I Chroniques 5 - Ma Zhiklè

Ndohi te verzi Ruben

¹ Wudahi Ruben, tsuvom Israel. Nengaʼa tsuvomaʼa; aman a géɗ man a mʼmana na a va ngwoz bab na, a mva ta skwi nʼndi gi tsuvomaʼa a wudahi Joseph, kra Israel. Aman ta Windo Joseph a ɗèlèwèr mvèh ta ara tsuvom ɓai.

² Juda, ngulaʼa te va kramamhi na. Staɗ te verzi nengaʼa a ngu bai. Aman skwi nʼndi gi tsuvom nengaʼa, Joseph a nʼngotso.

³ Wudahi Ruben, tsuvom Israel: Hénoc, Pallu, Hetsron a Carmi.

⁴ Wudahi Joel: Shemaeja, kra na; Gog, kra na; Shimei, kra na;

⁵ Michée, kra na; Reaja, kra na;

⁶ Baal, kra na; Beéra, kra na, man Tilgath-Pilnéser, bi Assyrie, a ncedama a ɓèlè. Nengaʼa tsuvom ndohi Ruben.

⁷ Kramamhi Beéra, ara ndohi gi ta, ara verzi ta ara verzi ta, ara man ta Windo te ɗèlèwèr mvèh ta: Jeiel, Zacharie, Béla, kra Azaz, kra Shéma, kra Joel.

⁸ Béla a nʼnza te Aroer, ha ndè Nebo, a Baal-Meon.

⁹ Te civèɗ mvèng pats a nʼnza te kokwar, ha ndè a ma hèshèkèɗ, a hinè a ma woyam Euphrate. Skwi ndzham tengaʼa a zhè kumba te kokwar Galaad.

¹⁰ Te va man Saul bai, ta gu var a ndohi Hagaren, a ta bazl ta, a ta nza a gi ta, a tsagi Galaad, te civèɗ mvèng pats, a sam tèlèba.

Ndohi te verzi Gad

¹¹ Wudahi Gad ta nza zuraʼa a ma tengaʼa, te kokwar Basan, ha ndè Salca.

¹² Joel, nshèlèkuraʼa, Shapham macècèwaʼa, Jaenai a Shaphath, te Basan.

¹³ Kramamhi ta, ara ndohi gi ta, ara ndohi gi ta: Micael, Meshullam, Shéba, Joral, Jaecan, Zia a Eber, ta 7.

¹⁴ Na haha wudahi Abichail, kra Huri, kra Jaroach, kra Galaad, kra Micael, kra Jeshishai, kra Jachdo, kra Buz.

¹⁵ Achi, kra Abdiel, kra Guni, tsuvom ndohi gi bab na.

¹⁶ Ta nza te Galaad, te Basan, a kokwar man a tsagai, a sam nwèr skwi ta a dal Saron tèlèba, handèasam kuma ta.

¹⁷ Ta windo tèlèba a ɗèlèwèr mvèh ta, te va man Jotham bi Juda, a Jeroboam bi Israel.

Ndohi a ma woyam Jourdain, te civèɗ mvèng pats

¹⁸ Wudahi Ruben, a ndohi Gad, a rèta ndohi Manasse, ndohi var ta zhè man ta slaha ta gi var a tsakwal a gambar a lèkèɗ, a ta sun rubai, ta slebau var, ta 44.760, ndohi var tèlèba.

¹⁹ A ta gu var a ndohi Hagaren, te Jethur, te Naphish, te Nodab.

²⁰ Zhiklè a ntakaha ta, a ta fen ta ndohi Hagaren a ndohi tèlèba man ta humda va a tengaʼa, a ta dum ta. Te ndev var, ta tsu ri a Zhiklè, a nengaʼa a nco ntsi ri tengaʼa, a géɗ man ta pu ndav a vna.

²¹ Ta helama ta skwi kudom tengaʼa, zlugumihi 50.000, tambakihi 250.000, kɗèhihi 2.000, a ndohi 100.000.

²² Ta kumba ta bazl ta, te man Zhiklè a ntakaha ta te var. A ta nza a sam nʼnzi ta, ha pats man ta hel ta ma a ɓèlè.

²³ Wudahi Manasse rètaʼa ta nza te kokwar, a hinè te Basan, ha nde Baal-Hermon, a Senir, a der za Hermon. Ta kumba.

²⁴ Na haha tsuvomhi tengaʼa: Epher, Jishei, Eliel, Azriel, Jérémie, Hodavia a Jachdiel, ndohi slagama, mbibihiaʼa, tsuvom ndohai.

²⁵ Aman ta gu mphömè a sam di Zhiklè bab ta. Ta dzodzor zhiklèhi mʼmbèh skwi ndohi kokwar man Zhiklè a gedas ta aussa a ma tengaʼa.

²⁶ A Zhiklè Israel a nslambaɗda ndav Pul, bi Assyrie, a Tilgath Pilnéser, bi Assyrie; a Tilgath-Pilnéser a nhel ta ndohi Ruben a ndohi Gad a rèta ndohi Manassé a ma, a ta de ta a kokwar Chalach, te Chabor, te Hara, a ma woyam Gozan ba, a ta nza te pa ha patsna.