Esther 4 - Ma Zhiklè

Esther a woya a mbel ta ndohi Juif

¹ Mardochée a ntsena skwi tèlèba man ta gau, a nkuratseda maslaka na aussa, a mfeda maslaka sam kuɗa a va, a mpeda hutsoɗ a gèɗ, a njèkeda gi na, a ndo a ndev kokwar, a gi wobau, a tsi lalau.

² Aman a dè, a ndika na a ma gi bai. Aman ndo, a maslaka sam kuɗa a va, a slaha a ndè a gi bi ɓai.

³ Te kokwar tèlèba, a sam man ma bai a ma nkwèr nengaʼa a ndo a pa, ndohi Juif ta kuɗi kumba, ta mana a dala, a maslaka sam kuɗa a va, a hutsoɗ te gèɗ, a ta jèkeda skwi nʼndai.

⁴ Dalahi mizlinè Esther, a ntokotasl bihi nengaʼa, ta ngra na Esther, ngwoz bai, a nengaʼa a ngu zlau kumba. A nzlinda na maslaka a Mardochée, da suɗa maslaka sam kuɗa auda a va. Aman nengaʼa a nca ɓai.

⁵ A Esther a mbaha na Hathac, staɗ te va ntokotaslhi man bai a mva na a tsagai, a ngaɗa na, aman a dè a sam Mardochée, da dzhoɗkoɗi: skwi nʼnga ar haha bemè?

⁶ A Hathac a ndo auda a sam Mardochée, a dal kokwar, zuraʼa a ma gi bai.

⁷ A Mardochée a njè na skwi tèlèba man ta ga na, a nʼngra na Suli man Haman a woya a pil ta ndohi mbèzl ndohi Juif a vna, a ta vi a va skwi mèshèlè bai.

⁸ A mva na ɗèlèwèr a ma kita man ta goɗ te gi bai a géɗ nzhidè ndohi Juif. Da ngra na Esther, do do da gaɗa na ma Mardochée a bai, da dzhoɗ pombai a sam bai, da tsu rai a géɗ ndohi na.

⁹ Hathac a mshkè, a mʼmenda na ma Mardochée a Esther.

¹⁰ Esther a nzlündo Hathac a deɓa a sam Mardochée, da gaɗa na:

¹¹ Ko wawa te va ndohi mizlinè bai, a ndohi kokwar-bi ta suna, aman ndo ngiɗè – ko nguraʼa ko ngwoz – a dè a sam bai a gi tʼhwaɗaʼa, man bi a mbaha na bai, sèi a metsi na, ma kita a gaɗa. Séi man bi a geda gaɗa-bi nengaʼa kla, ga a nzi a nshèffè. I ba mʼmèn 30 man bi a mbahayè a sam na ɓai.

¹² Aman Mardochée a ntsena ma Esther, Mardochée a mʼmenda na:

¹³ Ka hur a ka gaɗa: aman ndohi Israel tèlèba ta bèzl ta, i te gi bai, i mbel ga mènè, ka hur ɓai!

¹⁴ Aman a vava ka nza tètèʼa a sam ambaɓiaʼa haha, ndohi Juif ta da ngècè maya ngiɗé man ta mbel ta, man ta tsi gèɗ ta auda. Aman ka a ndohi gi kinè, kin zi kine. Nsun wa, gar ka gu a ngwoz bai a géɗ sam ambaɓiaʼa haha!

¹⁵ A Esther a mʼmbeɗa na a ma Mardochée:

¹⁶ Do a ka ɓic ta ndohi Israel tèlèba-man ta zhè te Suse, va-jèkeda skwi nʼndai mʼmèn makar, va-tsu rai a géɗ ga Kin ndau skwi bai, kin sau skwi ɓai, mʼmèn makar, a pats ba a vaɗ ba. Iyè a dalahi mizline ga nga da jèkeda skwi nʼndi lèmèlèmè arsa. Te deɓaʼa i da de a sam bai, ko ma kita a goɗ arsa ɓai. Ko i dè a mʼmetsai, i da metsu mènè!

¹⁷ A Mar-dochée a mdo a ngau tèlèba ara man Esther a ngaɗa na.