Psaumes 125 - Ma Zhiklè

¹ Dimèsh ndè a gi Zhiklè. A Tengaʼa man ta pi ndav a Ndo nzi pèc pècèk, ta ara za Sion man a gidè va azɓai.

² Jérusalem a nzi taraʼa a mè-dèp, zahi ta derzlda pa, lèmèlèmè ara Ndo nzi pèc pècèk a derzlde ndohi na a pa, a hinè antanta a ndè a ma ma a mè-dèp.

³ Skwi shèwa a gi bi te kokwar ndohi nzuraʼa azɓai, aman ri ndohi nzuraʼa ta gi mali azɓai.

⁴ Ndo nzi pèc pècèk, ga ta skwi man amba a ndohi man amba, a ndohi man ndav ta zuraʼa.

⁵ Aman tengaʼa man ta bez ta zlawa a civèɗ tengaʼa ndzaraʼa, Ndo nzi pèc pècèk da zede ta a nda ndohi malihai. Gumi da zhè a géɗ Israel!