I Chroniques 4 - Ma Zhiklè

Ndohi ngiɗè te verzi Juda

¹ Wudahi Juda: Pérets, Hetsron, Carmi, Hur a Shobal.

² Reaja, kra Shobal, a myu Jachath. Jachath a myu Achumai a Lahad. Tengaʼa verzi ndohi Tsoreath.

³ Na haha ndohi te verzi bab Etham: Jizreel, Jishma a Jidbash. Nzlembaɗ demam tengaʼa Hatselelponi.

⁴ Penuel, bab Guedor. Ezer, bab Husha. Tengaʼa wudahi Hur, tsuvom Ephrata, bab Bethléhem.

⁵ Ngwozi Ashchur, bab Tekoa, cèw: Hélea a Naara.

⁶ Naara a nya na Achuzaam, Hépher, Thémeni a Achashthari. Nasa wudahi Naara.

⁷ Wudahi Hélea: Tséreth, Tsochar a Ethnan.

⁸ Kots a myu Anub a Hatsobéba, a ndohi te verzi Acharchel, kra Harum.

⁹ Jaebets a ncko va na auda te va kramamhi na. Mam nengaʼa a mbaha na Jaebets, a ngaɗa: a géɗ man i yau te matakwan.

¹⁰ Jaebets a ntsu ri a Zhiklè Israel, a ngaɗa: Pshey ma, herday kuma kokwar ga a deɓa, ri ngaya da takahayè, ɓeryè te ri mali man a da gay matakwan. A Zhiklè a mva na, ara man a dzhoɗo.

¹¹ Kelub, kramam Shucha, a myu Mechir, bab Eshthon.

¹² Eshthon a myu ndohi gi Rapha, Paséach a Thechinna, bab kokwar Nachash. Nasa ndohi Réca.

¹³ Wudahi Kenaz: Othniel a Seraja. Wudahi Othniel: Hathath a Meonothai.

¹⁴ Meonothai a myu Orpha. Seraja a myu Joab, bab kokwar ndohi mizlinè.

¹⁵ Wudahi Caleb, kra Jephunné: Iru, Ela a Naam. Kra Ela, Kenaz.

¹⁶ Wudahi Je-halléleel: Ziph, Zipha, Thirja a Asareel.

¹⁷ Wudahi Esdras: Jéther, Méred, Epher a Jalon. Ngwoz Méred a myu Miriam, Shammai a Jishbach, bab Eshthemoa.

¹⁸ Ngwoz nengaʼa, ngwoz Juda, a myu Jéred, bab Guedor, Héber, bab Soco, a Jekuthiel, bab Zanoach. Tengaʼa wudahi Bithja, dem Pharaon, man Méred a nco a ngwoz.

¹⁹ Wudahi man Hodija, demam Nacham, a myau: bab Kehila, ndo Garmi, a Eshthemoa, ndo Maacath.

²⁰ Wudahi Simon: Amnon, Rinna, Ben-Hanan a Thilon. Wudahi Jishei: Zocheth a Ben-Zocheth.

²¹ Wudahi Shéla, kra Juda: Er, bab Léca, Laeda, bab Marésha, a verzi ndohi man ta min gogumai, te Ashbéa,

²² a Jokim, a ndohi Cozéba, a Joas a Saraph, man ta co ngwoz te Moab, a ta men ta a deɓa a kokwar Bethléhem. Ma haha ma nhalaʼa.

²³ Tengaʼa ndohi nrèm shiɗèf. Ta nza a sam gi lak, a ta nza a sam bai, a ta gu mizlinè nengaʼa.

Ndohi te verzi Siméon

²⁴ Wudahi Siméon: Nemuel, Jamin, Jarib, Zérach, Saul.

²⁵ Wudahi Saul: Shallum, kra na Mibsam, kra na Mishma.

²⁶ Wudahi Mishma: Hammuel, kra na, Zaccur, kra na, Schimei, kra na.

²⁷ Wudahi Shimei 16, a dalahi 6. Kramamhi nengaʼa ta yau wud kumba ɓai. Verzi tengaʼa mʼmana a vata ara verzi Juda ɓai.

²⁸ Ta nza te kokwar Beer-Shéba, te Molada, te Hatsar-Shual,

²⁹ te Bilha, te Etsem, te Gholad, te Bethuel,

³⁰ te Horma, te Tsiklag, te Beth-Marcaboth,

³¹ te Hatsar-Susim, te Beth-Birei, te Shaaraim. Nasa kokwar ta, ha bi David a ngu bai.

³² Kokwar man ta ngots a vaʼa: Etham, Ain, Rimmon, Thoken a Ashan, kokwar 5,

³³ a kokwar nkèshèa a tsagi kokwar mbiaʼa sa, ha nde Baal. Nasa kokwar ta, a ɗèlèwèr mvèh ta:

³⁴ Meshobab, Jamlec, Josha, kra Amatsia,

³⁵ Joel, Jéhu, kra Joshibia, kra Seraja, kra Asiel, Eljoénai, Jaakoba,

³⁶ Jeshochaja, Asaja. Adiel, Jesimiel,

³⁷ Benaja, Ziza, kra Shiphei, kra Allon, kra Jedaja, kra Shimri, kra Shemaeja.

³⁸ Ndohi man nzlembaɗ ta a haha, tsuvomhi te verzi ta, a gi bab ta a nge na mbiaʼa.

³⁹ To do a civèɗ Guedor, a ma nkulgodok, te civèɗ mvèng pats, a ta hèsh dak aman ta wèr skwi ta te pa.

⁴⁰ A ta ngots sam ndaʼa, laɓdekdekaʼa, herkeda mbiaʼa, man a nza a gumai; ndohi man ta nza a pa zlèzlèʼa, ndohi Cham.

⁴¹ Ndohi man nzlembaɗ ta a haha, ta shkè, te va man Ezéchias bai te Juda. Ta gedassa gi ndohi Maon man ta nza a pa, a ta phomde ta ndohi kokwar, ha patsna. A ta nza a sam nʼnzi ta, te man dak nwèr skwi ta a zhè a pa.

⁴² Te va ndohi Siméon, 500 man to do za Seir. Tsuvom ta Pelathia, Nearia, Rephaja a Uziel, kra Jishei.

⁴³ Ta bazl ta njèkèɗi ndohi Amalek man ta hu ta a matsa, a ta co kokwar, a ta nza a pa ha patsna.