Jabuuroolu 127 - Mandinka Bible

Alla le ka neemoo dii a la moolu la

Moolu ka ñiŋ suukuwo le laa, niŋ ì be Alla Batudulaa Buŋo* waliŋ na. Sulemani la Jabuuroo le mu.

¹ Niŋ Yaawe* maŋ buŋo meŋ ke lootaa ti, a loolaalu ka ì faŋ ne batandi kensenke. Niŋ Yaawe maŋ saatewo meŋ kanta, kantarilaalu ka i laa ì ñaa la kensenke le.

² Nafaa te a la, i ka wuli juuna, i ka mee i ñaa la, ka tara i la daañiniŋo ñini la bataa kono. Alla le ka wo dii a kanuntewolu la, hani niŋ ì be siinoo la.

³ Diŋolu mu soorifeŋo le ti ka bo Yaawe bulu, ì mu a la jooroo le ti.

⁴ Dinkewolu mennu sotota fondinkeeyaa kono, ì ka munta le ko, kalabeñoolu ka tara kelejawaroo buloo kono ñaameŋ.

⁵ Seewoo be kewo le ye, meŋ ye wo ñoŋ jamaa soto. A te malu la, niŋ a niŋ a jawoolu benta kiitiikuntu dulaa saatewo dundaŋ daa* to.