Lèv. 12 - Ma Zhiklè

Ngwoz man a yi kra

¹ A Ndo nzi pèc pècèk a ngaɗa na Moise:

² Gada ta ndohi Israel: Aman ngwoz a ngècè kra, a yi kra ngu-raʼa, mʼmèn tsaraɗ, ngwozaʼa nlizhèa. Nlizhèa ara pats man hwaɗ a va.

³ A pats matsamakeɗaʼa, sèi ta ngela na ngwon a kra.

⁴ Aman ngwoz da nza a ngwi mʼmen 33 dai, ha pombaz a nshe na, a mpan na. Da lama na skwi nkezlaʼa bai, a slaha a ndè a sam nkezlaʼa azbai, ha pats man mpana ma.

⁵ Aman a yu demaʼa, nlizhèa luma cèw, ara pats man hwaɗ a va. Te deb nengaʼa da nza a ngwi mʼmèn 66 dai, ha Pombaz a nshe na, mpana ma.

⁶ Aman pats man a mpana ma, ko a ya nguraʼa, ko a ya demaʼa, do do, da va na kra tambak a ndo mvi skwi a Zhiklè, aman a ndara na Zhiklè, a nkuɗhom staɗ man a gra tok-tok, a ngudokwar staɗ a géɗ malai, a ma gi mbicè-va.

⁷ Da va na skwi a Ndo nzi pèc pècèk, da ngatsa na skwi mpil gèɗ a va na. Te deɓaʼa mpana te Pombaz man a va. Nasa ma nkwèr a géɗ ngwoz man maudza, ko a ya nguraʼa, ko a ya demaʼa.

⁸ Aman a da slaha tambak ɓai, da hul ngudokwarhi cèw a nkuɗhomhi cèw man ta gra tok-tok, ngiɗè a ta ndara na Zhiklè, ngiɗè a ta vi a géɗ malai, a ndo mvi skwi a Zhiklè da ngatsa na skwi mpil gèɗ. Te deɓaʼa mpanaʼa.