St. Mark 5 - Ne Saint Mark 1774

CHAP. V.

¹ Neoni ronouhha èrea n’akanyadaràdyh, yahhòenewe Enakeraghserakohhe Gadarenes.

² Neoni ne ònea wahadidaghkoh ne Kahhòewakoh, yokondatyea wat‐hoewaderaghde egh dàyea Tsiyeyattadarryouh n’Ongweh yodàks‐hea Kanigòera ratyeànib.

³ Raouhha egh t’hihanakere Tsiyehàttadarryoh, neoni yaghoughka n’Ongwe t’hayegwèny, akhoewanereanke, yaghtea oni Tsinewat‐honwaristodarrhoh.

⁴ Ne karihhòeni yodkàde ronwaghnereaghne ne Teyondaderistodarrhoghst‐ha, neoni ne Tekaristodarhòeh t’hadewadòdarighsyh tsiraghnereaghne, neoni ne Teyondaderistodarrhoghst‐ha t’hadewadeyàkhoe; yagh oni oughka n’Ongwe t’hayegwèny aaghsakoreànha.

⁵ Neoni t’yodkouh, Aghsondàge neoni Eant’yeghke, et‐ho ìrése Tsiyonondennyouh, neoni Tsiyondattyadatta‐àghst‐ha, raweanodattyèse, neoni rodadnereahattyèse Oneàya ràt‐ha.

⁶ Ok tsi ònea yahotkaght‐ho Jesus ìnouh‐niyòre, wat‐haraghdade neoni wahhonideaghtea raouhha.

⁷ Neoni wat‐haghseant‐ho roweàndeght neoni wahheàrou, nahhòtea takwatsteristaghkwa, Jesus, ìse Yesayè‐ah nene Enegeaghtsy Nivoh? t’kàkondáne Raghseanagouh Niyoh ne toghsa takeroughyàkeant.

⁸ (Ikea wahheàrouh raouhhàge, katsyàgean ne Rayàdakoh ne Ròngweh, ìse yodaks‐heah Kanigòera.)

⁹ Neoni wahorighwanòndouhse, nahhotea yesàyats? neoni raouhha dahhadàdy, wahheàrouh, Legion yonkyats: ikea yongwat’kàdése.

¹⁰ Neoni agwagh èso wahhorighwanègea raouhha nene yagh‐t’honsaghsakodegwaghdàne ronouhha ne Enakeraghseràgouh.

¹¹ Oewa et‐ho kea niyorè‐ah nà‐ah Yonondennyouh, Yodityoghkowànea koewadinoughnattyèse Kuskus yonadekhonihattyèse.

¹² Neoni agwègouh ne Oneghs‐houghrono‐òkouh wahhoewarighwanègea raouhha, wakonnìrouh, etho nonkà takwadègwaght Kuskusn’eh, nenè n’eayagwadaweyàdea onouhha.

¹³ Neoni yokondattyea Jesus dahhawerohhatyea onouhha. Neoni ne Kanikoughraksease wakondiyàgeane neoni waonadawevàdea Kuskus, neoni Tsiniyodityoughkwa wàtkoeràghdade yakontsneaghde Teyoghròewis et‐ho Kaniadaràgouh (Tekonnyaweeghtseraghsea ne oughdeh) neoni et‐ho wakondoeryokdea Kanyadaràge.

¹⁴ Neoni ronouhha ne radinòendeaghsgwe ne Kuskus wahhondègoh, neoni yonsahhontròry ne Kanàdágoh, neoni tsiyenakeronnyouh. Neoni et‐ho wàeaghde ne ayontkaght‐ho tsinahhòtea tsina‐àwea.

¹⁵ Neoni et‐ho wàoewe wahhoewayatòreane ne Jesus neoni wahhoewatkaght‐ho raouhha ne Oneghs‐houghrònouh rodeweaniyoughsdeanìghne, nène Legion, et‐ho reanderouh, neoni shohhere neoni ronikoughrayèry neoni ronouhha wahhodighderòne.

¹⁶ Neoni ronouhha ne wahhont‐kaght‐ho, wahhont‐ròry ne tsinahoyàdawea raouhha ne Oneghshoughrònouh rodeweaniyoghsdeanighne, neonì ne tsina‐awea ne Kuskus.

¹⁷ Neoni ronouhha tahondaghsawea wakhoeweanideaghtea raouhha ne èrea oesàreghde ne ronouhha Raonadoughwentsyàge.

¹⁸ Neoni ne ònea et‐ho wàrawe Kahòewakouh, raouhha ne Oneghs‐houghrònouh rodeweanìyoghsdeanighne, wahhonideaghtea nene a‐aghnèseke raouhha.

¹⁹ Ok sàne, Jesus yaghdeh‐hawèrou et‐ho niyàwea, ok deaghnòe wahhaweahhaghse, sasaghdeàndyh egh sàseght tsit’yèdéron ne Shènoghkwe, sheghrorighne Tsinikarihhowànea ne Royàner tsinahhyàyere tsinahhyat’yèráse, neoni tsinahhyeàdeare;

²⁰ Neoni raouhha èrea sàreghde, neoni tahhadàghsáwea wahharihhòwanaghde et‐ho Decapolis, Tsinikarihhowàneaghse Jesus tsinahhotyèráse raouhha; neoni agwègouh n’Ongweh wahodineghràgo.

²¹ Neoni ne ònea Jesus sahhadóhhetsde àre ne Kahhoeweyàge ne èrea nonkadìghkon, éso Ongwe waontkeanissa‐a raouhhàge, neoni ráouhha ok èt‐ho Kanyadaràge.

²² Neoni satkaght‐ho, èt‐ho dàre shayàdad ne nè Radirighwakwadàckwaghs ne Synagogue, Jaìrus roewàyats, neoni ne onea wahot’kaght‐ho raouhha raghsìge wahhatyadòndyh.

²³ Neoni agwagh wahhorighwanègea raouhha, ràdouh, kaniyagà‐ah Kheyèa‐ah yeyat’yòny yaihhèyoughse, wakoeyeanideaghtea èt‐ho à‐aghseghde neoni a‐aghseanisnoughsarea aouhhàge, nene onsayotsyende, neoni eayonheke.

²⁴ Neoni Jesus sàhne raouhha, neoni èso Ongwe wahoewaghnonderattyeghde raouhha, neoni wathoewanétst‐haraghde.

²⁵ Neoni kayadatògea Tyodhoewìsea òya Karaghkwa tekeni Syoghseràre et‐ho shiyoyàdaweaghse,

²⁶ Neoni èso yorìwake tsiniyoroughyàgea oni èso Yorìwake n’Atshinaghkeànta nahhòtea, neoni agwègouh yodeanhàghdouh tsiniyoyèndaghkwe, neoni yaghot‐hénoe teyokwennyoh ok hègea annyough suhha dakarighwakeannyade.

²⁷ Ne ònea shòerónke ne Jesus, et‐ho òewe tsideyeghsìhháre oghnàgea nonkàdih, neoni yagayéna ne Ra‐onènah.

²⁸ Ikea wageàrouh, tògà ne ok ne yakyèna ne Raonènah, èt‐ho easkyeweàndáne.

²⁹ Neoni agwagh oksaok tsinityawènouh n’Aonegweaghsa oughstatt‐hea: neoni yahhontstògea ne Kayerònke nene tsisakoewatsyende tsiniyoyadaweaghskwe.

³⁰ Neoni Jesus yokondatyea roderiyèndare raonha‐tseràgouh oughdeàndih Kàshatsteàghsera, wàt‐hadaghradenìhhoh Keantyoghkwagouh, wahheàrouh, oughka wakayèna n’Akènah?

³¹ Neoni ne Ra‐otyoughkwa wahhoeweahhaghse, deghskànere Keantyoghkowànea teyesanetst‐haraghdohhattyea, nene sàdon, oughka yahhonkyèna?

³² Neoni raouhha wat‐hat‐kaght‐honnyoewe t’hadaghgwadasède ne ahat‐kaght‐ho aouhha nenekea ètho nakàyere.

³³ Ok ne Tyot‐hoewìsea watyodouhhareàrouh neoni waoyadisshoughkwe, yoderiyèndaretsina‐awea n’aohhàge, òewe èt‐ho, neoni eghdàge ontyadòendyh raoheàndouh, neoni wahhoghròry agwègouh t’karighwayèry ne Tòkeaghske‐òewe.

³⁴ Neoni waghreahhaghse, Koeyèa‐ah, Tsidiseghtaghkouh ne sesatsyende: wà‐as skeànea t’hitsisanikoughròendak, neoni sasàdouh tsiniasyàdaweaghskwe.

³⁵ Aghsouh roght‐hare ’nea wàoeweh tayeyeàghtaghkwe tsit‐honoughsode ne Rarighwagwadackwaghs ne Synagogue nè e wa‐aìrouh, Sheyeà‐ah ’nea yaweahhèyouh: oghneanè suhha ok deaghsenikourhàrea ne Raweanìyoh sègouh isi nòewe?

³⁶ Agwagh ne ok Jesus wahhàronke ne Oweàna n’egh waondàdy, wahhaweahhaghse n’èt‐ho ne Rarighwakwadackwaghs ne Synagogue, toghsa aesaghderòne, ne ok ne kaseghtaghkòehak.

³⁷ Neoni waghshakonhèse yaghughka n’Ongwe ne ahoewaghnonderatyeghde, ne ok ne Peter, neoni James, neoni John, ne Yadadegeà‐ah ne James.

³⁸ Neoni wàrawe Tsironoùghsode ne Rarighwakwaddackwaghs ne Synagogue, ne òni wahatkaght‐ho yoritstare, yontstàrouh agwàgh yondadenàse.

³⁹ Ne ònea Rodaweyàdouh, waghshakaweahhàse, oghneà nè‐eh ne kea tsinisewatyèrea oni sewatstárrha? ne ok nekea ne yòdás ne Kayàdáse.

⁴⁰ Neoni wahoewaghsdèrisde wa‐akokeaghràdea. Ok ne ònea agwègouh saghsakoyadinnegeáwe, ne yaghs‐hakoyadeáhhawe ne Roniha neòni ne Onisteáhha ne Kaksà‐ah, neoni ronouhha ne tsinihadì ne raouhha rònene, neoni yahhondaweyàde tsinòewe t’yeyattyòeny ne Iksàkeahha.

⁴¹ Neoni raouhha tahhanunts‐ha ne Kaksà‐ah, neoni wághreaghse, (Talitha‐cumi,) nene kìdouh, Seksà‐ah, (wakòeyeaghse) satketskouh.

⁴² Neoni agwagh oksaok ne Kaksá‐ah ontketskoh neoni oughdeàndyh; Ikea tekeni‐yoghseràre tsinityòyeah; neoni wa‐akorighwaneghràgo ne kowànea Yorighwaneghrackwaght.

⁴³ Neoni waghsakorihhòendeane agwègouh, yaghoughka n’Ongwe t’hayakoderiyèndaráne: neoni waghsakaweaghse kassenouh eaghska énouh ne a‐àonke.