Job 26 - Ma ZhiklèJob a mbeɗa na a ma Bildad 1 Job a hüno a ngaɗa: 2 Ka slambaɗda ndo man wuɗi na azɓai, ka Sala ri ndo man mʼmetsa. 3 Ndo man a ngatsa maya ɓai, ka njè na, ka ngra na verzi skwi zuraʼa. 4 Nʼngreda ka man ka goɗ a haha wa? Nte ndav ngaya mèzhèɓ mè? 5 Ko ndohi nte vèvèɗ ta gudzi a sam Zhiklè. Iyam a hubètè va, a skwi te pa. 6 Sam mʼmetsai mwinèʼa, skwi mpizlè vèvèɗ mpèltemtemaʼa azɓai. 7 A wuzhè giɗfèk kerpaʼa a géɗ herkeda. Herkeda a gshè va a skwa azɓai. 8 A nʼndha vani a iyam, aman vani a tuwè azbai. 9 A nʼngheda sam nʼnzi bi nengaʼa a pa, a pi-zlèda pa a vanai. 10 A pa na kuma a ma iyam, a kezla skwi nhél sam a ruva. 11 Sak giɗfèk ta hinè ngiɗè va, ta gudzi a sam ndzoan nengaʼa. 12 A géɗ wuɗi nengaʼa, woyam mbiaʼa a nza géɓitèʼa; a maya na a nkeɗda nfi va na a hai. 13 A shèffè, a patseda giɗfèk aussa; ri nengaʼa a tizhè zhüzhok man a hi na. 14 Na haha sèi ria di genè, ma nengaʼa man nga tsena kètè kètè di genè. Aman ma nengaʼa man a gèɗè a wuɗai, ara ntsi iyam. Nslaha a ncinè wa? |
Alliance Biblique du Cameroun 1989
Bible Society of Cameroon