Néhémie 12 - Ma Zhiklè

Ndohi mvi skwi a Zhiklè; ndohi Lévi

¹ Na haha ndohi mvi skwi a Zhiklè a ndohi Lévi man ta shkè a nda Zorobabel, kra Shealthiel, a Josué: Seraja, Jérémie, Esdras, Amaria,

² Malluc, Hattush, Shecania,

³ Rehum, Meré-moth, Iddo,

⁴ Guinnethoi, Abija, Mijamin,

⁵ Maadia, Bilga, Shemaeja,

⁶ Jojarib, Jedaeja, Sallu, Amok, Hilkija, Jedaeja.

⁷ Nasa tsuvom ndohi mvi skwi a Zhiklè a kramamhi ta te va man Josué a zhè.

⁸ Ndohi Lévi: Josué, Binnui, Kadmiel, Shérébia, Juda, Matthania; nengaʼa a kramamhi na ta ngots mizlinè nshid gèɗ.

⁹ Bakbukia a Unni a kramamhi ta ta gu mizlinè, zuraʼa a ma tengaʼa.

¹⁰ Josué a myau Jojakim; Jojakim a myau Eliashib; Eliashib a myau Jojada;

¹¹ Jojada a myau Jonathan; Jonathan a myau Jaddua.

¹² Te va man Jojakim a zhè, ndohi mvi skwi a Zhiklè, tsuvom ndohai, ta a haha: a géɗ Seraja, Meraja; a géɗ Jérémie, Hanania;

¹³ a géɗ Esdras, Meshullam; a géɗ Amaria, Jochanan;

¹⁴ a géɗ Meluki, Jonathan; a géɗ Shebania, Joseph;

¹⁵ a géɗ Harim, Adna; a géɗ Merajoth, Helkai;

¹⁶ a géɗ Iddo, Zacharie; a géɗ Guinnethon, Meshullam; a géɗ Abija, Zicri;

¹⁷ a géɗ Minjaminaa Moadia, Pilthai;

¹⁸ a géɗ Bilga, Shammua; a géɗ Shemaeja, Jonathan; a géɗ Jojarib, Matthnai;

¹⁹ a géɗ Jedaeja, Uzzi,

²⁰ a géɗ Sallai, Kallai; a géɗ Amok, Eber;

²¹ a géɗ Hilkija, Hashabia; a géɗ Jedaeja, Nethaneel.

²² Te va man Eliashib, Jojada, Jochanan a Jaddua, ta zhè, a Darius bai te Perse, ta Windo ndohi Lévi, babgi gai a ndohi mvi skwi a Zhiklè.

²³ Ta winde ta wudahi Lévi, babgi gai, babgi gai, a ɗèlèwèr bihai, ha Jochanan, kra Eliashib a mshkè.

²⁴ Babgi gihai te va ndohi Lévi, ta a haha: Hashabia, Shérébia, a Josué, kra Kadmiel, a kramamhi ta, zuraʼa a ma tengaʼa, aman ta bèhè a nshid gèɗ, ara man David, ndo Zhiklè, a ngoɗa, ngiɗè, ngiɗè, ngiɗè.

²⁵ Matthania, Bakbukia, Abdias, Meshullam, Thalmon a Akkub, ndohi mɓer ntamagai, man ta nza a ntamagai.

²⁶ Tengaʼa ta zhè te va man Jojakim, kra Josué, te verzi Jotsadak, a Néhémie, ngomna, a Esdras, ndo mvi skwi a Zhiklè, ndo ɗèlèwèr, ta zhè.

Mpi zlazlar Jérusalem a ri a Zhiklè

²⁷ A pats ngolala nrufa zlazlar Jérusalem, ta baha ta ndohi Lévi a sam tèlèba man ta nza a pa, aman ta shkè Jérusalem, a ta gi ngolala nrufa zlazlar, a mwuffe, a nshid gèɗ, a dimèsh, a dasal, a tèzlèzlèu, a ganzavar.

²⁸ Ndohi nfi dimèsh ta ɓica va, a sam tèlèba a ma kokwar Jérusalem, kokwar Methophat,

²⁹ Beth-Guilgal, kokwar Guéba a Azmaveth; ndohi nfi dimèsh ta rom kokwar ta a tsagi Jérusalem.

³⁰ Ndohi mvi skwi a Zhiklè a ndohi Lévi ta tila ndav ta, a ta tila ndav ndohai, a ta ga ntamagihai a zlazlar a skwi nkezlaʼa.

³¹ A i baha ta wud bihi Juda, aman ta tivè zlazlar, a i kezl ta ndohi man ta sli dimèsh, te va cèw, ngiɗè man a dè a civèɗ ri mandai a géɗ zlazlar, ngiɗè a civèɗ ndè a ntamagi ‘ndaderɗa’.

³² Hosée a rèta wud bihi Juda to do a verzi ta,

³³ a nda Azaria, Esdras, Meshullam,

³⁴ Juda, Benjamin, Shemaeja

³⁵ a Jérémie; ndohi mvi skwi a Zhiklè ngiɗè, a tolom, Zacharie, te verzi Jonathan, te verzi Shemaeja, te verzi Matthania, te verzi Michée, te verzi Zaccur,

³⁶ te verzi Asaph a kramamhi na, Shemaeja, Azareel, Mbalai, Guilalai, Maai, Nethaneel, Juda a Hanani, a skwi dimèsh David, ndo Zhiklè, a Esdras, ndo ɗèlèwèr, a ma tengaʼa.

³⁷ A ntamagi ‘nlèlè’ zuraʼa a ma tengaʼa ta tivè ntivè a kokwar David, a sam ntiv ntivè zlazlar a gi David te géɗèʼa, ha ndè a ntamagi ‘iyam’ te civèɗ mvèng pats.

³⁸ Ndohi nsli dimèsh nkezlahiaʼa ngiɗè to do a civèɗ ri gula, a iyè a rèta ndohi ngiɗè ngo do a verzi ta a géɗ zlazlar, a sam gi ngurèʼa ‘gezla’ te géɗèʼa, ha ndè a sam ntamagi mbiaʼa.

³⁹ A sam ntamagi Ephraim te géɗèʼa, a sam ntamagi nhalaʼa, a ntamagi ‘klèf’, a hüno a sam gi ngurèa Hananeel a gi ngurèʼa ‘tèmèrè’, ha ndè a ntamagi ‘tambak’. A nga zlatsahi a ntamagi ‘dangai’.

⁴⁰ Ndohi dimèsh nkezlahiaʼa cèw ta zlatsahi te gi Zhiklè. Rèta bihi a sam ga,

⁴¹ a ndohi mvi skwi a Zhiklè: Eljakim, Maaséja, Minjamin, Michée, Eljoénai, Zacharie, Hanania, a tolom te rai.

⁴² A Maaséja, Shemaeja, Eléazar, Uzzi, Jochnan, Malkija, Elm a Ezer. Ndohi nfi dimèsh ta slu dimèsh, Jizrachja ndo mɓer ta.

⁴³ A pats nasa ta va na skwi a Zhiklè a vata, ta wuffè, a géɗ man Zhiklè a mva ta mwuffè a ndav. Ngwozi ba a wudahi ba ta wuffè, nhèzlèwè m wuffè Jérusalem a cinè dra.

Skwi ntul ndohi mvi skwi a Zhiklè a ndohi Lévi

⁴⁴ A pats nasa ta pe ta ndohi man ta ɓer gi mɓicè skwai; skwi man ta tsakala, tsuvom skwai, a skwi staɗ staɗ te va 10, skwi man ta ɓica te gi dau te kokwar kokwar, man ma kita a goɗ a géɗ man ta va ta ndohi mvi skwi a Zhiklè a ndohi Lévi, te man Juda a wuffè a géɗ ndohi mvi skwi a Zhiklè a ndohi Lévi man ta gu mizlinè.

⁴⁵ Tengaʼa ta ndzaraha mizlinè Zhiklè, ta tila skwai, a ndohi nfi dimèsh a ndohi mɓer ntamagai ta gau, ara man David a Salomon, kra na, ta gaɗa.

⁴⁶ Zlèzlèʼa, te va man David a zhè, Asaph bi ndohi nfi dimèsh, a ta ngots dimèsh nslébèrdè Zhiklè a dimèsh nshid gèɗ a Zhiklè.

⁴⁷ Israel tèlèba, te ndev man Zorobabel a Néhémie ta zhè, ta va ta skwai a ndohi nfi dimèsh, a ndohi mɓer ntamagai, pèc pècèk. Aman skwi nkezlaʼa, a ndohi Lévi. A ndohi Lévi ta va ta skwi nkezlaʼa a wudahi Aaron.