Job 17 - Ma Zhiklè

¹ Ndzoan Zhiklè a ngedassamay nshèffè ga, sèi njèkè ndè a gidzavi mènè.

² A vava ndohi ta ngwossahayè, lèk lèk di ga a rka skwi man a ndarayè.

³ Takahayè, feda skwi a hi te di man a ga, man ɓai nga gshè mandala a wa?

⁴ Ka va ta maya a ta shin skwi ɓai, a géɗ nengaʼa ta slaha ta fen ka azɓai.

⁵ Ndo man a pin mandalahi nengaʼa, ara man ta kèlè gi nengaʼa; a wudahi nengaʼa ta da tiɗ ta.

⁶ Ka giyè, a ndohi ta njè njèkènè a iyè. I ndo man ta njfedyè.

⁷ Di ga nhezl na te ri nlèyè, a wussamay va.

⁸ Ndohi nzuraʼa ta rzl ta a géɗ nengaʼa. Ndohi ndzuwoɗaɗaʼa ta gi ndav kumba a géɗ ndo man a woy Zhiklè ɓai.

⁹ Ndo nzuraʼa a nzi taraʼa a civèɗ na. Ndo man ri mpanaʼa a ngècè wuɗi a ma ma.

¹⁰ Aman kin tèlèba, va-mena na gèɗ a njè-ma kinè – i ngècè ndo maya te va kinè azɓi genè!

¹¹ Pats nshèffè ga a ngeslkaɗ na, skwi man i hur i da giaʼa, a ndev na, skwi man ndav ga a woyaʼa, klèng.

¹² Ta ngwoda vaɗ a pats, skwi nhel sam a di a shkè auda te ruva, ar ta.

¹³ I slaha a i zhèr skwi ngiɗè ɗè? Gi ga, sam mʼmetsai. Sam mʼmènè ga ntila te ruva.

¹⁴ I sla na gidzavai: Bab ga; a meturɗihai: Mam ga, demamhi ga!

¹⁵ Skwi man i zhèrè te ndav, na mè? Manam ga kos na tema?

¹⁶ A dzadzarkayè a sam mʼmetsi ɗè? Nga dè vèvèɗ a vna ɗè?