I Chroniques 6 - Ma Zhiklè

Ndohi te verzi Lévi

¹ Wudahi Lévi: Guershom, Kehath a Merari.

² Wudahi Kehath: Amram, Jithsehar, Hebron a Uziel.

³ Wudahi Amram: Aaron a Moise, a Marie. Wudahi Aaron: Nadab, Abihu, Eléazar a Ithamar.

⁴ Eléazar a myu Phinées.

⁵ Phinées a myu Abishua. Abishua a myu Bukki.

⁶ Bukki a myu Uzzi. Uzzi a myu Zerachja. Zerachja a myu Merajoth.

⁷ Merajoth a myu Amaria. Amaria a myu Achithub.

⁸ Achithub a myu Tsadok. Tsadok a myu Achimaats. Achimaats a myu Azaria.

⁹ Azaria a myu Jochanan.

¹⁰ Jochanan a myu Azaria, man a ngu mizlinè ndo m vi skwi a Zhiklè te gi Zhiklè man Salomon a rom te Jérusalem.

¹¹ Azaria a myu Amaria. Amaria a myu Achithub.

¹² Achithub a myu Tsadok. Tsadok a myu Shallum.

¹³ Shallum a myu Hilkija. Hilkija a myu Azaria.

¹⁴ Azaria a myu Seraja. Seraja a myu Jehotsadak.

¹⁵ Jehotsadak a mdo na a va ndohi man Bi Zhiklè a nhel ta ndohi Juda a ndohi Jérusalem a ɓèlè a ri a bi Nebucadnetsar.

¹⁶ Wudahi Lévi: Guershom, Kehath, a Merari.

¹⁷ Na haha nzlembaɗ wudahi Guershom: Libni a Shimei.

¹⁸ Wudahi Kehath: Amram, Jitsehar, Hébron a Uziel.

¹⁹ Wudahi Merari: Machli a Mushi. Nasa ndohi gi Lévi, ara mbèh verzi bab ta.

²⁰ Te verzi Guershom: Libni, kra nengaʼa. Jachath, kra nengaʼa. Zimma, kra nengaʼa. Joach, kra nengaʼa.

²¹ Iddo, kra nengaʼa. Zérach, kra nengaʼa. Jeathrai, kra nengaʼa.

²² Wudahi Kehath: Amminadab, kra nengaʼa. Koré, kra nengaʼa. Assir, kra nengaʼa. Elkana, kra nengaʼa.

²³ Ebjasaph, kra nengaʼa.

²⁴ Assir, kra nengaʼa. Thachat, kra nengaʼa. Uriel, kra nengaʼa. Ozias, kra nengaʼa. Saul, kra nengaʼa.

²⁵ Wudahi Elkana: Amasai a Achimoth; Elkana, kra nengaʼa.

²⁶ Elkana-Tsophai, kra nengaʼa. Nachath, kra nengaʼa.

²⁷ Eliab, kra nengaʼa. Jerocham, kra nengaʼa. Elkana, kra nengaʼa.

²⁸ Wudahi Samuel: Vashni, tsuvomaʼa, a Abija.

²⁹ Wudahi Merari: Machli; Libni, kra nengaʼa. Shimei, kra nengaʼa. Uzza, kra nengaʼa.

³⁰ Shimea, kra nengaʼa. Hagguija, kra nengaʼa. Asaja, kra nengaʼa.

Ndohi nfi dimèsh David

³¹ Ndohi haha, David a mpe ta a nfi dimèsh te gi Zhiklè, a nhün te pats man koti Zhiklè a nʼngots sam nʼnzi na.

³² Ta gu mizlinè nsli dimèsh a ma gi nkezlaʼa, gi mɓicè-vatedak, ha pats man Salomon a nrom gi Zhiklè te Jérusalem. Ndohi ta gu mizlinè arsa, ara man ma mizlinè sa a ngoɗa.

³³ Na haha ndohi mizlinè sa, a wudahi tengaʼa. Te va ndohi Kehath: Héman, nslakawai, kra Joel, kra Samuel, kra Elkana,

³⁴ kra Serocham, kra Eliel, kra Thoach,

³⁵ kra Tsuph, kra Elkana, kra Machath,

³⁶ kra Azmasai, kra Elkana, kra Joel, kra Azaria, kra Sophonie,

³⁷ kra Thachath, kra Assir, kra Ebjasaph,

³⁸ kra Koré, kra Jitsehar, kra Kehath, kra Lévi, kra Israel.

³⁹ Asaph, kramam nengaʼa, a nzlatsa te civèɗ ri mandi nengaʼa. Asaph, kra Bérékia, kra Shimea,

⁴⁰ kra Micael, kra Baaséja, kra Malkija,

⁴¹ kra Ethni, kra Zérach,

⁴² kra Adaja, kra Ethan, kra Zimma,

⁴³ kra Shimei, kra Jachath, kra Guershom, kra Lévi.

⁴⁴ Wudahi Merari, kramamhi ta, te civèɗ ri gula: Ethan, kra Kishi, kra Abdi, kra Malluc,

⁴⁵ kra Hashabia, kra Amatsia, kra Hilkija, kra Amtsi,

⁴⁶ kra Bani, kra Shémer,

⁴⁷ kra Machli, kra Mushi, kra Merari, kra Lévi.

⁴⁸ A ndohi Lévi, gwoli ta, ta pa ta mizlinè, te gi Zhiklè tèlèba a rai.

Ndohi te verzi Aaron

⁴⁹ Aaron a wudahi nengaʼa ta ndara na skwi a Zhiklè, a sam mvi skwi a Zhiklè, ta ɗüzho vodzok ɓurdi a sam nʼndèr burdi a Zhiklè, a ta gu mizlinè tèlèba a sam nkezli nkezlaʼa, a ta til mali ndohi Israel, ara man Moise, ɓèl Zhiklè, a ngra ta tèlèba.

⁵⁰ Na haha wudahi Aaron: Eléazar, kra nengaʼa; Phinées, kra nengaʼa; Abishua, kra nengaʼa;

⁵¹ Bukki, kra nengaʼa; Uzzi, kra nengaʼa;

⁵² Zerachja, kra nengaʼa; Merajoth, kra nengaʼa; Amaria, kra nengaʼa; Achithub, kra nengaʼa;

⁵³ Tsadok, kra nengaʼa; Achimaats, kra nengaʼa.

Kokwar ndohi Lévi

⁵⁴ Sam kokwar tengaʼa, ara gi ta, ara gi ta, ara man ta ngotso. Jimèr a nkala ta a gèɗ a ndohi te verzi Aaron, te va ndohi Kehath, nshèlèkuraʼa.

⁵⁵ Ta va ta Hébron, te kokwar Juda, a dak man ta wèr skwi te pa a tsagi kokwar.

⁵⁶ Aman sam kokwar mbiaʼa, a kokwarhi a tsagiaʼa, ta va na Caleb, kra Jephunné.

⁵⁷ A wudahi Aaron ta va ta Hébron, kokwar matarai, Libna, a sam-dak a tsagiaʼa, Jatthir, Eshthemo a sam-dak a tsagiaʼa,

⁵⁸ Hilen, a sam-dak a tsagiaʼa,

⁵⁹ Debir, a sam-dak a tsagiaʼa, Ashan, a sam-dak a tsagiaʼa,

⁶⁰ Beh-Shémesh, a sam-dak a tsagiaʼa. A ndohi te verzi Benjamin ta va ta Guéba, a sam-dak a tsagiaʼa, Allémeth, a sam-dak a tsagiaʼa, Anthoth, a sam-dak a tsagiaʼa. Kokwar tengaʼa tèlèba 13, ara verzi ta.

⁶¹ Njèkèɗi wudahi Kehath ta ngots kokwar 10 te ri ndohi te verzi Ephraim, te verzi Dan, te verzi Manassé rètaʼa, a jimèr.

⁶² Wudahi Guershom, ara verzi ta, ara verzi ta, ta ngots kokwar 13 te ri ndohi te verzi Issacar, te verzi Aser, te verzi Nephthali a verzi Manassé te Basan.

⁶³ Wudahi Merari, ara verzi ta, ara verzi ta, ta ngots kokwar 12 te ri ndohi te verzi Ruben, te verzi Gad, te verzi Zabulon, a jimèr.

⁶⁴ Ndohi Israel ta pa ta kokwarhi mbibihiaʼa a sam-dak a tsagiaʼa a ndohi Lévi.

⁶⁵ Ta pa ta kokwarhi haha, man ta baha ta a nzlembaɗ a jimèr, te ri ndohi te verzi Juda, te verzi Siméon, te verzi Benjamin.

⁶⁶ A ndohi ngiɗè te va ndohi Kehath, ta va ta kokwar tengaʼa te ri ndohi te verzi Ephraim.

⁶⁷ Ta va ta kokwar Sichem, kokwar matarai, a sam-dak a tsagiaʼa, te za Ephraim. Ta va ta Guézer, a sam-dak a tsagiaʼa.

⁶⁸ Ta va ta Jokmeam, a sam-dak a tsagiaʼa.

⁶⁹ Ta va ta Beth-Horon, a sam-dak a tsagiaʼa. Ta va ta Ajalon, a sam-dak a tsagiaʼa. Ta va ta Gath-Rimmon, a sam dak a tsagiaʼa.

⁷⁰ Te ri rèta ndohi te verzi Manassé, ta va ta Aner, a sam-dak a tsagiaʼa, Bileam a sam-dak a tsagiaʼa; ndohi Kehath ngiɗè ta ngotso.

⁷¹ A ndohi Guershom ta va ta: te ri rèta ndohi Manassé, Golan te Basan a sam-dak a tsagiaʼa;

⁷² Te ri ndohi Issacar, Kédesh a sam-dak a tsagiaʼa;

⁷³ Dobrath a sam-dak a tsagiaʼa; Ramoth a sam-dak a tsagiaʼa;

⁷⁴ Anem a sam-dak a tsagiaʼa; te ri ndohi Aser, Mashal a sam-dak a tsagiaʼa;

⁷⁵ Abdon a sam dak a tsagiaʼa; Hukok a sam dak a tsagiaʼa; Rehob a sam-dak a tsagiaʼa;

⁷⁶ te ri ndohi Nephthali, Kédesh te Galilée a sam-dak a tsagiaʼa, Hammon a sam-dak a tsagiaʼa, Kirjathaim a sam-dak a tsagiaʼa.

⁷⁷ A njèkèɗi ndohi Lévi, a wudahi Merari, ta va ta: te ri ndohi te verzi Zabulon, Rimmono a sam-dak a tsagiaʼa, Thabor a sam-dak a tsagiaʼa.

⁷⁸ Te wud woyam Jourdain, zuraʼa a ma Jéricho, te civèɗ mvèng pats: te ri ndohi Ruben, Betser, tʼhèshèkèɗ a sam-dak a tsagiaʼa; Jahtsa a sam-dak a tsagiaʼa,

⁷⁹ Kedémoth a sam-dak a tsagiaʼa, a Méphaat a sam-dak a tsagiaʼa.

⁸⁰ Te ri ndohi Gad, Ramoth te Galaad a sam-dak a tsagiaʼa, Mahanaim a sam-dak a tsagiaʼa,

⁸¹ Hesbon a sam-dak a tsagiaʼa, a Jaezer a sam-dak a tsagiaʼa.