1 Thessalonians 2 - Ma Zhiklè

Mizlinè Zhiklè Paul te Thessalonique

¹ Aman kin sun te gèɗ kinè, dalaimam nga, nga ngots civèɗ a sam kinè; ngo do ambali ka ɓai.

² Ko nga sau matakwan nshèlèkuraʼa, a ta keɗ nga te kokwar Philippes, ara man kin suna, nga ngots wuɗai a sam Zhiklè, a nga ga zlau ɓai, a nga nju ma mbelaʼa man a Zhiklè a sam kinè ba, a vazaza a va kumba.

³ Nga nju ma Zhiklè a sam kinè, nga tsakalma ka ɓai, nga ngwoda kinè ka ɓai, nga pe kinè a wi ɓai.

⁴ Aman ara ndohi man Zhiklè a jkede nga, man a mva nga ma mbelaʼa a rai, nga gèɗè arsa: nga woy a nga gi ambaha ta ndohi genè ka ɓai, aman nga gi ambaha Zhiklè man a wèr ndav nga.

⁵ Kin suna, nga shkè a mpètè skwi te ri kinè ka ɓai, pal ba. Nga shkè a ntétékè Suli ka ɓai, — Zhiklè a suna —

⁶ Nga pu di a ndohi man ta slebarde nga ka ɓai, ko kinè, ko ndohi ngiɗè.

⁷ Ar nga slaha nga fi va a géɗ man nga ndohi sak Kristi; aman nga nza a sam kinè a maya, ara mam wudahai man a wèr di wudahi na.

⁸ Gar haha nga fe kinè a ndohi nga, a nga woya aman nga njè kinè ma mbelaʼa man a Zhiklè genè ka ɓai, aman ko nshèffè nga nga via a géɗ kinè, te man nga woy kinè kumba.

⁹ Dalahimam nga, va-hur mizlinè nga, a ntulè nga, ara man a pats a vaɗ nga gu mizlinè, a nga rzla kinè va a gèɗ ɓai, ko a ndo staɗ, a nga nju ma mbelaʼa man a Zhiklè a sam kinè.

¹⁰ Kin suna, a Zhiklè ba a suna, ara man nga nza a sam kinè, ndohi-ncè Yèsu a ndav; nkezlaʼa, zuraʼa, a nga ga mali a sam kinè ɓai.

¹¹ A kin suna, nga gu a sam kinè staɗ staɗ tèlèba, ara bab man a bidè wudahi na.

¹² A nga fa kinè ma a gèɗ, aman sèi kin nza a kin nzala Bi Zhiklè, man a baha kinè a sam kokwar-Bi nengaʼa, a sam nʼnjèl nengaʼa.

¹³ Gar haha nga shid gèɗ a Zhiklè pèc pècèk, a géɗ man kin co ma Zhiklè, man nga njè kinè, a kin ngotso a sam nga, ara ma ndohi ka ɓai, aman a vava ma Zhiklè, man a gi mizlinè te ndav kinè, man kin co a ndav.

¹⁴ Gar haha kinè, dalahimam nga, lèmèlèmè ara mpi ndohi Zhiklè tsaɗ tsaɗ te kokwar Judée man ta zhè te Yèsu Kristi, a ta su matakwan te ri ndohi Juif, kin sau matakwan te ri gwoli kinè.

¹⁵ Ndohi Juif ta keɗa Bai Yèsu, a ndohi nhadka ma, a ta paraha nga. Ta ambaha Zhiklè ɓai, mayamhi ndohi tèlèba.

¹⁶ Ta gi mali a ma ma, ta va nga civèɗ azɓai, aman nga njè ta ma mʼmbel ta a ndohi nte deɓa. Aman ndzoan Zhiklè, na gèɗ tengaʼa ma.

Paul a woy ndè a deɓa a sam mpi ndohi Zhiklè

¹⁷ Aman nga, dalahimam nga, aman nga dra a sam kinè kètè, ko man nga rka kinè a di ɓai, aman te nhèr gèɗ nga nga zhè a nda kinè genè. Nga woy a nga rka kinè, mpataka kinè a keɗ nga kumba.

¹⁸ Gar haha nga woy a nga dè a sam kinè, holholaʼa iyè Paul a gi sak cèw. Aman Sadan a ngedassa civèɗ nga.

¹⁹ Skwi man nga zhèrè te ndav, mwuffè nga, mpèɗè gèɗ man a slebarde nga, wa? Kinè ba, a sam Bi Yèsu ka ɓi ɗè?

²⁰ Kinè skwi nslébèrdè nga, mwuffè nga.