Jérémie 45 - Ma Zhiklè

Zhiklè a gaɗa na Baruc

¹ Ma man Jérémie a gaɗa na Baruc, kra Nérija, a pats man a mwindo ma a ɗèlèwèr, man Jérémie a mʼmenda na, te va man Jojakim, kra Josias, bi te Juda.

² Ndo nzi pèc pècèk, Zhiklè Israel, a goɗ a géɗ ngaya, Baruc:

³ Ka gaɗa: Wobayè! Aman Ndo nzi pèc pècèk a mvay nlèyè, a va skwi ar haha man a dzayè. I ngeza a kuɗa, i ngècè nshèk va azɓai.

⁴ Gar haha sèi ka gaɗa na: Ndo nzi pèc pècèk a goɗ ar haha: Na haha skwi man i roma, i da mbeɗdahai. A skwi man i ngeda a pa, i ptskoɗauda.

⁵ A ka, ka jhèdè skwi mbiaʼa a géɗ va ngaya dè? Ka dzhoɗo ɓai! Aman na haha i da gedassa ndohi tèlèba, Ndo nzi pèc pècèk a gaɗa. Aman ka, ka da mbél ngaya a sam tèlèba man ka dè a pa.