I Chroniques 2 - Ma Zhiklè

Wudahi Israel

¹ Na haha nzlembaɗ wudahi Israel: Ruben, Siméon, Lévi, Juda, Issacar, Zabulon,

² Dan, Joseph, Benjamin, Nephthali, Gad a Aser.

Ndohi te verzi Juda

³ Wudahi Juda: Er, Onan, Shéla. Tengaʼa makar a myau tʼhwaɗ dem Shua, dem Canaan. Er, tsuvom Juda, a ngau skwi man ambaɓai a sam di Ndo nzi pèc pècèk, a mʼmets na.

⁴ Tamar, dem kra na, a nya na Pérets a Zérach. Wudahi Juda tèlèba, 5.

⁵ Wudahi Pérets: Hetsron a Hamul.

⁶ Wudahi Zérach: Zimri, Ethan, Héman, Calcol a Dara. Ta 5.

⁷ Wudahi Carmi: Acar; nengaʼa a nkalde ta ndohi Israel a matakwan, aman a ngu metsar skwi man Zhiklè a mphomda.

⁸ Kra Ethan: Azaria.

⁹ Wudahi Hetsron: Jerachmeel, Ram a Kelubai.

¹⁰ Ram a myu Amminadab. Amminadab a myu Nachshon, kra bai ndohi Juda.

¹¹ Nakshon a myu Salma.

¹² Salma a myu Boaz. Boaz a myu Obed.

¹³ Obed a myu Isai. Isai a myu Eliab, tsuvom na. Abinadab, mbegéɗèʼa. Shimea mamakaraʼa.

¹⁴ Nethaneel mafaɗaʼa. Raddai mazlamaʼa.

¹⁵ Otsem mamokwaʼa. David matsaraɗaʼa.

¹⁶ Tseruja a Abigail, demamhi tengaʼa. Wudahi Tseruja: Abishai, Joab a Asael, ta makar.

¹⁷ Abigail a myu Amasa. Bab Amasa, nengaʼa Jéther, ndo Ismael.

¹⁸ Caleb, kra Hetsron, a myu wudahi tʼhwaɗ Azuba, ngwoz na, a Jerioth. Na haha wudahi man a yu tʼhwaɗ Azuba: Jésher, Shobab a Ardon.

¹⁹ Azuba a mʼmets na. A Caleb a nco Ephrath a ngwoz, a nengaʼa a nya na Hur.

²⁰ Hur a myau Uri, Uri a myau Betsaleel.

²¹ Te deɓaʼa Hetsron a nco dem Makir, bab Galaad, a ngwoz. Mvi nengaʼa 60, aman a nza a vna. A nya na Segub.

²² Segub a myau Jair. Kokwarhi nengaʼa 23 te kokwar Galaad.

²³ Ndohi Gueshur a Syrie ta helama ta gi ta te Jair, a Kenath, a kokwar man a tsagi kokwarhi 60. Tengaʼa tèlèba wudahi Makir, bab Galaad.

²⁴ Te deɓ mʼmetsi Hetsron, te Caleb-Ephratha, Abija, ngwoz Hetsron, a nya na Ashchur, bab Tekoa, a Caleb.

²⁵ Wudahi Jerachmeel, tsuvom Hetsron: Ram, tsuvom nengaʼa; Buna, Oren a Otsem, man Achija a nya na.

²⁶ Ngwoz Jerachmeel ngiɗè a zhè, nzlembaɗ na Athara, nengaʼa mam Onam.

²⁷ Wudahi Ram, tsuvom Jerachmeel: Maats, Jamin a Eker.

²⁸ Wudahi Onam: Shammai a Jada. Wudahi Shammai: Nadab a Abishur.

²⁹ Nzlembaɗ ngwoz Abishur, Abichail. Nengaʼa a nya na Achban a Molid.

³⁰ Wudahi Nadab: Séled a Appaim. Séled a mʼmets na, kra na azɓai.

³¹ Kra Appaim: Jishei. Kra Jishei, Shéshan, kra Shéshan: Achlai.

³² Wudahi Jada, kramam Shammai: Jéther a Jonathan. Jéther a mʼmets na, kra na azɓai.

³³ Wudahi Jonathan: Péleth a Zaza. Nasa wudahi Jerachmeel.

³⁴ Shéshan, kra na azɓai, aman dalahi na ta zhè. Ɓèl Shéshan a zhè, ndo Egypte, nzlembaɗ na Jarcha.

³⁵ A Shéshan a mva na dem nengaʼa a ngwoz a Jarcha, ɓèl na, a nengaʼa a nya na Anai.

³⁶ Anai a myu Nathan. Nathan a myu Zabad.

³⁷ Zabad a myu Ephlai. Ephlai a myu Obed.

³⁸ Obed a myu Jéhu. Jéhu a myu Azaria.

³⁹ Azaria a myu Halets, Halets a myu Elasa. Elasa a myu Sismai.

⁴⁰ Sismai a myu Shallum. Shallum a myu Jekamja.

⁴¹ Jekamja, a myu Elishama.

⁴² Wudahi Caleb, kramam Jerachmeel: Mésha, tsuvom nengaʼa, bab Ziph, a wudahi Marésha, verzi Hébron.

⁴³ Wudahi Hebron: Koré, Thappuach, Rékem a Shéma.

⁴⁴ Shema a myu Racham, bab Jorkeam. Rékem a myu Shammai.

⁴⁵ Maon, kra Shammai. Maon, bab Beth-Tsur.

⁴⁶ Epha, ngwoz kalak Caleb, a myu Haran, Motsa a Gazez. Haran a myu Gazez.

⁴⁷ Wudahi Jahdai: Réguem, Jotham, Guéshan, Péleth, Epha a Shaaph.

⁴⁸ Maaca, ngwoz kalak Caleb, a myu Shéber a Tirchana.

⁴⁹ A myu a vaʼa Shaaph, bab Madmanna, a Shéva, bab Machéna, bab Guibea. Acsa, dem Caleb.

⁵⁰ Na haha wudahi Caleb: Shobal, kra Hur, tsuvom Ephrata, bab Kirjath-Jearim.

⁵¹ Salma, bab Bethléhem. Hareph, bab Beth-Gader.

⁵² Wudahi Shobal, bab Kirjath-Jearim: Haroé, Hatsi-Hammenuhoth.

⁵³ Ndohi te verzi Kirjath-Jearim: ndohi Jéther, Puth, Shumath a Mishra. Te tengaʼa ndohi Tsoreath a Eshthaol ta shkè auda.

⁵⁴ Wudahi Salma: Bethléhem a Nethophat, Athroth-Beth-Joab, Hatsi-Hammanachthi, ndohi Tsor.

⁵⁵ Ndohi mwindè ɗèlèwèr man ta nza te Jaebetsh, ndohi Thireath, ndohi Shimeath, a Sucath. Nasa ndohi Ken, te verzi Hamath, bab ndohi Recab.