Psaumes 56 - Ma Zhiklè

¹ Dimèsh mpi ndav a Zhiklè man a David, te va man ndohi Philistie ta gso te Gath.

² Bi Zhiklè, i da se ka te va, aman ndohi ta vèɗè htsan a géɗ ga. Ndohi var ta tèudyè a pa pèc pècèk.

³ Mayamhi ga ta vèɗè htsan a hin daga prèk a nda na ma dakwaɗ. Ta kumba ta woy nʼndiyè a ma.

⁴ A nciɗ sam a nciɗ sam i baha ka.

⁵ I pi ndav a Bi Zhiklè, i slébèrdè ma nengaʼa. I pi ndav a Bi Zhiklè, i gi zlau azɓai. Ndohi ta slaha ta gay mè?

⁶ Ta hèsh ma lèk lèk. Skwi man ta hérèʼa, ta woy a ta gedassyè a vna.

⁷ Ta hèyè va, ta pi va, ta zeɓi sam sak ga, ara ndohi man ta woy a ta keɗyè.

⁸ A géɗ mali tengaʼa ta mbél ta azɓai. Bi Zhiklè, pe ta a ri a ndzoan ndohi herkeda!

⁹ Ka ngra mʼmèn matakwan ga, ka hayda kuɗ ga a hai a sam ngaya, a ta windeda ɗèlèwèr ngaya.

¹⁰ A mayamhi ga ta da min ta a deɓa; a i sun arsa, Bi Zhiklè a tsagi ga.

¹¹ I slébèrdè Bi Zhiklè, a géɗ ma nengaʼa; i slébèrdè Ndo nzi pèc pècèk a géɗ ma nengaʼa.

¹² I pi ndav a Bi Zhiklè, i gi zlau azɓai. Ndohi ta slaha ta gay mè?

¹³ Bi Zhiklè, ma man i gaɗa ka a hai a i ga di ɓai, i woy a i pela ka a skwi man i va ka a nshid gèɗ.

¹⁴ Te man ka mbel nshèffè ga auda te mʼmetsai. Halau, ka ɓür sak ga aman a fèdè azɓai, a i dè a civèɗ Bi Zhiklè, te va skwi nhél sam nshèffè.