John 16 - Ne Saint John 1804

CHAP. XVI. Christus shakonigonghraghnirats ne Raotyonghkwa nene tsinenhonwaderighwaghrotsten, ne tsi washakorharatstenni ne Ronigonghriyoston.

¹ Ne kengayen ne wakwaghtharaghkwen, nene; yaghten aontayetshighswadènni.

² Enyetshiyadinnegenwe ne synagogue; togenske, enwaderihwihhewe, nene onghka kiok enyetshiryoh, enghrerhek wahhiríwawase ne Yehovah.

³ Ok ne kengayen enyetshiyerhak ne aoriwa tsi yaghten wahhonwayenderhen ne Ranihha, yagh oni nʼIih-ten wa-onkyenderhen.

⁴ Ok ne kengayen ne wakwaghròri, nene ethone enwaderighwihhewe, aonteseweghyàreke, tsi wakwaghreri ne etho. Ok yagh etho ten wakwayeràse tsi tontyerenghte, ne, wahhone wadògen iddewesgwe.

⁵ Ok onen nonwa etho sakeghte raonhhage nene rakhenha-on, ok yagh onghka tsinitsyon teghskwarighwanòndonse, kàh waghse?

⁶ Ok ne aoriwa tsi ne kengayen wakwarihhokten, nene kanhàdon yeyoyendàon ne sewaryaghsagon.

⁷ Ok sane ne ne togensketsera ne kwaghròri; ise sewayannerenghsera nene eren enskeghte: iken togat yagh eren tʼaonsàkegh, ne Kanigonraghseronyatha yaghten enghtsisewayadòrenne, ok denghnon togat eren aonsakeghte, enhinhane nene etho enreghte isege.

⁸ Ok ne onen íron, enshakorighhodaghsyase ne? Ongwe ne karighwanneraksera, ne atterighwagwasyonsera oni ne tekayadoreghtsera:

⁹ Ne karighwanneraksera, ne wahhone yaghtem tehoneghtaghkon Iihne;

¹⁰ Ne atterighwagwarighsyonsera, ne wahhone Ragenihne wakeghte, ok yagh òya tʼaonseskwatkaghtho;

¹¹ Nene tekayadoreghtsera, ne wahhone ne ronwakowànen ne ken yoghwhentjade wathonwayadòreghte.

¹² Sʼhegon èso wakeríwayen ne enkwaghròri, ok yaghten ensewagweni nonwa tsinikarihhotense.

¹³ Ok sàne, ne onen raonhha, ne ne aonigonra ne togenskètsera, enrawe raonhha enghtsisewennderoghne tsi karswayen agwegon ne togenskètsera: iken yagh ne ok raonhha raonigonra tsin enthàyere; ok tsiok nahhoten enhothondeke, ne enthawenninnegenghthak: oni enghtsisewanadonhek tsi nahhò-tense niyawenghserene.

¹⁴ Raonhha enhakeglòriste: iken enhoyendane ne akwàwenk, oni enghtsisewanadonheke nʼetho.

¹⁵ Yorighwagwegon ne ne Ranihha royen, Iih naah akwawenk: ne kadi wahhone wàken, nene enhayèna ne akwawenk, oni ne enghtsisewanadonheke.

¹⁶ Neyorighwefia ok yaghten aonteskwakàner-eke: ok àre neyorighwessa, ok enseskwàken, ne wahhone Ragenihne wakeghte.

¹⁷ Ethone oddyake ne raotyonghkwa wahondadderighwanondonyon, oghne gen nahhoten shongwènni, neyorighwissa, ok yaghten aonteskwakànerek: ok àre neyorighwessa ok enseskwatkaghtho: ok ne wahhone etho wakeghte Ranihne:

¹⁸ Wahhoniron kadi, oghnahhoten ne ken ràdon, ne yorighwessa, yaghten yaweght enyakwahhèwe tsi nahhoten ireghre.

¹⁹ Ok Jesus roderyendare tsi ronadondaghkwani ne enhowarighwanondonse, oni wahshakawenhaghse, tsyadadderighwanondonyon ken tsiniwakyèreh, neyorighwessa ok yaghten aonteskwakànerek: ok àre, neyorighwessa ok enseskwatkaghtho?

²⁰ Agwagh togenske, togenske wakwenhaghse, nene ise ensewatstarhonyon oni entesewaghsennthoghsere, ok ne ongwe enhondonharake; ok en-sewanhadonseke, ok denghnon ne sewanhadòntsera addonweshenghtsera ensòndon.

²¹ Ne onheghtyen, neonen wadewedoníre yonhàdonse tsini yoronghyàgen, ne wahhone tsi onen waonderighwihhewe: ok denghnon kawenniyoh ne yodewedon ne eksa, yaghten saweghyàrase tsini yoronghyàgent, tsini waondonwsson tsi ronakeràton ne ongwe ne oghwhentjage.

²² Ok ise kadi nonwa sewarìwayen ne kanhàdon: ok denghnon nʼIih sʼhegon ensekwatkaghtho, ok enwadonnharen ne sewanigonra, ok ne sewaddenweshenghtsera yagh onghka ne ongwe tʼenyetshighkwenni.

²³ Ok nʼetho weghniseràde yagh othènon tʼaghs-kwarighwanekha. Agwagh togenske, togenske wakwenhaghse, tsiok nahhoten enghtsisewarigh-wanekha ne Ranihha aksennagon, enghtsisewawigh naah.

²⁴ Tsinahhe nonwa yaghothènon ten sewarighwannegenni aksennagon: sewannekha, oni ensewayena, nene aontakayèrine ne sewaddonweshenghtsera.

²⁵ Ne kengayen wadennageraghtaghkwanyon tewakatyeràton tsi kwawennarà-on: ok, enwaderighwihhewe neonen yagh sʼhegon wadennageraghtaghkwanyon tʼaonkatyèrat tsinenkwawènnarane, ok denghnon enkwanadonhaghse yateyorighwadogenghdon tsini horighhòten ne Ranihha.

²⁶ Etho enweghniseradek aksènnagon onsewarighwannegha: yagh oni ten wakwènni nene enhiyenidenghthen ne Ranihha ise sewaríwa:

²⁷ Iken ne Ranihha eghtsisewanoronghkwa, ne wahhoni tsi takwanoronghkwa, ok oni tsi teseweghtaghkon tsi Yehovaghne tewakyagè-on.

²⁸ Etho tewakenon Ranihne ok oghwhentiage wakwà-este: ok àre éren wakeghte ne oghwhentjage, ok rakenihne sàkeghte.

²⁹ Ne raotyonghkwa wahhonwenhaghse, etho, onen nonwa yateyorighwadogenghton tsi faghthare; yagh ne ten satyeràton ne wadennageraghtaghkwanyoh.

³⁰ Onen nonwa wa-ongwadogense yeyoddoge-on, tsi agwegon serighwayendèri, yagh oni teyodonghwhenjohhon onghka ne ongwe enyesarighwanòndonse; etho niyought tsi teyakweghtaghkon nene Yehovaghne tesayenghtaghkwe.

³¹ Jesus saghskakawenhaghse, onen ken nonwa teseweghtaghkon?

³² Tsyatkaghtho, enwaderighwihhewe, onen wahhy, nonwa watkayèrine, nene enyetshirenyàden neyadeyongwedage tsinonwe sʼhakoaonghkwèson, oni enghsgwayadòndi: ok sàne yagh akonha degen, ne wahhone ne Ranihha yàkenese.

³³ Ne ken ne karihhotense wakwaghròri, ne ne Iihne aontesewayanerenghserayendak. Nene oghwhenjage ensewayendak ne yoronghyakenghsera: ok denghnon sewanigonraghnironhak; onen wakeshennyon ne kengh yoghwhentjàde.