John 11 - Ne Saint John 1804

CHAP. XI. Shoketskwen ne rawenheyon.

¹ Onen nonwa rayadadògen rononghwàktanihaghkwe, Lazarus ronwayatsgwe, Bethanihaga nene àodinàda ne Mary oni Martha.

² (Nene sakayadat Mary nene Royaner ronwa-nonghkwatserarhon, ok ne aononghkwiss ne sayerakèwaghte ne raghsige, nene aonhha yadaddegen Lazarus rononghwaktanihaghkwe).

³ Ne kadi ne rondennosenhha wakonderighwanyeght raonhhage, yondonyon, Sayaner, satkaghtho, raonhha nene eghtsenoronghkwa rononghwakdani naah.

⁴ Neonen Jesus wahharonke nʼetho wahhenron, ne kengayen kanhra yaghten kahhawightenne kenhhèyatne, ok ne aoriwa ne raogloria ne Yehovah, nene etho yaweght nen-awen enhonwagloriste ne Yehovah roye-ah.

⁵ Ok ne Jesus shakonoronghkwaghgwe Martha, oni ne yadennosenhha, ok oni Lazarus.

⁶ Neonen kadi tsiroghronken tsirononghwak-tanihaghkwe, eghwahhayònise teweghniserage agwath tsinonwe yehennderondaghkwe.

⁷ Ethone oghnàgen wahshakawenhaghse ne raotyonghkwa egh àre tsideweghte Judeatseragon.

⁸ Ne raotyonghkwa wahhonwenhaghse Sewenniyoh, onwa ok wahhy tsi roneghre ne Jewshaga enyesanènyenghten, ok shegon ken egh ensaseghte?

⁹ Jesus tehhariwaghseragon, yagh ken tekeni yawenri hour tʼenkayèrine seweghniserat? togat nonken onghka nʼongwe ire ne wenndege yaghten tehaghsidyaks, ne wahhoni tsi tehakanere ne aogh-swathetsera ne ken yoghwhentjade.

¹⁰ Ok togat ne rongwe ire ne aghsonthàge tehaghsidyaks, naah ne wahhoni yaghten kaghs-wathetserayen ne raonhhatseragon.

¹¹ Nene kengayen wahhenron: ok oghnagen wahshakawenhaghse, dewadenron Lazarus rodas; ok egh wakeghte nene ensahhiyeghte aonsahhayegh tsi rodas.

¹² Ethone wahhoniron ne raotyonghkwa, Sayaner, togat ne rodas entsyoyannerene.

¹³ Sane Jesus ne roghtharaghkwen tsirawenhhèyon: ok ronìron ne ki roghtharaghkwen ne enhorissenndane ne kaserenghtagon.

¹⁴ Ethone watharighwadogenghte ne Jesus wahshakawenhaghse, rawenhheyon naah ne Lazarus.

¹⁵ Ok oni wakadonhahhere ise sewariwa tsi yagh egh ten yehekesgwe, nene aontyesennak aonteseweghtaghkon; shegon sàne egh yedewe raonhhage.

¹⁶ Ethone Thomas, nene Didymus ronwayats, wahshakawenhaghse ne rondenron tsinikenntyoghkwa, egh oni yeddewegh, nene aondon enfkatne endewenhheye ne raonhha.

¹⁷ Ethone neonen Jesus wàfawe, wahhodogense tsi onen kayèri niwada tsi oghwhentjogon yegayen ne raoyeronda kenhha.

¹⁸ (Yaweght wisk yawenri surlong ne Jerusalemne tsiniyòre ne Bethani.)

¹⁹ Ok yawetowànen ne Jewshaga wahhonewe tsi yederon ne Martha oni Mary, konwadinikongh-ketsgwenni tsinihoyadawe-on ne rondaddegen kenhha.

²⁰ Ethone Martha, ne onen wa-odogenfe dare ne Jesus, egh wa-eghte wathodderaghte; ok ne Mary ok onen tsi kennderon ne kanonghfagon.

²¹ Ethone Martha wahhawenhaghse ne Jesus, Sayàner, togat ken aontaghseseke yaghten aontohawenhhèyonge ne akyadaddege-ah.

²² Ok kyenderi denghnon, onen nonwa, tsiok nahhoten enghtserighwanegen ne Yehovah, enghyon naah ne Yehovah.

²³ Jesus wahshakawenhaghse, tsyadaddegeah-en-sahhatketsko naah.

²⁴ Martha sahhonwenhaghse, kerighwayenderi ensahhatketsko àre, tsinentsyontketsko onen enwadoghwhenjokten.

²⁵ Jesus wahshakawenhaghse, iih naah ne kerighwagweri niyoh ne ne entsyentketskon oni ne adonhèta; raonha nene tehaweghtaghkon iihne, se etho enhawenhheyonge, shegon sàne aghronhekè.

²⁶ Ok onghkakiok ronhe oni tehaweghtaghkon iihne, yaghnonwenndon te enghrenhheye. Teseghtaghkon ken ne kengayen?

²⁷ Wahhonwenhhaghse, etho, Sayàner; tewakeghtaghkon nene ise naah ne Christus, ne Yehovah Roye-ah, nene karighwisson oghwhenjàge entreghte.

²⁸ Ok neonen tsi etho ne yoyèren, èren waeghde, oni wakonwadinonge Mary ne yadennosenhha adaghseghdonke, wàdonnyon, onen íronh ne Rawenniyoh, oni aghyayadisaks.

²⁹ Kawenniyoh ne wa-ònronke, oksaok takàdane, ok egh wa-onwe tsi íre.

³⁰ Ok ne Jesus arekho ten yehhàrawe Kanadagon, etho ok yeresgwe tsinonwe watyadderane ne Martha.

³¹ Ethone ne Jewshaga ne wadògen yederondaghkwe kanonghsagon, ne konwanikonghkets-gwenni, neonen wakonwàken Mary kayadaghsnore tsi watkadane, oni wa-eyàgenni, wakonwaghsere, yondonyon, etho onghtè tsi ronwayadatha waeghde, watstaràni etho nonwe.

³² Ethone neonen Mary wahhoyadòrenne ne Jesus, oni wahhotkaghtho, eghdage wa-ontyadòndi raghsíge, royenneni, Sayàner, togat ken aohtaghsestke yaghte aontehawenhheyonke ne akyadàddege-ah.

³³ Neonen kadi Jesus wahhoken watstaràni, oni ne Jewshaga ne konwakaghdatyene rontstaràni, watha-oghsenha ne raonigonragon, oni wahharongh-yàgen.

³⁴ Oni wahhenron, kàh nonwe nene tsi wagh-tsisewayatyònite? wahhonwenhhaghse, sayàner, kàts satkaghtho.

³⁵ Jesus wahhatstarha.

³⁶ Ethone wairon ne Jewshaga, tsyatkaghtho, tsini honoronghkwaghgwe.

³⁷ Ok oddyake tsinihadi wahhoniron, ne ne ken rongwe, nene ronhodongwen ne akokaghtege ne teyakoronwègen, yagh ken te enhogwennyon aontahharihhoni ne yaghten aontehawenhheyonge oni ne kengayen rongwe kenhha?

³⁸ Jesus kadi àre teshaoghsenha rayàdagon, ìre tsiyondadyadatta-aghstha. Oghwhentjogon ne kenghne ok onenya egh kàhraghkwe.

³⁹ Jesus wahhenron, éren sewahhàwighte nʼo-nènya. Martha nene yadennosen kenhha ne rawenhhèyon, wahhoyenhaghse, Sayaner, onen onghte nonwa rayadageras: iken onen se kayeri niwada tsi hawenhhéyon.

⁴⁰ Jesus washakawenhaghse, yaghken ten ko-yènni, nene togat nonken aonteseghdaghkon, ensaderighwatkaghtho naah ne raoglorià ne Niyoh?

⁴¹ Ethone èren wa-ehhàwighte nʼonenya, nene tsi kayendaghkwe ne rawenhhèyon. Ok Jesus eneken wahhatkaghtho, oni wahhenron, Rageni niyàwen watkononghweraton tsi waskwaihondane.

⁴² Ok si kerighwayenderi tiutkon takwathondats: ok ne wahhoni ne ongwe ne ken radikennyide ne wàken, nene aontehoneghtaghkon tsi ife takenha-on.

⁴³ Ok ne onen etho ne hoyèren, wahhadewennayendon rowènndeght, Lazarus, kàro tafeghten.

⁴⁴ Ok ne rawenhhèyoh tahhayàgenne, ràneren ne rasnonke oni raghsige ne nahhoten ronwaghwènnonyàtha: ok onyadarà ronwakonghsarktha Jesus wahshakawenhaghse, eghtsisewaghnerenghsyon oni eghtsisewaghtkawe.

⁴⁵ Ethone yawetowanen ne Jewshaga nene Marighne wahhonewe, onen tsi wahhontkaghtho tsinikarighòten ne hoyèren Jesus, wathoneghtaghkon raonhage.

⁴⁶ Ok oddyake etho wahhoneghte ne Pharìsees ne, oni wahshakodighrori tsini karihhoten ne hoyèren Jesus.

⁴⁷ Ethone ne radiyadagwenniyose Cohenàfon oni ne Pharisees wahhaditjenhhayen, ok wairon, ogh nʼendewàyere? iken ne ken rongwe efo ne yorighwanneghragwaght tsini hayerha.

⁴⁸ Togat nonken iddewerhek, raweronhatye nissa, agwegon ne ongwe enthoneghdaghkon raonhage: oni ne Romani enthòne oni enhonghtonde tsini dewayadòten oni tsi dewanakere.

⁴⁹ Oni shayadat tsini hadi nene Caiphas ronway atsgwe, ethone sayoghserat rayadagwenniyonghkwe ne Cohena, wahshakawenhaghse, yagh othenon ten sewarighwayenderi.

⁵⁰ Yagh oni tesewarighwaka-enyon tsi ongwa-yanerenghsera naah, nene tsyongwedat aghrenhheye ne akoriwa ne ongwe, nene yaghten enwaghtonde agweson tsinideyoghwhenjòden.

⁵¹ Ok ne ken yagh raonhha raonigonra ten hodadi: ok ethone sayoghserat raonhha yaweght rakowanen ne Cohenà, wahharighwatròri tsi rarighwakènse nene Jesus aghrenhheye ne akoriwa nʼetho ne aka-oghwhentsyoden;

⁵² Yagh oni ne ok ne etho ne akaoghwhenjòden, ok denghnon oni wadògen enshakoyadaròroke ne Yehovah shakoye-ongonwa nene èren ronwadirenyàden.

⁵³ Ethone weghniserade yodaghsawen wathadiyadòreghte tsinenhadìyere ne enhonwaryoh.

⁵⁴ Jesus kadi yaghten sʼhoddawenryon shegon ne kanenherhen ne Jewshagage; ok éren sàreghte tsidyenakere onontonha niyòre ne karhagon, tsi kanadayen ne konwayats Ephraim, ok egh wahhontye ne raotyonghkwa.

⁵⁵ Ok onen onontohha tsinihondennyodden ne Jewshaga nene eren wa ondongoghte: ok yawetowànen ne yenakereghseràgon egh wahhoneghde Jerusalemne arekho tsi waderighwehhawise nene eren waondongoghté, nene aontehondyadohharehhen.

⁵⁶ Ethone wahhonwayadisake ne Jesus, oni rondadderighwanondonyon, aghson tsi radikennyadaghkwe Templetseragon, oghnahhoten isewere? yagh ken ten aontàre tsi wadennyode?

⁵⁷ Onen nonwa nene radikowanenghse ne Cohenàson oni ne Pharisee shakoderighwissa-enni, nene onghka kiok enyerighwayenderihek tsi iresgwe, enghshakodinadonhaghse nene aontahhowayena.