Yobo 25 - Mokanda na Bomoi

Maloba ya misato ya Bilidadi

¹ Bilidadi, moto ya Shuwa, azwaki maloba mpe alobaki :

² « Bokonzi mpe somo ezali ya Nzambe ; atiaka kimia na bisika na Ye ya likolo.

³ Boni, bakoki kotanga mampinga na Ye ya lola ? Na likolo ya nani pole ya Nzambe engengaka te ?

⁴ Ndenge nini moto akoki kozala sembo na miso ya Nzambe ? Ndenge nini moto oyo abotami na mwasi akoki kozala peto ?

⁵ Soki kutu sanza ezali kongenga te, mpe minzoto ezali peto te, na miso na Ye,

⁶ toloba nini mpo na moto oyo azali se mutsopi, mpo na mwana na moto oyo azali kaka nyama moke ya pamba ! »