Genèse 11 - Ma Zhiklè

Gi mbiaʼa te Babel

¹ Herkeda tèlèba, a nèʼèn ta staɗ, a daʼai ta staɗ.

² Aman ta shkè te man a civèɗ mvèng pats, ta ngots dala te kokwar Shinear, a ta nza a pa.

³ A ta goɗ a va ta: Yowa, ngo-romokoy wujèɗ ara kwa, a ngo-ndorokoya zuraʼa! A ta rom staɗ staɗ tèlèba ara kwa, a ta poɗ mpèɗè a bitume.

⁴ A ta gada: Ngo-ɗüzlokoy kokwar, gi staɗ te va mbiaʼa, géɗ nengaʼa da lamka na giɗfèk! Da nda a skwi nslébèrdè nga, a nga vindè gèɗ a géɗ herkeda asaɓai.

⁵ Te deɓaʼa Ndo nzi pèc pècèk a mshkèhai, a nrka kokwar mbiaʼa, a gi ngurèa, man ndohi herkeda ta roma.

⁶ A Ndo nzi pèc pèck a ngaɗa: Na haha, ndohi kokwar staɗ, a daʼai ta staɗ, a ta hinè ngi aranta di genè; anai ta da dè a ma ma, a ta gi skwi man ta hérèʼa.

⁷ Yowa, ngo-do a hai, ngo-dzokoɓokoy nèʼèn ta, a ngiɗè a tsena daʼai ngiɗè ɓai, ngiɗè a tsena daʼai ngiɗè bai.

⁸ A Ndo nzi pèc pècèk a venda ta gèd a géɗ herkeda tèlèba aranta, a ta jèkeda nɗizl kokwar mbiaʼa.

⁹ Gar haha nzlembaɗ kokwar sa, Babel, a géɗ man Ndo nzi pèc pècèk a ndzakaɓama ta nèʼèn a ndohi herkeda tèlèba te pa, a venda ta gèd a géɗ herkeda tèlèba.

Verzi ndohi Sem

¹⁰ Na haha verzi ndohi Sem. Aman mvi Sem 100, a myu Arpacshad, mvi cèw te deɓ iyam nchè nchè mbiaʼa.

¹¹ Te deɓ nyi Arpacshad, a nʼnza a nshèffê mvi 500 dai, a myu wudahi a dalahai.

¹² Aman mvi Arpacshad 35, a myu Shélach.

¹³ Te deɓ nyi Shélach, a nʼnza a nshèffè mvi 403 dai, a myu wudahi a dalahai.

¹⁴ Aman mvi Shélach 30, a myu Héber.

¹⁵ Te deɓ nyi Héber, a nʼnza a nshèffê mvi 403 dai, a myu wudahi a dalahai.

¹⁶ Aman mvi Héber 34, a myu Péleg.

¹⁷ Te deɓ nyi Péleg, Héber a nʼnza a nshèffê mvi 430 dai, a myu wudahi a dalahai.

¹⁸ Aman mvi Péleg 30, a myu Rehu.

¹⁹ Te deɓ nyi Rehu, Péleg a nʼnza a nshèffè mvi 209 dai, a myu wudahi a dalahai.

²⁰ Aman mvi Rehu 32, a myu Serug.

²¹ Te deɓ nyi Serug, Rehu a nʼnza a nshèffê mvi 207 dai, a myu wudahi a dalahai.

²² Aman mvi Serug 30, a myu Nachor.

²³ Te deɓ nyi Nachor, Serug a nʼnza a nshèffê mvi 200 dai, a myu wudahi a dalahai.

²⁴ Aman mvi Nachor 29, a myu Térach.

²⁵ Te deɓ nyi Térach, Nachor a nʼnza a nshèffê mvi 119 dai, a myu wudahi a dalahai.

²⁶ Aman mvi Térach 70, a myu Abram, Nachor a Haran.

Verzi ndohi Térach

²⁷ Na haha ndohi te verzi Térach. Térach a myu Abram, Nachor a Haran.

²⁸ Haran a myu Lot. A Haran a mʼmets na, aman Térach, bab nengaʼa a zhè a nshèffê dai, te kokwar Ur, te Chaldée, kokwar bab na.

²⁹ A Abram a Nachor ta hul ngwozai: nzlembaɗ ngwoz Abram, Sarai. Nzlembaɗ ngwoz Nachor, Milca, dem Haran, bab Milca a bab Jisca.

³⁰ Sarai delai, a yi kra azbai.

³¹ Térach a nhul Abram, kra na, a Lot, kra Haran, kra kra na, a Sarai, ngwoz kra na, ngwoz Abram, kra na, a nde ta auda te kokwar Ur te Chaldée, aman ta de a kokwar Canaan. A ta shkè Charan, a ta nza te pa.

³² Mvi Térach 205, a Térach a mʼmets na te Charan.