Job 14 - Ma Zhiklè

¹ Ndo man ngwoz a myau, a nzi a nshèffè kètè genè, a shin va azɓai.

² A gi ara nwurzhè skwai, a dai, a ɓüt na, a ndev na ara mèzhèɓ wof, a nzi azbai.

³ Zhiklè, ka pi di a ndo aranta, a ka baha na a kita dè?

⁴ Ndo man nlizhèʼa a slaha a nyi ndo mpanaʼa de? Ko staɗ ba azɓai.

⁵ Aman ka pu kuma nshèffè nengaʼa, ka ngra ki nshèffè na, ka hur nʼndikè maʼa, aman a nzi a ma ma azɓai,

⁶ dara ka peda di ngaya aussa a sam na, a ka jèkeda, a nengaʼa a wuffè a pats nshèffè na ara ndo man a vaka a mizlinè.

⁷ A sam wof, skwi man a zhèrè dai a zhè. Ko ta ngelaʼa, a da di zaʼa. Ntsatseri nengaʼa a ndev ɓai.

⁸ Aman zluzlor nengaʼa nʼnga tʼherkeda kumba ma, a godozlomaʼa a mʼmets na te vèvèɗ;

⁹ aman iyam a ngaha, az a di zaʼa, a tsiaʼa ara wof mɓuaʼa.

¹⁰ Aman ndo a mʼmets na, a husl na, nshèffè nengaʼa a ndev na, kala ma?

¹¹ Iyam man a hi te woyam a she na, woyam a she na, a gwor na.

¹² Ndo a metsi na, a slèmbèɗè te deɓaʼa azɓai, ko giɗfèk a ndiv na, a piɗèkwè azɓai, a slèmbèɗè te nzhun nengaʼa azɓai.

¹³ A woy ka nghedyè a sam mʼmetsai, ka nghedyè, ha ndzoan ngaya a ndev na! Ngelay patsa a hai, man ka da héryè zaʼa!

¹⁴ Aman ndo a mets na, a ngècè nshèffè za te deɓa ɗè? A nciɗ sam a nciɗ sam i woy a i zhèr skwia dai, ha a ngay daraʼa.

¹⁵ Te deɓaʼa ka bèhè, a i mbeɗa ka a ma; ka woy skwi man ri ngaya a ngau.

¹⁶ Te deɓaʼa ka ngrè sam sak ga, aman mali ga ka ngrèʼa azɓai.

¹⁷ Mphömè ga ka manda tèlè a gozhèm, a ka hér mali ga.

¹⁸ Aman ko za, pats ngiɗè a mbéɗ na, a kwazlazlam ta cè na auda a sam nʼnzi na.

¹⁹ Kwahai, iyam a hilèʼa. Ndzurviyam a tsurhoda herkeda a ma. Aranta ka zeda skwi man ndo a zhèrè te ndav.

²⁰ Zhiklè, ka ngulaʼa a mèdèp; aman ndo tʼherkeda a nzi azɓi. A pi di zlau mʼmetsai, a ka dzamaʼa.

²¹ Wudahi nengaʼa ta ngècè nʼnjèlè – nengaʼa a sun ɓai; ta manda ta gèɗ a hai – nengaʼa a rka ɓai.

²² A géɗ va na, a suna, a sun man skwa a dza na. A lèyè sèi nshèffè na.