Deutéronome 12 - Ma Zhiklè

Sam ntsi ri staɗgenè

¹ Na haha ma ndè kinè, a ma kita kinè, aman sèi kin jèjèreʼa, nlèbèslè te kokwar man Ndo nzi pèc pècèk, Zhiklè babhi kinè, a va kinè, ha kin metsi kinè.

² Va-gedassa sam tèlèba man ndohi herkeda man kin dum ta, ta mboh skwi a pa; a géɗ za, a géɗ ngègèɗhai, a verzi wof ndizlimaʼa tèlèba.

³ Sèi kin mbeɗda mblom tengaʼa, a kin pasla kwa tengaʼa nzlatsedaʼa, kin ngelda wof mbèh skwi tengaʼa a hai, a kin fa na vogwa a skwi mbèh skwi a zhiklèhi tengaʼa, a kin zeda nzlembaɗ ta auda a sam haha.

⁴ Aman a sam Ndo nzi pèc pècèk, Zhiklè kinè, kin gu arsa ɓai!

⁵ Sèi kin dè a sam man Ndo nzi pèc pècèk, Zhiklè kinè, a ngotsko dʼauda a ndohi te verzi kinè, aman nzlembaɗ nengaʼa da nza a pa. Sèi kin dè a pa!

⁶ A kin ndi skwi te pa, man kin ndara na, a kin zla na, skwi staɗ te va kula; skwi man kin co auda a kin va na Zhiklè; skwi man kin gaɗdahai; a skwi man kin tsakala ncèkèlè; a tsuvom skwai, ko zlè ko tambak.

⁷ A kin ndi skwi te pa, a kin wuffè a sam Ndo nzi pèc pècèk, Zhiklè kinè, kinè a gwoli kinè, a géɗ skwi ri kinè, man Ndo nzi pèc pècèk, Zhiklè kinè, a mpshè kinè ma a vna.

⁸ Kin gu ara man nga gi a patsna ɓai, man ndav ndo staɗ staɗ tèlèba a gi ara man a woyaʼa.

⁹ Te man kin ndika a sam nshèk va, a sam skwi nʼndi gi man Ndo nzi pèc pècèk, Zhiklè kinè, a va kinè, di ɓai.

¹⁰ Aman kin da tawaɗa woyam Jourdain ma, a kin nzi te kokwar man Ndo nzi pèc pècèk, Zhiklè kinè, a va kinè a skwi kinè, aman kin ngots nshèk va a sam mayamhi kinè a tsagi kinè tèlèba ma, a kin nzi te pa amba, amba,

¹¹ te deɓaʼa va-hulko skwi tèlèba man ijhèɗè a sam kinè, a sam man Ndo nzi pèc pècèk, Zhiklè kinè, a ngotskoɗauda, aman nzlembaɗ na a nzi a pa: skwi man kin ndarayè, a kin zlayè; skwi 1 te va 10; skwi man kin co auda; skwi kinè mparaʼa tèlèba man kin gaɗa na hi a Ndo nzi pèc pècèk;

¹² a kin wuffè a sam Ndo nzi pèc pècèk, Zhiklè kinè, kinè a wudahi a dalahi kinè, a ɓèlèlihi kinè, ko ngurhi ko ngwozi, a ndo Lévi man a zhè a samaʼa, a géɗ man nengaʼa a ngatsa skwi nʼndi gi a sam kinè ɓai; skwi nʼndi gi nengaʼa azɓai.

¹³ Gu maya, aman ka ndara na skwi a Zhiklè a sam man ka ka mwoya ka ɓai,

¹⁴ aman a sam man Ndo nzi pèc pècèk a ngotskoɗauda te ndev ndohi te verzi ngaya, a ka ndara na skwi a pa. A pa, ka da gi skwi tèlèba man i njè ka.

¹⁵ Aman ka zlèhè skwai, ka ndau zluèɗ ara man ka woyaʼa, te kokwar ngaya tèlèba, ara man Ndo nzi pèc pècèk, Zhiklè, a mva ka te mpshè ma nengaʼa. Ko ndo man ndav na nlizhèa, ko ndo man ndav na nlizhɓai, da ndau, lèmèlèmè ara man ta ndi mènèɗa kevar.

¹⁶ Sèi Pombaz, ka ndau ɓai! Badaussa ara iyam!

¹⁷ Dau ngaya agoda staɗ te va kula, barassa ngaya a mbar ngaya, ka slaha ka ndi a nda gwoli ngaya azɓai; a tsuvom zlè a tambak ngaya ba, ko skwi man ka gaɗdahi a Zhiklè, a skwi man kin tsakala ncèkèlè, a skwi man ka co auda aman ka va na Zhiklè.

¹⁸ Sèi ndau a sam Ndo nzi pèc pècèk, Zhiklè ngaya, a sam man Ndo nzi pèc pècèk, Zhiklè ngaya, a ngotskoɗauda; ka a kra ngaya, a dem ngaya, ɓèl ngaya, ko nguraʼa ko ngwoz, ko ndo Lévi man a zhè a samaʼa, a kin wuffè a sam Ndo nzi pèc pècèk, Zhiklè ngaya, a géɗ skwi ri ngaya.

¹⁹ Gu maya, ka da pra na ma a gèɗ a ndo Lévi ɓai, man ka te kokwar ngaya sa.

²⁰ Aman Ndo nzi pèc pècèk, Zhiklè ngaya, a herda ka kuma ngaya a deɓa, ara man a gaɗa ka, a ka da gaɗa: I woy a i ndi zluèɗ, mi zluèɗ a keɗyè! Sèi ndau zluèɗ ara man ndav ngaya a woyaʼa.

²¹ Aman sam man Ndo nzi pèc pècèk, Zhiklè ngaya a ngotskoɗauda, a mfeda nzlembaɗ na a pa, dra a sam ngaya, sèi ka zli te va zlè a tambak man ka va na Ndo nzi pèc pècèk, ara man i njè ka a gèɗ; a ka da ndau te gi ngaya.

²² Ndau lèmèlèmè ara mènèd a kevar; ko ndo man ndav nlizhɓai, ko ndo man ndav na nlizhèa, ta da ndi nengaʼa.

²³ Aman pombaz, ka ndau ɓai! Aman nshèffè a zhè te pombaz; gu maya a ka ndau zluèɗ a pombaz man nshèffè te pa a hwaɗ ngaya ɓai!

²⁴ Ka ndau ɓai, badaussa ara iyam!

²⁵ Ka ndau ɓai, a ka da nzi amba, a wudahi ngaya te verzi ngaya ba, te man ka gu skwi nzuraʼa a sam di Ndo nzi pèc pècèk.

²⁶ Skwi man ka va na Zhiklè, skwi man ka gaɗdahai, co a ka shkè a sam man Ndo nzi pèc pècèk a ngotskoɗauda!

²⁷ Ndara na skwi ngaya, zluèɗ a pombaz, a géɗ sam mvi skwi a Ndo nzi pèc pècèk, Zhiklè ngaya! Pombaz skwi man ka zloho, bada a géɗ sam mvi skwi a Ndo nzi pèc pècèk, Zhiklè ngaya! Zluèd, ka ndiaʼa.

²⁸ Ma man i njè ka haha tèlèba, gsa te ndav ngaya, a ka suna: ka da ngècè manam, kinè a wudahi ngaya a mèdèp, aman ka da gi skwi man amba a skwi nzuraʼa a sam di Ndo nzi pèc pècèk, Zhiklè ngaya.

Mbèh skwai ambaɓai

²⁹ Aman Ndo nzi pèc pècèk, Zhiklè ngaya, a zedkodi ndohi herkeda auda a ma ngaya, a ka dum ta, a ka nzi te kokwar tengaʼa,

³⁰ gau maya, da pe ka a wi a skwi mbèh skwi tengaʼa ɓai, a ka gu ara tengaʼa ɓai, te deɓ man i dzam ta auda a ma ngaya. A ka dzhoɗo a géɗ mʼmbèh skwi tengaʼa ɓai, ka gaɗa: Ndohi haha ta dzodzor zhiklèhi tengaʼa kè? I ba i woy a i gi arsa.

³¹ Ka da gu arsa a sam Ndo nzi pèc pècèk, Zhiklè ngaya ɓai! Tengaʼa ta gu skwi man Ndo nzi pèc pècèk a gi shèwa a pa, man ambaha ɓai, a ta slubordo zhiklèhi tengaʼa a vna. Wudahi a dalahi tengaʼa ba ta bezda ta a ndev vogwa a géɗ zhiklèhi tengaʼa.

³² Ma tèlèba man i njè ka, dzodzora nlèbèslè, ka pa na va ɓai, ka helaha ɓai!