Psaumes 53 - Ma Zhiklè

¹ Dimèsh David.

² Ndohi nrzlaʼa ta gaɗa te ndav ta: Zhiklè azɓai! Ta gedassa, maya nshèffè tengaʼa ambaɓai a vata ba. Ndo man a gi amba azɓai, ko staɗ ba.

³ Bi Zhiklè a paka di a hi te giɗfèk a géɗ ndohai, aman a rka, ndo man maya na zhè, ndo man a woy Zhiklè, a zhi dè?

⁴ Ta zlak ta tèlèba, ta gedas ta tèlèba; ndo man a gi skwi man amba azɓai, ko staɗ ba.

⁵ Ndohi malihai, maya ta azɓi dè, man ta woy a ta ndi ndohi ga a ma a dai, ara man ta ndi movar, a ta tsi ri Bi Zhiklè azɓai.

⁶ Zlau mbiaʼa a dza ta, a sam man zlau az a pa ɓai. Aman Bi Zhiklè a da ksarda vataslhi ndohi nderdè Zhiklè. Ta da ngècè hori a dai; aman Bi Zhiklè a kwol ta.

⁷ Skwi mʼmbel ndohi Israel da shkè te Sion! Aman Ndo nzi pèc pècèk, Bi Zhiklè, a da helka ta ndohi nengaʼa a deɓa, Jacob a da wuffè, Israel a da sli dimèsh.