John 21 - Ne Saint John 1804

CHAP. XXI. Christus saghshakoyadodaghsyase are.

¹ Oghnagen tsi etho niyàwènne Jesus saghshakoyadodaghsyon àre sahhonwaken ne raotyonghkwa tsi Kanyàdare ne Tiberias; ok ken niyawe-on tsi wahhadaddodaghsyon.

² Wadògen ronesgwe Simon Peter, oni Thomas nenè Didymus ronwayats, oni Nàthaniel ne Canahàga Galileetseràgon, oni Zebedee sʼhakoye-on-gonwe, ok teghniaghseh òya tsinihadi ne raotyonghkwa.

³ Simon Peter wahshakawenhaghse, waketsyontisakhen. Sahhonwenhhaghse Iih oni endewegh. Wahhonghdendi ok oksaok kahhonwagon wahhonditta; ok etho waghsondàte yaghothènon ten hodiyèna.

⁴ Ok denghnon neonen tsi wa-orhenne, Jesus etho ràdaghkwe atsyakten; ok ne tsinikenotyonghkwa yaghten honadedògen tsi ne naah ne Jesus.

⁵ Ethone Jesus wahshakawenhhaghse, kwaye-a ongonwa, sewahkwayen ken? Ok tentahhondadigh, yaghten.

⁶ Ok wahshakawenhaghse, èren ne kahhonwadi yatsyàdi ne adenyeghroghkwa, ok ensewatshenri. Wahhonàdi kadi, ok nonwa yaghten honatgwennyoh aontahodirònden tsinikenntyoghkowanen ne kentsyoh wahhodínawengh.

⁷ Ne wahhone nʼetho shayadat nene Jesus ronoronghkwaghkwe, wahhawenhaghse Peter, Ne wahhy ne Royaner. Ok ne onen Simon Peter wahhàronke tsi ne naah ne Royaner, wahhodyàtawed askatoreghha ok wahhodyadanhen (iken raoghwaseròtsi) ok kanyadaràge wahhatyadòndi.

⁸ Ok ne òya tsinihadi ne raotyonghkwa tahhone kahhowaghnehha radiyadidaghkene; (iken yagh inon ten honesgwe tsi yoghwhentjàde, ok yaweght tekeni tewennyawe cubit tsiniyòre,) tsi radìsere ne adenyeghroghkwa tsi íkare ne kentsyoh.

⁹ Kawenniyoh kadi sahhadighrarhon atsyakten, wahhontkaghtho egh kenntsistayen, ok kenntsyoh eghkahhere, oni kanàdarohk.

¹⁰ Jesus wahshakawenhaghse, teshàwé tsini kenntsyòten nonwa sewayèna.

¹¹ Simon Peter enegen wàreghde, ok wahhondirònden ne adenyeghroghkwa atsyakten, ok tekanànon ne kenntsyowànenghse, enskat tewennyàwe wisk niyoghsenghserote ok aghsenyawenri. Ok se etho tsi yawetowanenne, sʼhegon sàne yaghten aontakàríne ne adennyeghroghkwa.

¹² Jesus wahshakawenhaghse, kalsseni tesewatskàhon. Ok yaghten yodòn onghka tsinihadi ne raotyonghkwa aontehonwarighwanondonse, onghka nʼise, tsi ronaderyendare ne se naah ne Royàner.

¹³ Ethone Jesus ire, ok wàtraghkwe kanàdarohk, kenntsyoh oni, ok waghshakàwen.

¹⁴ Onen nonwa kayèri yaweght ne hotnannetta ne Jesus tsi wahshakoyadodaghsyon ne raotyonghkwa enhonwàken, tsinahhe sʼhotketsgwen tsi rawenhèyoghne.

¹⁵ Neonen kadi tsi wahhadihkwènndane, Jesus wahhawenhaghse ne Simon Peter, Simon Jonas ghyayèah, senhha ken takenoronghkwa tsiniyought ne kengayen? Sahhawenhhaghse, togenske, Sayàner; tsyendèri konoronghkwa. Sahhawenhhaghse, sʼhènonte aketsenénson ne sehh.

¹⁶ Sahhatnanetta sahhawenhhaghse àre, Simon, Jonas ghyaye-ah, takenoronghkwa ken?; Sahhawenhhaghse, togenske, Sayaner, tsyenderi konoronghkwa. Wahhawenhhaghse, shenonte aketsenénson ne werha.

¹⁷ Ok sʼhegon sahhatnannetta, sahhawenhhaghse Simon Jonas ghyaye-ah, takenoronghkwa ken? Peter wahhaweryendaksen tsi aghsen nikon ne rowenni, takenoronghkwa ken? ok sahhawenhaghse, agwegon ne serighwayendèri; tsyendéri konoronghkwa, Jesus wahhawenhhaghse, shenonte ne aketsenénson ne werha.

¹⁸ Agwagh togenske, togenske, wakwenhhaghse aghson tsi sadonniyoh, ise wasadyadanhen ok wasathahhine tsinonwe wasadondaghkwane: ok ne onen ensadyadissa, ensenontshagwarighsyon ok akòren enyesànerenke, ok egh enyesayathewe tsinonwe ne yaghten senonwese.

¹⁹ Ne rodàdigh, yaweght ranadonyon, tsinenyoughton enhogloriste ne Yehovah tsi aghrenhheye. Ok ne onen tsi etho ne hoèren, wahhawenhhaghse, tak nonderatyeghte.

²⁰ Ethone Peter tsi tensahhatkarhadèni wahhatkaghtho raghnonderatye shayadat nene Jesus ronoronghkwa; ne ne etho ne rotkonhaghkwe ne raghsgwènàge tsi tehontskahon, oni ràwen, Sayàner, onghka ne aghyanikonghràsere?

²¹ Peter tsiwahhotkaghtho, wahhawenhhaghse ne Jesus, Sayàner, ogh oni ne enhayere ne ken rongwe.

²² Jesus wahhawenhhaghse, togat nonken enkerhek, ok aontahenderondak tsinenskewe oghnahhòten satsteristaghkwen? taknonderatyeghte ise.

²³ Ethone wa-onderighwarenyade ne kengayen tsi radìderondon ne rondaddegénson, nene etho shayadat ne raotyonghkwa yaghten aghrenhheye: sane yagh ne ten howenni Jesus, yaghten aghrenheye; ok togat nonken enkerhek ok aontahenderhondak tsinenskewe, oghnahhoten satsteristaghkwen ne ise.

²⁴ Nene etho shayadat ne Raotyonghkwa, ne rorighhowanaghton ne kengayen, neoni ne ken ne karighhotense roghyadon: ok wakwaderyèndare togenske naah tsinihorighhòden.

²⁵ Yawetowanen oni òya ne yorìwage tsinihoyèren ne Jesus, ne naah togat agwègon aontekasghyadonke, ikeghre, yaghten aontakayerine tsiniyoghwhentja aontawèdake tsinikaghyadonghserage aontekaghyadonke. Etho nenyàwene.