Esther 6 - Ma Zhiklè

Bai a slébèrdè Mardochée

¹ A vaɗ sa, bai a tèr nzhun azɓai. A goɗ aman ta hulko na ɗèlèwèr bihai, aman a njèngèʼa. A ta hulko na.

² A nʼngotso ara man ta Windo a géɗ Mardochée, ara man a ngredauda, aman Bigthan a Théresh, ndohi mɓer ntamagi bai, ta woy a ta keɗa bi Assuérus.

³ A bai a ngaɗa: Mardochée a nʼngats te diaʼa a skwi ntul na, a ta njèlè a vna, mè? Golahi bai man ta gu mizlinè a sam na, ta gaɗa: A nʼngatsa skwa ɓai.

⁴ A bai a ngaɗa: Nte gala wa? Haman a mshkè a gala bai, a woya a jhèɗèʼa, a ta ktsalda Mardochée a wof man a ntildahi a géɗ nengaʼa.

⁵ Golahi bai ta gaɗa na: Haman a nte gala! Bai a ngaɗa: Da shkè a gai!

⁶ Haman a mshkè a gai, a bai a ngaɗa na: Ndo man bi a woya a nslébèrdèʼa, nga da va na mè? Haman a hur te ndav na: Ndo man bi a woya a nslèbèrdè wa, sèi iyè!

⁷ A ngaɗa na bai: Ndo man bi a woya a nslèbèrdè dè?

⁸ Sèi ta cko maslaka man bi a mfeda a va ma, a plèsh man bi a nza a deɓa ma, a mpèɗè gèɗ bai.

⁹ A ta bezda maslaka a plèsh a ri a ndohi bi mbibihiaʼa, a ta va na a va ndo man bi a woya a nslébèrdèʼa, a ta nzeda a deɓ plèsh, a ta shèwèldèʼa te kokwar tèlèba, a ta bèhè a ma nengaʼa: Aranta nga gi a sam ndo man bi a woya a nslébèrdèʼa.

¹⁰ A bai a ngaɗa na Haman. Tsam tsam! Co maslaka a plèsh ara man ka goɗa, a ka gu skwi tèlèba a sam Mardochée, ndo Juif, man a nzi a ntamagi bai. Skwi tèlèba man ka goɗa, gau, ka jèkaha bai!

¹¹ Aman Haman a nco maslaka a plèsh, a mva na a va Mardochée, a nshèwèldèʼa a plèsh te kokwar tèlèba, a mboho a ma nengaʼa: Aranta nga gi a sam ndo man bai a woya a nslébèrdèʼa!

¹² Te deɓaʼa Mardochée a mshkè a deɓa a ntamagi bai. Haman a mhu a ngwai a nlèyè, a nʼnza a ri a ndav;

¹³ a njè na skwi man a gu a sam na a Zéresh, ngwoz na, a mandalahi nengaʼa tèlèba. A ndohi kilèa nengaʼa, a Zéresh, ngwoz na, ta gaɗa na: Aman Mardochée, man ka hüno ngurɓahi a sam na ma, te verzi Juif, ka slaha nengaʼa asaɓai; ka da kèlèhi a mèdèp.

Bai a nktsalda Haman a wof

¹⁴ Aman ta gèɗè dai, golahi bai ta shkè a ta feda Haman a ma a sam skwi nʼndi man Esther a gau.