Jonas 4 - Ma Zhiklè

Jonas te verzi wof

¹ Ambaha Jonas ɓai, a gi ndav. A tsi ri a Ndo nzi pèc pècèk, a ngaɗa:

² Wa Zhiklè, man i te kokwar ga dai, i goɗ ɓi ɗè! A géɗ nasa i hu ga a kokwar Tarsis nshèlèkuraʼa, te man i suna, ka Zhiklè, pombi ngaya a zhè, ndohi ta se ka te va, ka zhèrè te ndav, ndav ngaya amba, ka ngwèdè skwi mwuɗitpa.

³ Anai, Ndo nzi pèc pècèk, co nshèffè ga, darahayè mʼmetsai a géɗ nshèffè.

⁴ Aman Ndo nzi pèc pècèk a ngaɗa: Ndav ngaya man ka gi a haha amba ɗè?

⁵ A Jonas a mdo auda te kokwar, a nʼnza a dal kokwar, te civèɗ mvèng pats. Te pa a ngu gi tsukulfok kata, a nʼnza a mèzhèɓèʼa, a zhèr aman a da rka: kokwar a da gédèsh na ɗè?

⁶ Aman Ndo nzi pèc pècèk, Bi Zhiklè, a nftseda wof a pa, a grè, a mpa na mèzhèɓ a di a Jonas, a nca na nlèyè auda te gèɗ. Jonas a wuffè kumba a géɗ wof.

⁷ Te mangoslèmaʼa, man pats ndzakaɗai, Bi Zhiklè a mpra na meturɗi a verzi wof, a ngwor na.

⁸ Aman pats tʼuda ma, Bi Zhiklè a mbaha na kozlar mazlam, a pats a ntu Jonas, a nkeɗdahai. Jonas a nhuro: darahayè mʼmetsai a géɗ nshèffè, a ngaɗa: Mʼmetsai da keɗyè!

⁹ Ndo nzi pèc pècèk a ngaɗa na Jonas: Ndav ngaya man ka gi a géɗ wof haha amba ɗè? A ngaɗa: halau, ndav man i gi a haha, amba; i woy mʼmetsai, amba.

¹⁰ Ndo nzi pèc pècèk a ngaɗa: Ka kuɗi a géɗ wof haha, man ka ga mizlinè ɓai, man ka ngra ka ɓai; a vaɗ staɗ ngre na, a vaɗ staɗ, ngworaʼa.

¹¹ A iyè, i kuɗi a géɗ Ninive, kokwar mbiaʼa, azɓi ɗè, man ndohi a fena 120.000 te pa, a ta sun nɗèl ri gula a ri mandi te va di ɓai, a skwi kuɗom man a ngrè azɓai!