Néhémie 10 - Ma Zhiklè

¹ A ɗèlèwèr man nga tkotseda pa, nzlembaɗ haha: Néhémie, ngomna, kra Hacalia. Sédécias,

² Seraja, Azaria, Jérémie,

³ Pashur, Amaria, Malkija,

⁴ Hattush, Shebania, Malluc,

⁵ Harim, Merémoth, Abdias,

⁶ Daniel, Guinnethon, Baruc,

⁷ Meshullam, Abija, Mijamin,

⁸ Maazia, Bilgai, Shemaeja, ndohi mvi skwi a Zhikiè.

⁹ Ndohi Lévi: Josué, kra Azania. Binnui, te va wudahi Henadad. Kadmiel a kramamhi ta.

¹⁰ Shebania, Hodija, Kelitha, Pelaja, Hanan,

¹¹ Michée, Rehob, Hashabia,

¹² Zaccur, Shérébia, Shebania,

¹³ Hodija, Bani, Beninu.

¹⁴ Tsuvom ndohai: Pareosh, Pachath-Moab, Elam, Zatthu, Bani,

¹⁵ Bunni, Azgad, Bébai,

¹⁶ Adonija, Bigvai, Adin,

¹⁷ Ather, Ezéchias, Azzur,

¹⁸ Hodija, Hashun, Betsai,

¹⁹ Hariph, Anathoth, Nébai,

²⁰ Magpiash, Meshullam, Hézir,

²¹ Meshézabéel, Tsadok, Jaddua,

²² Pelathia, Hanan, Anaja,

²³ Hosée, Hanania, Hashub,

²⁴ Hallochesh, Pilcha, Shobek,

²⁵ Rehum, Hashabna, Maaséja,

²⁶ Achija, Hanan, Anan,

²⁷ Malluc, Harim, Baana.

²⁸ Njèkèɗi ndohai, ndohi mvi skwi a Zhiklè, ndohi Lévi, ndohi mɓer ntamagai, ndohi nfi dimèsh, ndohi ntil gi Zhiklè, a njèkèɗi ndohi ngiɗè man ta shkè auda te va ndohi nte deɓa a ta dzodzor ma kita Zhiklè, ngwozi ta, wudahi ta, dalahi ta, a ndohi tèlèba man maya ta zhè a ta cinèʼa,

²⁹ ta mba ma a nda kramamhi ta, ndohi mbibihiaʼa, a ta gaɗda ma a hai a mʼmbèdè, ta jèjèr ma kita Zhiklè, man a vau te ma Moise, ɓèl Zhiklè, a ta jèjèr ma nkwèr Zhiklè, a ta gi skwi tèlèba ara man Ndo nzi pèc pècèk, Zhiklè nga, a goɗ te ma bai, te ma kita nengaʼa.

³⁰ Nga da va ta dalahi nga a ndohi man verzi ta tsaɗ asaɓai; nga da hil dalahi te va ndohi man verzi ta tsaɗ a wudahi nga asaɓai.

³¹ Nga da shum skwi a pats nshèk va, a pats Zhiklè nkezlaʼa, asaɓai te ri ndohi kokwar man ta prè skwi tsaɗ tsaɗ tèlèba a pats nshèk va. Mvi matsaraɗaʼa, nga ngelda mpizhè, a nga jhèdè dua a deɓa asaɓai.

³² A nga da gi ara man ma kita a dzhaɗ nga; a mvi a mvai nga vi Suli gurso a géɗ mizlinè te gi Zhiklè,

³³ a géɗ movar nkezlaʼa, a géɗ movar man ta va na a Zhiklè a pèc pècèk, a géɗ skwi man ta ndara na a nciɗ sam a nciɗ sam, a géɗ skwi man ta zla na a pats nshèk va, a géɗ skwi man ta va na te ngolala mvèng kia, a ngolala man ta gi a mvi a mvai, a géɗ skwi man ta va na te nshid gèɗ, a skwi man ta va na a géɗ malai, a skwi mpil gèɗ Israel, a géɗ mizlinè mèmè man ta gia te gi Zhiklè nga.

³⁴ A nga gu jimèr a géɗ ndohi mvi skwi a Zhiklè, ndohi Lévi, ndohi ngiɗè, a géɗ shègwa man ta hulkoɗi a gi Zhiklè nga, ara ndohi gi bab nga, a mvi a mvai, a pats man ta ngra ta, a ta vècè vogwa a sam mvi skwi a Zhiklè, Ndo nzi pèc pècèk, Zhiklè nga, ara man a windeda ɗèlèwèr ma kita.

³⁵ A nga da ckoɗi tsuvom dau nga, tsuvom nyi wof tèlèba, a mvi a mvai, a gi Ndo nzi pèc pècèk.

³⁶ A tsuvom wudahi nga, a skwi kuɗom nga, ara man ta Windo te ɗèlèwèr ma kita. A tsuvom zléhi nga a tambaki nga, sèi ta hulkoɗi a gi Zhiklè nga, a sam ndohi mvi skwi a Zhiklè, a ta gi mizlinè a vna te gi Zhiklè nga.

³⁷ Gufa nga nkerɗa dernènènèʼa, nyi géɗ wof tsaɗ tsaɗ tèlèba, iyam nyi wof, a mbar, nga da hulkoɗi a wov te gi Zhiklè nga. A skwi staɗ te va skwi 10 man nga puzo, nga hulkoɗa sam ndohi Lévi. Ndohi Lévi ta cè-kèlèʼa, skwi staɗ te va 10 te kokwar man nga pizhè tèlèba.

³⁸ Ndo mvi skwi a Zhiklè, te verzi Aaron, a da zhe a sam ndohi Lévi, man ta cèkèlè skwi staɗ te va 10. A ndohi Lévi ta da vi skwi staɗ te va skwi 10 matsa a gi Zhiklè nga, a gi skwi mèshèlè.

³⁹ Ndohi Israel ta da feda dau a iyam nyi wof a mbar man ta tsakalaʼa, a gi sa. Ko kolongwi nkezlaʼa, man ndohi mvi skwi a Zhiklè, ndohi mɓer ntamagai, ndohi nfi dimèsh, ta gi mizlinè a vna, ta zhè a pa. Nga woy a nga gi wudar a géɗ gi Zhiklè nga ɓai.