Osée 4 - Ma Zhiklè

Zhiklè a ga na ndzoan a Israel

¹ Kinè ndohi Israel, va-tsena ma Ndo nzi pèc pècèk! Aman Ndo nzi pèc pècèk a verslè a ndohi kokwar; ta gèdè ma nzuraʼa te pa azɓai, mwoy-ndo a te pa ɓai, ta sun Zhiklè te kokwar ɓai.

² Ta mbèɗè, ta cèkèlma, ta kéɗ ndo, ta gi metsar, ta gi mphöme, ta gi skwi a wuɗai, mali nkéɗè ndo a dè a ma ma.

³ A géɗ nengaʼa herkeda a lèyè, a skwi man a géɗ herkeda a gédèsh na; skwi dak, a ɗiakihi tʼhwaɗ gidfèk, a klèf te woyam mbiaʼa ta ndev ta.

⁴ Aman ndo da gu ma ɓai, da gu ndzoan ɓai! Ndohi ngaya lèmèlèmè ara man ta pin ndo mvi skwi a Zhiklè.

⁵ Skwi a slafadama ka sak a pats, a ndo mvi skwi a Zhiklè ba a kèlèhi a nda ka a vaɗ, a i da gedassede mam ngaya aussa.

⁶ Ndohi ga ta da gédèsh ta, a géɗ man ta sun maya ɓai. A géɗ man ka kwola maya, i ba i kwol ka, a ka gi mizlinè Zhiklè a sam ga asaɓai. A géɗ man ma kita Zhiklè ngaya mpca ka a gèɗ, aranta ta pcèy a gèɗ ar wudahi ngaya ba.

⁷ Ara man ta zlèzlèmè a ma ma, ta gi mali a sam ga a ma ma.

⁸ I da ngwoda nʼnjèl tengaʼa a horai. Ta ndi skwi mali man ndohi ga ta zliaʼa; ntétékè ta a de ta a sam malai.

⁹ Gar haha a da gi a sam ndohi mvi skwi a Zhiklè lèmèlèmè ara a sam ndohi ngidè. I woy a i pela ta gèɗ mali tengaʼa, a i va ta skwi ntul mizlinè ta.

¹⁰ Ta ndi skwai, a ngeza ta azɓai; ko ta mènè a bakai, ta yi kra azɓai, te man ta jèkeda Ndo nzi pèc pècèk a ta gshè va a mphömè.

¹¹ Mphömè, zom, a skwi nsi mɓeslaʼa ta zedama na maya a ndo.

¹² Ndohi ga ta jhèɗè maya a sam mblom, a ta shin skwi te gada mʼmbèh skwai. Mèzhèɓ mbèh skwai a zlakede ta, a ta jèkeda Zhiklè tengaʼa.

¹³ Ta vi skwi a Zhiklè a géɗ za, ta ndara na skwi a sam te géɗèʼa, a sam gètèl wof, a verzi mblom, a kwa, a ta nzi a mèzhèɓ tengaʼa man amba. Gar haha ko dalahi kinè ta gi mphömè, a dalahi ngwozi kine ta jèkeda baki ta a ta de a ta woy baki ngiɗè.

¹⁴ I woy a i gi kita a sam dalahi kine a géɗ mphömè tengaʼa azɓai, a i gi kita a géɗ dalahi ngwozi kinè man ta jèkeda baki ta azɓai, te man ndohi mvi skwi a Zhiklè ta bizhè zlawa a nda fali dalahai, a ta mbèh skwai a nda golahi man ta gi mphömè a nda ta. Ndohi man ta sun maya ɓai ta zi ta.

¹⁵ Israel, ka gi mphömè; aman Juda da gu mali ɓai! Kin do Guilgal ɓai, kin teva Beth-Aven ɓai! Kin mbada arsa ɓai; ara man Zhiklè a zhè a nshèffe!

¹⁶ Israel a ntsena gèɗ ɓai, ara kɗèh, a Ndo nzi pèc pècèk a lè ta zaʼa ara tambakihi a sam daʼar ɗè?

¹⁷ Ephraim a gshè va a vrai; Da gau skwi na!

¹⁸ Ta ndohi zom man ta gi mphömè lèk lèk.

¹⁹ Ngi skwi hori ambaha ta a fena nʼnjèlè. Ta zi ta, ara man kozlar a hel ta ma, sam mʼmbèh skwi tengaʼa a pa ta hori a dai.