikarihoten nok ok iehenteron Galile.

¹⁰ Nok tanon nonen sishonatention ne rontateken-hokonha, ethone onen ne raonha Sahatenti eh ȣarete, iah ki tanon ȣone tekenhatie ok otasetonkeha.

¹¹ Sitaeronon ronȣaiatisakonhatieskȣe tsiniȣen-tanorons, nok rontonnionskȣe: Kah nires?

¹² Eso tsi iakottaronnionkȣe nonkȣeokon ne raonha raiatatake. Otiake iontonhakȣe tronkȣetaieri. Nok otiake iontonhakȣe: iah sakonikonrhatenni nonkȣe-sonha.

¹³ Iah ki sane akȣa onka tetkariȣakȣarisiatakȣe ne raiatatake, netsi ronȣatitsaniskȣe ne Sitaeronon.

¹⁴ Nok onen neh nahoton asennon siiotonnisero-hestston ne ȣentanorons, Onen ȣahataȣeiate ne Iesos ononsatokentikoȣane, nok eh sakotatiskȣo.

¹⁵ Nok ne Sitaeronon rotincrakȣaskȣe, ronton: Kah neneh nithoha tsi rariȣaienteris tsini kaiaton Oiatonseratokentike, iah seȣahi nonȣenton tetlmte-ȣeienston?

¹⁶ Iesos tontasakoȣennaȣeron, nok ȣahenron; Iah iihne tetioientakon nakeriȣatatsera; eh tanon nonkati tioientakon tsinonkati ne thakatorion.

¹⁷ Toka onka kiok enhonikonraierite, enhaienter-hane no kariȣatatsera; Katehsiken, niiohne kenh nitiaȣenon, toka ken ok ii tiȣakatennikonra tsi ȣakta-re.

¹⁸ Onka raonha raotennikonra raststa tsi ratatis, ne ki neraonha rahorensarontsera rehȣaks; nok tanon neneh rehsaks raorensarontsera no thotorion, neh oriȣiio, iah oni tekaien ne kanikonrhaton ne raonhake.

¹⁹ Iah kenhnaha Moïs tetsiseȣaianerenseraȣi? Nok sane iah onka tsi nitsion tekakaenhions tsiniiothare ne kaianerensera. Nahoten takȣaiatisakta naskȣa-rio?

²⁰ Tontahonniron nonkȣeokon: Sanesonronontse-raien ȣahi. Onka iesaiatisaks naiesario?

²¹ Iesos tontahariȣaserako, nok ȣasakaȣenhase: Enskat iakateȣeiennonni, nok akȣekon ok seȣanera-kohon.

²² Nok sane nise, ne tsi Moïs etsihseȣaȣi ne ionta-teȣarakȣetarons, iahse sane Mois-ne tetiohientakon neh tanon tsinonkati ne kanisera, hetsiscȣaȣarakȣe-tarons ne ronkȣe nʼaȣentatokentike.

²³ Tokanonȣa aȣentatokentike rateȣarakȣetarons ne ronkȣe, neneh tosa aonsontcȣate tsiniiotsiate ne Mois raoianerensera, oiah kati kenh nitiseȣatierase niihne neh tsi raiatakȣekon ne ronkȣe sahitsiente aȣentatokontike ȣenniserate.

²⁴ Tosa neok teseȣaiatoret tsiniiot tsi kaieronni, neh tanon tehseȣaiatoret tsinitkariȣaieri.

²⁵ Ethone otiake ne Jerusalem-aka ȣaonniron: iah kenh naim neh teken ne tehonȣatonȣentsioni ahonȣa-rio?

²⁶ Onen tanon nonȣa kenh iatesakorihoseratha tsi rothare, nok iah othenon tehonȣenni: tokase nonȣa onen enhotiriȣaientereon no ratikorason tsi oriȣiio onȣe neh kehiken ne Keristos?

²⁷ Ionkȣaterientare sane tsinithaȣenon ne kenh kaien; nok nonen enhraȣe no Keristos, iahonka taio-terientarake kah nithaȣenon.

²⁸ Ok tatehohenretakȣe ne Iesos tsi Sakotatis nʼononsatokentikoȣane nok raton: takȣaienteri, seȣa-terientare oni tsini teȣakenon: nok iah ii teȣakaten-nikonra tsi teȣakenon; nok ki tanon roriȣatoken ne thakatorion, nok iah tetsiseȣaienteri nise.

²⁹ Riienteri tanon nii: aseken raonhake teȣatien-takon, raonha oni thakatorion.

³⁰ Ethone onen ȣahontonienten ahonȣaiena; iah kitanon onka tiiateionisnonsaere neraiatake, aseken areko ȣiiehoteriȣiheȣi.

³¹ Nok kentiokoȣanen nonk…eokon tahonȣotakȣe, nok iontonhakȣe: nonen henraȣo ne Keristos senha onte kenh isinonȣe tsinenhaiere nioriȣanerakȣatenion tsinihoieren ne kenh kaien?

³² Pharisian ȣasakotiȣennaronkanion tsini ionton-nions nonkȣeokon; nok iathonteriȣatieste ne ratitsi-henstakȣeniios, ratiriton iasakonatori ahonȣaiena.

³³ Nok ne Iesos ȣasakaȣenhase: Sekon kenh nika-riȣessa enteȣakȣekon, onon etho niienske tsi thenteron ne takatennieton.

³⁴ Enskȣaiatisake, iah ki tanon taskȣaiatatsenri, nok tsinonȣe nenkiterontake, iah taheseȣakȣeni iahe-seȣaȣe.

³⁵ Ȣahonnironnion ne Sitaeronon: Kah onte niien-henre tsi iah tatsiteȣaiatatsenri? Eh onto kenh non-kȣati niienhenre tsiniieiakaȣenon ne tiiateiakorenihon akenakeraserakon ne Grek, nok Grek ensakorion-nien?

³⁶ Nahoten kati neneh kenton tsi raton: Enskȣa-iatisako, iah ki tanon taskȣaiatatsenri; nok tsinonȣe nenkitorontake, iah taeseȣakȣeni iaheseȣaȣe?

³⁷ Nok nonen neh nonaken iotonniseroheststakȣen ne ȣentanorons, etho ihres ne Iesos, tehohenreta raton: tokasenonȣa onkakiok roniatathens, karo itret, nok ihine ranekira.

³⁸ Onka taȣetakon niihne, tsiniiot tsi kaiaton nʼOiatonseratokentiko, kaihionhiios entkanaȣeroten rahonekȣentakon.

³⁹ (Neh rentonhakȣe, tsihenshakotienhase ne Rotkon Ronikonriioston tsini iakon tiakaȣetakon ne raonhake: Asekon arekoki shitonȣatkaȣen ne Rotkon Roiatatokenti, ne tsi areko tehoronhiakenserentaon ne Iesos.)

⁴⁰ Kentiokoȣanen tsiniiakon ȣaonronke neh nika-ȣennoton, iontonhakȣe: Oriȣiio onȣe kehiken tsi Rotokense.

⁴¹ Otiake iontonhakȣe: nehkehiken ne Keristos. Nok notiake iontonhakȣe: Galile kati kenh nentre ne Keristos?

⁴² Iah kenh naha teȣaton ne kaiatonseratokenti, tsi Taȣit raȣatsirakon nentre ne Keristos, tsi oni tio-hnatakȣonraro ne Bethlehem, tsi nonȣe nihanakere-kȣe ne Taȣit.

⁴³ Ȣationteriȣatihanion kati nonkȣeokon neraonha raiatatake.

⁴⁴ Otiake tsini hati ronnerhakȣe ahonȣaiena; iah ki tanon onka tiiateiosnonsaraon ne raiatake.

⁴⁵ Nese ȣaonni ne ratiriton sahontenti, eh sahonnete tsi thatiteron ne ratitsihonstakȣeniios oni ne Pharisian: tahonniron neneh: oh niiotieren tsi iah tetetsiseȣaiatenha

⁴⁶ Tontahonniron ne ratiriton: Areko nonȣenton teiotetsenrion enskat ne ronkȣe eh nahoieren tsi ahatati tsiniiot ne kenhkaion.

⁴⁷ Nok ne Pharisian tontahonniron: Tokasenonȣa oni nise onen ȣatetsiseȣanikonratsa?

⁴⁸ Iah onte ken onka ne Ratikorason, ok neʼs enʼs ne Pharisian tethonȣotakon?

⁴⁹ Kariȣanoron ki onte oni tsini ionkȣototons niah othenon teiakoterientare nahoten ne kaianerensera, akȣa aoskon neok ne iotakȣasȣat.

⁵⁰ Nicodeme (neh tohiken nasonthenne rotkense-ronnonne ne Iesos neh oni etho raiatare) ȣasakaȣen-hase:

⁵¹ Tekaiatorota kenh nonkȣaianeronsera ohenton nahoken ne ronkȣe nok oni naiotokense tsini hotie-ren?

⁵² Tontahonȣaȣennaȣeron, nok ȣahonȣenhase: iah oni kenh naha niso Galile tetisenon? Seriȣisak, nok seriȣaienterihak tsi iah nonȣenton Galile tethoientakon ne Rotokense.

⁵³ Nok tonsahonreni skatson tsi rotinonsoton.