Esaie 39 - Ma Zhiklè

Ezéchias a ndohi sak bi Babylone

¹ A pats nasa, Merodac-Baladan, kra Baladan, bi Babylone, a nzlin-da na ɗèlèwèr a skwi mbalai a bi Ezéchias, a géɗ man a tsenaʼa, nengaʼa mbelakaɓai, a ngau daraʼa.

² Ezéchias a wuffè a géɗ ndohi sak, a ngra ta gi mèshèlè nengaʼa, a verzhègenè a guro, a ɓurdi a mbar mbelaʼa, a gi skwi var nengaʼa, a skwi tèlèba man a zhè te gi mèshèlè nengaʼa. Skwi azɓai te gi bi na, te kokwar bi nengaʼa tèlèba, man Ezéchias a ngra ta ɓai.

³ Esaie, ndo nhadka ma, a mshkè a sam Ezéchias, a ngaɗa na: Ndohi haha ta gaɗ kè? Ta shkè a sam ngaya, ta shkè tema? Ezéchias a mʼmbeɗa na a ma: Ta shkè a sam ga te kokwar dra; ta shkè te kokwar Babylone.

⁴ Nengaʼa a ngaɗa na: Ta rka te gi ngaya mè? Ezéchias a mʼmbeɗa na a ma: Ta rka skwi tèlèba te gi ga. Skwi ngiɗè azɓai te gi mèshèlè ga, man i ngra ta ɓai.

⁵ Esaie a ngaɗa na Ezéchias: Tsena ma Ndo nzi pèc pècèk, Zhiklè bi mbiaʼa!

⁶ Na haha, pats ngiɗè a di a shkè, skwi tèlèba te gi ngaya, a skwi man bababhi ngaya ta ɓicaʼa, ndohi Babylone ta da hilèʼa a kokwar ta. Ta da jèkè skwi azɓai, Ndo nzi pèc pècèk a gaɗa.

⁷ A wudahi te verzi ngaya, man ka yau, ta da hel ta a ta gi a ntokotasl ɓai te gi bi Babylone.

⁸ Ezéchias a ngaɗa na Esaie: Ma Ndo nzi pèc pècèk man ka mendayè, amba. A ngoɗ te gèɗ na: A pats nshèffè ga tèlèba, gumi a vava a zhè.