Esther 10 - Mbeti ti Nzapa - Tënë so amu fini

Mardochée aso benda biani biani na ndö ti awato ti lo

¹ Gbia Zerses amu yanga na azo ti kodro ti lo kue nga na ala so ayeke lango na ya ti azoa ti kota ngu-ingo ti futa lapo.

² Akota kua so gbia asara na lege ti ngangu ti lo na ti komandema ti lo, nga na ye oko oko so lo sara si Mardochée awara kota ndo, a su atënë ni kue na ya ti ambeti-sango ti ngu oko oko ti agbia ti kodro ti Medii na ti Perse.

³ Biani, Mardochée, zuife so aga kota zo mingi na ya ti kodro ni; na peko ti gbia Zerses, ayeke lo. Ti azuife, lo yeke kota zo mingi na ya ti kodro ni; azo ti mara ti lo aye tënë ti lo mingi. Lo yeke gi gi nzoni ti azo ti kodro ti lo si lo yeke sara kue ti bata siriri ti azo ti mara ti lo kue.